Matius 14:19 - ALLAH ANE WENW KET MEKE WAROGO WOKNINAKHIKHE WENE

¹⁹ Yogeisasikhemo, wogosi agoukhama, at Yesus nen akhuni doalegat emenogo men yogeisasikhe, “Pipuk ekamake ethoma hureklarik lani o,” iluk yogeisasikhemo hureklarik lagoukhama nen, roti 5 eranogo inom, ikan pere eranogo inom, ikimo waganhikhesik nen, ileken pogot oba liakhasikhesik, Allah heagei warogo nen, roti kusogo agarumi ane waganhe lagoukha meke emenogo nen supurisoagaluk wogeisasikhemo it nen supurisasukha.

Matius 14:19 ပူးပေါင်းရင်းမြစ်များ

Matius 14:18

Itithogon yogokhukhama, at Yesus nen he, “Etaat woknisitni o,” iluk yogeisasikhe.

Markus 6:39

Yogosi agoukhama, at nen, men yogeisasikhe, “Akhuni yoma inebe pipuk ekama thabuleka talek motokma ethoma amun waganhigik hureklarik loak nen yogeisani o,” iluk agarumi yogeisasikhemo

Markus 6:41

Itithogon arat hureklasi lagoukhama, at Yesus nen hipiri roti meke 5 eranogo inom, ikan pere eranogo inom, ikimo waganhikhesik nen ileken pogot oba liakhasikhesik nen, Allah heagei warogo roti eranogo kusogo, agarumi ane waganhe lagoukha meke nen akhuni doalegat emenogo supurisoagaluk wogeisasikhe. Nen, ikan pere eranogo itithogonat it tha'bokhogonat supurisoagaluk palogo wogeisasikheat.

Markus 7:34

Itithogon 'biluk ileken pogot oba liakhalok nen, etaiken ane isikhesik nit ninane baga, “Huak in,” u hak, it inane baga, “Efata,” iluk yogokhikhe.

Lukas 22:17

yabokane isoak eken apusu henago ikimo waganhikhesik, Allah heagei warogo, agarumi wogeisekhe dogolik, men yogeisasikhe, “Anggur eken apusu yi nalok an yabokane ageikhe nikidek dogoluk nen, hurli, at Allah nen apma 'bisagein iti hurli, yabokane nigin. Halok he, yi waganogo hinekaerek nen supurogo nilik lobageik nen iluk wokhisigi o,” iluk yogeisasikhe.

Lukas 22:19

Itithogon yogeisasikhesik, yabokane hipiri roti meke ikimo waganhikhesik nen, Allah heagei warogo nen ebe kusogo, agarumi supurisekhe dogolik, men yogeisasikhe, “Yi an nebeat o. [An nebe hit hinobasik nakhunem watlasigin iti, an noba eberek dogobageik nen, yigithogon neke dogono,” iluk yogeisasikhemo,

Lukas 24:30

Ukisukhasik inom hipiri nuogoluk nen hurek lageikhesik hipiri roti meke ikimo waganhikhesik nen, Allah heagei warogo kusogo it emenogo wogeisasikhe.

Lukas 9:14

akhuni inebe ap anek, 5.000 hakene werekma isukha. Itithogon yogokhukhama, at Yesus nen agarumi emenogo yogeisekhe dogolik, “It ethoma inebe 50 amun waganogo hureklarik loak nen yogeisani o,” iluk yogeisasikhe.

Lukas 9:16

Arat hureklarik lagoukhama nen, at Yesus nen hipiri roti meke 5 eranogo men, ikan pere eranogo men, ikimo waganhikhesik nen, ileken pogot oba liakhalok, Allah heagei warogo roti inom, ikan inom, eranogo kusogo, at agarumi emenogo nen akhuni doalegat emenogo supurisoagaluk wogeisasikhe.

Yohanes 11:41

it nen helekit etnogo dekalogo la'isukhama, Yesus ileken pogot oba liakhalok nen, men isikhe, “Allah nopase. An nane hasuk holhen iti nen, heagei wathakhe lagei o.

Yohanes 6:23

yabokane ku ninat meke aperek akhuni o etaga Tiberias meke nen warik, ninoe Etagapogot Yesus nen sembayan Allah heagei warogo nen hipiri roti meke supurisasikhemo nasukha baga etnogo alilu itali agoukhasik werekma, inileken hasukha.

La'isasikhe 27:35

Itithogon yogeisasikhesik, roti ageikhe ikimo waganhikhesik nen, it tha'bokhogonat inil oba Allah heagei warogo, at tak kusogo nasikhe.

Roma 14:6

It nen, “O yogotak yinem anek he, yi meke ti meke hagasusak dek,” iluk egarek meke iti, ninoe Etagapogot hasigat apegarek o. Nen, it aperek yi meke ti meke yugunat nekarek meke iti, ninoe Etagapogot hasigat neke dogolik, Allah heagei wakharek iti. Nen, it nekarek dek meke iti, ninoe Etagapogot hasigat nikidek thogotdekhe dogolik, Allah heagei wakharegat iti.

1 Korintus 10:16

Apusu neke dogolik, Allah heagei warogo neke lago iti, Kristus amep ulabogo wakhukha iti ninom hunik welago iluk neke lago dek a? Nen, hipiri kusogo neke lago iti, Kristus ebe ninom hunik dogolik ninebe opakiat welago, iluk, kusogo neke lago dek a?

1 Korintus 10:31

an men yokhisak. Hipiri inom, i inom, nikik, yi meke ti meke hagakhik, itithogon tah'bokhogonat hagakhe dogolik, akhuni nen Allah hogorasuagalugat hagakhe dogono o.

1 Korintus 11:24

Ninoe Etagapogot Yesus ap inobabut weak meke nen wasuagaluk, ap ageikhe nen hibako yoko lageikhe itinem, at Yesus nen hipiri roti meke ikimo waganhikhesik, Allah heagei warogo, kutdiluk nen men isikhe, “Hipiri yi an nebeat o. An hit hinobasigat nasugun iti noba eberek dogobageik nen, yigithogonat hagakhe dogono,” iluk agarumi wogeisasikhe.

Kolose 3:17

“Ninopase Allah nen woknisekherek iti, ebe Yesus nenat woknisekherek o,” iluk, Allah heagei wakhe dogolik, “Ninoe Etagapogot Yesus apma dogolik, hagakhe lago,” iluk, yi meke ti meke tha'bokhogonat hagasuogoluk, hinane yi meke ti meke hasik uogoluk, at Yesus etaga palogo hagakhe dogono o.