Matius 15:10 - ALLAH ANE WENW KET MEKE WAROGO WOKNINAKHIKHE WENE

¹⁰ Itithogon yogeisasikhesik nen, yabokane at Yesus nen akhuni doalegat emenogo waisasikhemo wagoukhama, ageikhe men yogeisasikhe,

Matius 15:10 ပူးပေါင်းရင်းမြစ်များ

Matius 13:19

Ai hilik aperek holagarlem usa'isikhe iti ebe it akhuni aperek Allah apma 'bisekherek wene iti inasuk holharethegat, ebe hutukhogo hutdigidek halok, at obabut weak meke etnogo wagarethek nen, wene inetaikenma ai yago meke iti henogo horlalok lagarek itiat o.

Matius 15:11

“Wene igin yi hit hutdubageik nen, hinasuk hanorogo holini o. Yi meke ti meke inapema kola'egarek iti nen inebe weagarinakherek dek o. Meke re, inape baga nen wene egarek iti bagaat weagarinakherek o,” iluk yogeisasikhe.

Matius 15:9

Wene akhuni inane mekeat he, an nen isigi meke negen yakulisiliogei iti nen he, we yugunat hogotnabiogei o, iluk isikhemo, Yesaya nen holal waganogo 'bisikhemo werek iti, hit hinobasigat isikhe o,” iluk yogeisasikhe.

Matius 24:15

Itithogon yogeisasikhesik, yabokane ageikhe men yogeisasikhe, “Hit nen holal waganek yi etaga thalhe dogolik, hanorogon hutdekhe dogono o. Ap Daniel Allah ane yogeisekhe lageikhe meke etnogo nen ekhe dogolik, Akhuni nen inalilo meke hagakhunem agorlerogon lo lugun meke o Allah ekaerek ai melaga halok,

Lukas 24:45

Allah ane holal waganek hutduagaluk, it emenogo wene inetaiken kagalogo yogeisasikhemo hutdisukha.

Efesus 1:17

Hit hinobasik he, ninoe Etagapogot Yesus Kristus opase Allah hogorakho motok welageikharek meke etnogo nen, hinakla motok kagalek meke wokhisigik, at ebe hutukhogon hutdubageik nen yakulhisigik, hagakhe dogoak nen iluk, Agoreke wokhisoagaluk ayoko 'bekhe lagei.

Kolose 1:9

Hinabok itithogon isinem ninasuk holhosik, nit nen hit hinobasik sembayan igik, Allah ayoko 'bigik, thogotdigidek isi motogat welago. Itithogon isinem Allah Agoreke nen hinakla kagalhunem, hinakla motok kagalogo wene hutdiluk nen, at Allah akla warlok apekherek meke iti hit nen, hutukhogon hinilurogon dogobageik iluk ayoko 'bekhe lagoat o.

Yakobus 1:5

Meke re, at Allah obabut hano nen akhuni tha'bokhogonat akmu dogolik wenageisigidek wogeisekherek iti nen, hit aperek hinakla kagalek dek halok, at kino yogosumo hinakla kagaliginat o.