Matius 13:36 - ALLAH ANE WENW KET MEKE WAROGO WOKNINAKHIKHE WENE

³⁶ Itithogon yogeisasikhesik nen, akhuni doalegat emenogo etoma werek korlek, at Yesus ebe uma ukisikhemo, at agarumi ane waganhe lagoukha meke emenogo oba ukisukhasik nen, men yogokhukha, “Wene, oka weak meke wen oba nen dukhisikhe meke oba lisogon yakulnisegen etnogo ebe pilinerogo yoknisan o,” iluk yogokhukha.

Matius 13:36 ပူးပေါင်းရင်းမြစ်များ

Matius 13:1

O itinem he, at Yesus aila nen dukhi ageikhesik, i Galilea yekelek etnogo aik oba hurek werekma,

Matius 13:11

at Yesus nen, “Nopase pogot oba apma 'bisekherek wene iti, at akla limago welageikhe meke, hit anek hinilu asubageik nen iluk, akla pakhogon yokhisausak apasikhe mekeat he, it akhuni aperek iti anek pakhogon yogeisausak dek akla nen apasikhe.

Matius 13:18

Itithogon yogeisasikhesik, ageikhe men yogeisasikhe, “Wene ap ageikhe ai hilik lageikhe, iluk oba lisogon yokhisigi etnogo, ebe erlo yokhisagein yi hutdini o.

Matius 13:25

Ai yakhikhe mekeat, it akhuni noge ekhe korlek, at ap ageikhe ap ai yakhikhe meke iti ipisak weak meke wageikhesik nen, gandum ai hano meke yakhikhe etnogo aklake ai weak meke ya'iluk lageikhe.

Matius 14:22

Itithogon arat nasukhama nen, at Yesus nen at agarumi ane waganhe lagoukha meke emenogo men yogeisasikhe, “An akhuni doalegat yoma la'isak nen, hit tak ku akla ukiluk i aik ilibaganke italhe dogoni o,” iluk ane obatnerogon yogeisasikhe.

Matius 15:39

Nen, hipiri nasukhasik nen, at Yesus etnogo akhuni doalegat natogorlek emenogo inailake tomok la'isalok nen, at ebe ku akla ukiluk warogo imake o Magadan itali lageikhe.

Matius 9:28

Itithogon yogokhukhama, at Yesus ebe uma ukiluk werekma, it ap inebe pere inileken weak meke eranogo oba ukisukha. Ukisukhama, at Yesus nen, men yogeisasikhe, “Hit hinakla, At nen erlok hano hagatninabusak, iluk apekhe lagap a?” iluk yogeisasikhemo, it nen, “I o. Ninoe. Erlogat hano hagatninabusak apekhe lago,” iluk yogokhukha.

Markus 4:34

It akhuni aperek yakulisagaluk halok he, wene oba likhik anek yakulisekhe lageikhe mekeat he, at agarumi ane waganhe lagoukha meke emenogo anek he, inom inasokneat dogolik, wene ebe thelekmaat pakhogon yogeisekhe lageikhe.

Markus 6:45

Itithogon arat nasukhama eranogo nen, at Yesus nen, agarumi ane waganhe lagoukha meke emenogo men yogeisasikhe, “An akhuni doalegat yoma la'isak nen, hit tak ku akla ukiluk, o Betsaida aik ilibaganke etoma itali lani o,” iluk ane obatnerogonat yogeisasikhe.

Markus 7:17

akhuni doalegat emenogo itikmanke 'bisalok, at Yesus uma ukisikhemo at agarumi ane waganhe lagoukha meke emenogo nen men isukha, “Wene oba lisogon yoknisegen iti, ebe ki meke hasik yoknisegen,” iluk oba hinok waganhukha.