Matius 13:57 - ALLAH ANE WENW KET MEKE WAROGO WOKNINAKHIKHE WENE

⁵⁷ Meanetdiluk kolelogo thogotdisukhama, at Yesus nen, men yogeisasikhe, “It ap Allah ane yogeisegarek meke iti, o yi ai ti ai lagunem, akhuni aperek nen motok inalon halinakharek mekeat he, inekaerek inaila erloma lagunem inougi inagarumi inom opakimo welageikharek meke nen anek inalon halinakharek dek yoma re!” iluk yogeisasikhe.

Matius 13:57 ပူးပေါင်းရင်းမြစ်များ

Matius 11:6

Yogotluk tha nen etaiken pere atluk here'anhidek dogogin halok he, akla arleken akhekhe dogogin o, iluk yogosi lano,” iluk la'isasikhe.

Matius 13:58

Itithogon yogeisasikhe iti, it akhuni Nazaret meke etoma nen, inetaiken Yesus oba hakotdigidek, inakla meanetdiluk welagoukha iti nen, at o etoma dogolik hagasusak dek meke elalinat kokhogon hagakhidek herlekha'bugat anek hagakhikhe iti.

Markus 6:1

Yabokane, at Yesus o etoma nen dukhisikhesik, ekaerek ai erloma lageikhe. Lagunem, agarumi ane waganhe lagoukha meke emenogo oporlik lagoukha.

Markus 6:14

Yesus agarumi nen itithogon hagarinabik lagunem, at Yesus etaga akhuni o ya ta etoma inilu agoukhasik abok ugunem, at kok etagapogot Herodes asuk holhikheat. Itithogon hagakhunem it akhuni aperek nen men ekhe lagoukha, “Yohanes ima usa'inakhe lageikhe meke ebe wakhama watlaga etnogo iluk agasik waga higi. Itithogon iluk agasik iti nen hagasusak dek meke elalinat hagariogo iti,” igik,

Markus 6:3

At ebe he Maria eak o halherek meke etnogo dek? Agarumi oporlik meke, Yakobus men, Yoses men, Yudas men, Simon men, apigi. Nen, erugi nit ninom welago yoma dek?” iluk inakla meanetdisukhasik kolelogo thogotdisukha.

Markus 6:4

Inakla meanetdisukhama, at Yesus nen men yogeisasikhe, “It ap Allah ane yogeisegarek meke iti, o yi ai ti ai lagunem, akhuni aperek nen inalon halinakharek mekeat he, o inekaerek inai erloma lagunem it inougi inageikhugi men, inai opakimo welageikharek meke men, it nen anek he, inalon halinakharek dek o,” iluk yogeisasikhe.

Lukas 4:24

“It ap Allah ane yogeisegarek meke iti inekaerek inaila etoma inougi, inagarumi nen inalon halogo woginakharek dek o, iluk, eberogonat yokhisigi.

Lukas 7:23

Yogotluk he, Tha nen etaiken pere dek here'anhidek dogogin halok, akla arleken akhekhe dogogin o, iluk yogosi lano o,” iluk yogeisasikhe.

Yohanes 4:44

Dagei ageikhe iti, at Yesus ekaerek nen ekhe dogolik, “Ap Allah ane yogeisegarek meke iti, inekaerek inaila meke inoe inagot nen inalon halinakharek motok dek o,” iluk, alebat yogeisasikhe mekeat,

Yohanes 6:42

“At yi etaga Yesus, ap Yusuf a'but. Nen, at opase agosa ninilu mekeat, at nen ekhe dogolik, An nebe pogot oba nen usa'agagi, iluk ekhe iti nikithogon nen ekhe apegep,” iluk isukhama,

Yohanes 6:61

Itithogon at ebe yogokhidek isukha mekeat he, at Yesus nen, “Wene igi etnogo hasik nagarumi nen ua palogo wene paliogei higi” iluk inobabut ekagat palhikhesik nen, men yogeisasikhe, “Wene yokhisigi meke yi nen, At nina'it, iluk kolelogo thogotdanuogoluk hagakhe lagap a?