Matius 13:52 - ALLAH ANE WENW KET MEKE WAROGO WOKNINAKHIKHE WENE

⁵² Itithogon yogokhukhama, at Yesus nen, “Halok he, it ap Allah ane holal waganek iteerek meke emenogo nen, nopase kok pogot oba meke nen apma 'bisekherek etnogo wene yakulho halok he, iti men hakene usak. Ap kok meke ameke etaiken hunik meke 'bakhekherekma nen, ket meke inom, haganeat meke inom, eran-alep waganiluk ula'i agarek hagat o,” iluk yogeisasikhe.

Matius 13:52 ပူးပေါင်းရင်းမြစ်များ

Matius 12:35

Akhuni inobabut hano meke re, inakla hano meke kerlekhogon dogolik, kagalogo dagei agunem, wene hano mekeat dukhi agerek o. Meke re, akhuni inobabut weak meke inakla weak meke kerlekhogon dogolik, kagalogo dagei agunem, wene weak mekeat dukhi agarek o.

Matius 13:51

Itithogon yogeisasikhesik, ageikhe men yogeisasikhe, “Wene iti arat hutdegep a? Dek a,” iluk yogeisasikhemo, it nen he, “I o. Hutdogoat o,” iluk yogokhukha.

Matius 13:53

At Yesus nen wene oba lisogon arat yogeisalok nen, o etoma here'iluk dukhi ageikhesik

Matius 23:34

Halok he, hinasuk hanorogo holini. An nen ap Allah ane yogeisegarek meke inom, inakla kagalek meke inom, Allah ane holal waganek iteerek meke inom, la'isasigin meke iti, hit nen ebetlake o baga meldisalok inakhik, ebetlake o hit sembayan egethepma ukiluk tugi wiik-weakhogon inakhik, ebetlake sikhogo-mukhogo o kota ageikhe nen o kota ageikhe la'isigik, hagarinabugun o.

Matius 28:19

Halok he, yi akhuni ti akhuni inukuloak etaga dopok tha'bokhogonat an nagarumi hagatlasuagaluk, nopase Allah etaga baga, an a'but netaga baga, Agoreke etaga baga, ninetaga palogo ima usa'isigik, an nen wene hinasuk wakhi meke iti tha'bokhogonat it akhuni nen mothogon hagakhe dogoagaluk yakulisigik, hagarik laga dogono. Lakhani! Hit itithogon hagarinabik lagunem, an nebe ninom motok-motogat werekma, hurli o ilugun hurli baga hagatlasigin o,” iluk yogeisasikhe.

Lukas 11:49

Itithogon hagakhethep iti nen, at Allah akla kagalek motok etnogo nen ekhe dogolik, An nen it ap an nane yogeisegarek meke men, inayoko 'biluk la'isa agarek meke men, it akhuni aperek inoba la'isa agunem, it nen inebe ebetlake inakhik, ebetlake yi aik ti aik hagarinakhik, hagasugun o, iluk isikhe tak-tagat,

Yohanes 13:34

Itithogon yogeisasikhesik nen, wene ageikhe men yogesasikhe, “Hit nen hagakhe dogosak meke wene ket meke ageikhe yokhisak, An nen hit nakmurogon welagarek hak, hit itithogonat, hit-hit nakmu-hakmurogon hagakhe dogono o.

2 Korintus 6:10

Ninakla weak dogoligat he, ninakla arleken akhekho motok welago. Yi meke ti meke ninikimo dek mekeat he, akhuni doalegat hano meke inilmo horleak asuagaluk hagatdisekhe lago. Ninameke motok dek mekeat he, ebe meke tha'bokhogonat ite agosik welago.

Efesus 3:4

Hit nen wene iti etaga thalhe dogolik, “Wene Kristus hasik limago welageikhe meke iti, at Paulus ilu agasik werek o,” iluk, ekagat hutdugun iti o.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

Kolose 1:7

Hano wene iti, at Epafras ninagarlak ninakmu meke nen yakulhisugunem yakulhigip iti o. At ebe Allah atuaneke nit ninom tak-tagat dogolik, Kristus nen ayoko 'biluk la'i ageikhemo, nit nen yokhisau hak ninobolukmo obabut hupukhogon yokhisiliogo iti.

Kolose 3:16

Akhuni inameke doalegat meke inikierek welageikharek hak, hit nen, Kristus ane itiat hinetaikenma obatnerogon 'biluk dogolik, hinakla kagalogoat, hit-hit wene hinasuk wat-wat hagakhe dogolik, wene hit nen yakulisigik, it nen yakulhisigik, hagakhe dogono. Yakulisekhe dogolik, Allah hasi etai Mazmur meke wakhik, etai Allah hogorakharek meke wakhik, Allah Agoreke nen hinakla kagalhunem, etai ket kagalogo wakhik, hagakhe dogolik, hinetaikenma nen Allah heagei wakhe dogono.

1 Timotius 3:6

Ap ageikhe Allah ane aban kerat waganhe meke meldisinem, Allah a'buri therisik dogolik, ekaerek nen hogorakhaumo, Allah nen Iblis ukum wogokhikhe hak, itithogonat ukum oba 'busak iti nen, Allah a'buri therisik dogoagaluk meldusak dek o.

Titus 1:9

Wene akhuni hanorinakherek wene yakulisekhe dogolik inasuk hanorogon wakhik, at nen ebe wene isinem, it aperek nen, at ane thagalogo hagakhunem, at nen inane erlok thagalogo 'bisigik, erlogat hagakhe dogoagaluk, wene nit nen yakulikhugumo, eberogonat iluk waganhikhesik, at obabut mothogon obatnerogon herogo welagarek meke halok meldusak o.