Matius 13:8 - ALLAH ANE WENW KET MEKE WAROGO WOKNINAKHIKHE WENE

⁸ Nen, ai aperek he, agat mirlimo usa'isikhe meke, hanoat aku hurlelhikhesik nen, erlo kok ageikhesik eken doalegat ikhikhe. Erlo ageikhe eken 100 oba ikhikhe. Erlo ageikhe eken 60 baga ikhikhe. Nen, erlo ageikhe eken 30 baga ikhikhe.

Matius 13:8 ပူးပေါင်းရင်းမြစ်များ

Matius 13:23

Nen, ai agat hanoma hilogo la'isikhe meke iti ebe, it akhuni aperek Allah ane iti inasuk hanorogon holharethek nen, ebe hutukhogon hutdakhugunem, wene iti eken ikheregat o. Erlo ageikhe nen eken 100 ikhik, erlo ageikhe nen eken 60 ikhik, erlo ageikhe nen eken 30 ikhik, ikherek itiat o,” iluk yogeisasikhe.

Matius 13:7

Nen ai aperek, oka arlok weakma usa'isikhe meke re, oka arlok iti meke kok aga dogolik, ai hano meke yago etnogo akurladap ageikhesik nen, keken ageikhe.

Markus 4:20

Nen, ai ageikhe agat hanoma usa'isikhe iti ebe, it akhuni aperek Allah ane iti inasuk holiluk waganharethek nen, wene iti inakla eken ikherek o. Erlo ageikhe nen eken 30 ikhik, erlo ageikhe nen eken 60 ikhik, erlo ageikhe nen eken 100 ikhik, ikherek itiat o,” iluk yogeisasikhe.

Markus 4:8

Nen, ai ageikhe agat mirlimo usa'isikhe meke iti, aku hurlelhikhe. Hurlelhikhesik ebe kok ageikhesik eken ikhikhe. Erlo ageikhe eken 30 ikhikhe. Erlo ageikhe eken 60 ikhikhe. Erlo ageikhe eken 100 ikhikhe,” iluk yogeisasikhesik nen,

Lukas 8:15

Nen, agat hanoma usa'isikhe iti ebe re, it akhuni aperek hano wene iti inasuk holharethek nen, inetaikenma motok hutukhogon horlegarethek here'isigidek hago motok dogolik, eken motok doalegat ikherek itiat o,” iluk yogeisasikhe.

Lukas 8:8

Nen, ebetlake agat mirlimo usa'isikhe meke re, hurlelhikhesik kok atluk, erlo tomok eken 100 oba nen irik lageikhe,” iluk yogeisasikhe. Itithogon yogeisalok ane kokhogonat ekhe dogolik, “Hinasuk holusak halok he, hanorogon holini o,” iluk yogeisasikhe.

Yohanes 15:8

Hit hineken doalegat isu hak hano meke kokhogon hagasugun halok, akhuni nen an nopase hogorasugun o. Hit hinebe ebe nagarumi nane waganhe lagap meke dogolik, itithogonat hagakhe dogogun o,” iluk yogeisasikhe.

Roma 7:18

Mothogon hagasigiluk warlok apegerek mekeat he, ebe an nen hagasusak erlok dek o. Iti re, an nobabut nen, hano meke ageikhe hagakherek 'buk. Nobabut akhuni inobabut meke inikhogat dogolik hagakhe lagei, iluk nilu o.

Filipi 1:11

Yi meke ti meke ai yakhunem erlo kok atluk eken ikherek hak, at Yesus Kristus nen hagathinakhe dogogin oba, hinobabut mothogon hagakho motok aperek inomat obarluk hagakhe dogogun halok, at ebe wagunem, akhuni aperek nen Allah heagei wakhik, hogorakhik, hagasugun o.