Matius 15:12 - ALLAH ANE WENW KET MEKE WAROGO WOKNINAKHIKHE WENE

¹² Itithogon yogeisasikhemo, at agarumi ane waganhe lagoukha meke emenogo oba wagoukhasik nen, men yogokhukha, “Wene yoknisegen etnogo, it ap Farisi meke nen inasuk holhasik nen, ua palha iluk, hat nen ekagat hutdisegen a? Dek a,” iluk yogokhukha.

Matius 15:12 ပူးပေါင်းရင်းမြစ်များ

Matius 11:6

Yogotluk tha nen etaiken pere atluk here'anhidek dogogin halok he, akla arleken akhekhe dogogin o, iluk yogosi lano,” iluk la'isasikhe.

Matius 15:11

“Wene igin yi hit hutdubageik nen, hinasuk hanorogo holini o. Yi meke ti meke inapema kola'egarek iti nen inebe weagarinakherek dek o. Meke re, inape baga nen wene egarek iti bagaat weagarinakherek o,” iluk yogeisasikhe.

Matius 15:13

Itithogon yogokhukhama at Yesus nen, “Yi oka ti oka an nopase pogot oba meke nen ai yakhidek meke halok he, motok henogo la'isageinat o.

Matius 17:27

Meke re, it nen ina'it nisaunogo nen, i yekelekma lalok ikan wakharek meke herle etnogo ima usa'isinem alebageik wasigin meke etnaga hikimo waganiluk ape lanethasinem, uang apema werekma higin o. Halok he, itiat waganogo hat hasik inom, an hasik inom, it ap iti wogeisano,” iluk yogokhikhe.

2 Korintus 6:3

Akhuni aperek nen he, “Hit Allah hasik hagakhe lagap iti korlo hagakhe lagap,” iluk ninabok weak palunogo iluk, akhuni aperek weak hagasuagaluk inakla kagalogo yi meke ti meke korlo'ba hagakhe lago dek.

Galatia 2:5

Meke re, wene hano wene iti hit hinobasik hanorogo irlirli waganogo hakhisik dogouogoluk, it nen itithogon isinem, nit nen it inane hologo niniki opakiat oba ageikhe, “I o,” iluk, igidegat.

Yakobus 3:17

Itithogon mekeat he, Allah nen akhuni inakla kagalhunem, inobabut kok hagakharek he, weak ageikhe hagakhidek inilaga isonhogo welageikharek iti. Itithogon dogolik, akhuni inom hanorogo welageik, inobabut enago welageik, inane hologo hagakhik, akhuni inakmurogon motok welageik, o eken hano meke ikherek iti hak, hanorogon hagakhik, akhuni aperek inelokhomake 'bisigik, aperek inoporlike 'bisigik, hagakhidegat inetaiken pere welageidegat, hanorogo hagakharek iti.