Matius 13:43 - ALLAH ANE WENW KET MEKE WAROGO WOKNINAKHIKHE WENE

⁴³ Nen, it Allah akla apherek meke mothogon hagakharek meke iti anek he, inebe o mo liarogo yakherek hak, inopase Allah apma dogogun o, iluk hinasuk holusak halok, hanorogo holini o,” iluk yogeisasikhe.

Matius 13:43 ပူးပေါင်းရင်းမြစ်များ

Matius 11:15

Hit hinasuk holusak halok he, hanorogon holini o.

Matius 25:34

Itithogon hulogo 'bisalok nen, an nebe Netagapogot etnogo nen, it niki ebeke 'bisagein meke iti, wene men yogeisagein, An nopase nen hanothinakhemo welagap. Halok he, witni o. An hipiri abu werekma hit nen melaknikhik, i abu werekma hit nen woknikhik, an ap husoat werekma hit nen woknakhik, nasu ugu dek werekma hit nen i'banhik, u warek werekma hit nen 'bitnea ageik, niki herle warek werekma 'bitnea ageik, hagakhigip iti nen, an nopase nen pogot agat aban walhigidek dogolik, hit kok hinetagapogot dogobageik iluk, wenago 'binageisikhe meke yi horlatni o, iluk yogokhunem,

Matius 26:29

Wene ageikhe yi yokhisak. Anggur eken apusu yi nalok, an yabokane ageikhe nikidek dogoluk nen, hurli nopase nen at apma 'bisagein iti hurli hit ninom apusu ket meke nugun o, iluk, eberogonat yokhisigi,” iluk yogeisasikhe.

Markus 4:23

Iti nenat, tha nen asuk holusak halok he, hanorogon holuak o,” iluk yogeisasikhesik,

Lukas 12:32

“Halok he, hit Allah a'buri domba hakene opakimo hulogo ukiluk welageikharek meke hinebe herlekha'bugat meke yi, nagarlak lak nerugi o! Allah nen hit at apma 'binageigiluk akla apekhesik werek iti, hinayuk agup o.

Lukas 22:29

an nopase nen akhuni an napma hagasik dogoagaluk meldanhikhe iti hak, hit meneke akhuni an napma 'bisageinmo etoma hipiri nikik, i nikik, hagakhe dogolik, hinoboluk o perlago baga kogat hurek dogolik, akhuni Israel meke inukuloak etaga 12 oba emenogo ukum inoba 'bigik, kokhik, hagasubageik nen, iluk hirat meldinagagi o,” iluk yogeisasikhe.

1 Korintus 15:58

Iti nenat, nagarlak lak nerugi. Hinebe nakmu lak. Hinetaiken horlerogon, hapukhogon dogono. Ninoe Etagapogot ninom hunik dogolik, at hasik yi meke ti meke hagakhunem alomatlasigin dek o, iluk kokhogon hagakho motok dogono o.

Yakobus 2:5

Nagarlak lak nerugi. Hinebe nakmu lak o. An wene igin meke yi hinasuk holini. It akhuni agat oba inameke dek meke iti, Allah nenat wenageinakhe dogolik, “Inameke doalegat dogou hak, inetaiken an noba hakotdiluk dogoak o. Nen, it an nebe inakmu meke, o an nen napma 'bisugunem dogogunmo etoma iteerek asugun iluk abok yogeisasigi meke iti, irat iteerek asugun o,” iluk wenageinakhikhe.