Matius 14:14 - ALLAH ANE WENW KET MEKE WAROGO WOKNINAKHIKHE WENE

¹⁴ It alebageik lagoukhasik werekma, at Yesus imake ku warogo laga lageikhesik, ku akla nen inoba dukhisikhesik, akhuni doalegat emenogo ileken lageisalok akmurinabiluk nen, it u warek meke emenogo hano hagarinakhikhe.

Matius 14:14 ပူးပေါင်းရင်းမြစ်များ

Matius 14:15

Itithogon u hano hagarinakhe korlek, o arat liok isikhemo nen, at ane waganhe lagoukha meke emenogo Yesus oba wagoukhasik, men yogokhukha, “Nit o yoma akhuni inaren dekma werekma, o arat liok ekhe yoma, akhuni doalegat yoma inapiri inekaerek oko paloak nen he, o yoma aliluke o ukul 'bugurlagatmake la'isan o,” iluk yogokhukhama,

Matius 4:23

Lagoukhama, at Yesus o Galilea eloke o tomok etoma nekhe dogolik, akhuni Yahudi meke sembayan egarekma ukisikhesik, wene hano wene yabokane ninopase Etagapogot apma 'binanigin etnogo wene yogeisigik, yi u ti u hano hagarinakhik, hagakhe lageikhe.

Matius 9:36

Itithogon hano hagarinabik nekhe dogolik, akhuni doalegat ileken lageisalok nen, “Ap domba therisek welageikharek hak, it yoma ap therisek dogou meke inebe dek nen yugunat thirlik-pirlikhogon thet yagalek liliogei yoma nakmu lak o,” iluk akmurinakhikhe.

Markus 6:34

Italhukhasik, at Yesus ku akla nen dukhekhe dogolik, akhuni doalegat emenogo ileken lageisalok nen akmurinakhikhesik men isikhe, “Domba hagasik welageikharek hak, it yoma hagasik dogou meke inebe dek nen werek yi. Nakmu lak o,” iluk yi wene ti wene doalegat yakulisekhe lageikhe.

Markus 9:22

At mokat obabut weak meke iti nen, yekerek yi ebe wasigiluk hetumo kola'igik, ima usa'igik, hibiku-yogokuat walhekho motok welagarek o. Meke re, hat nen erlok hagasusak halok he, hakmu atluk u ithi hagatnisan o,” iluk yogokhikhe.

Lukas 19:41

At Yesus nen itithogon yogeisilik horokhogonat asi usasukhasik, at ileken o kota Yerusalem etnogo lakhalok nen, uak de ageikhe.

Lukas 7:13

ileken lageisasikhe. Lageisasikhesik ninoe Etagapogot nen, agosa etnogo ileken halok akmu ageikhesik nen, men yogokhikhe, “Neru. De aga 'buk o,” iluk yogokhikhesik nen,

Ibrani 2:17

Itithogon hagakhikhe iti, yigithogon iluk. Nit akhuni weak hagakhorek meke, at nen degetdisagaluk, at ebe Allah iteerek kok dogolik, obabut Allah hasik hupukhogon hagakhik, nit akhuni akmutninakhik, erlogat hagakhe dogeigiluk, at ebe nit akhuni agarlak lak erugi hakeneat atluk, nit hagakhorek meke tha'bokhogonat ninobabut waganusak mekeat waganhikhe iti.

Ibrani 4:15

Nit ninoe kok Allah iteerek welagarek iti, nit ninobatne dek erlok dek iti, at okodek 'buk. At nit ninobabut waganhikhesik werekma, nit weak hagasuagaluk weak meke etnogo nen ninakla kagalherek hak, at itithogonat yi meke ti meke hasik akla kagali aga lageikhe mekeat he, at weak ageikhe hagakhidek dogolik ninobabut ilu o.

Ibrani 5:2

Itithogon meldisugunem, it inobatne dek erlok dek mekeat emenogo nen, it akhuni aperek itithogonat wene inokodek dogolik nil-hilhogon hagakharek iti, hutdiluk nen, inebe inakmurinabiluk it inobasik inoba enagorogon erlogat hagakharek iti.