Matius 13:33 - ALLAH ANE WENW KET MEKE WAROGO WOKNINAKHIKHE WENE

³³ Itithogon yogeisasikhesik nen, wene ageikhe oba lisogon men yogeisasikhe, “Nopase kok pogot oba meke nen apma 'bisekherek ebe re, eken roti akla usa'isinem hikherek iti hakeneat o. He ageikhe nen gandum tamelek tepung wul hakene meke 40 kilo walhalok waganhikhesik, eken roti hisuagaluk akla usa'iluk abel dagalogo hagakhikhemo ebe tha'bokhogonat motok hikhikhe iti hakeneat o,” iluk yogeisasikhe.

Matius 13:33 ပူးပေါင်းရင်းမြစ်များ

Matius 13:24

At Yesus nen wene itithogon yogeisasikhesik wene ageikhe oba lisogon men yogeisasikhe, “Nopase kok pogot oba meke nen apma 'bisekherekma iti ebe ap ageikhe ayabula ai hano meke yakhikhe iti hakeneat o.

Markus 13:20

Weak hagatlasigin iti, ninopase Allah Etagapogot nen, Hurli yi hurli arat o, iluk igidek kamotdilepma re, akhuni tha'bokhogonat tilinakhidek weagat atlep. Meke re, akhuni Allah nen wenageinakhikhe meke, it inobasik anek he, Yogo. Weak arat hegep o, iluk hurli wasigin werek o.

Lukas 13:21

Iti re, eken roti hisuagaluk akla usakharek meke iti hakeneat o. He ageikhe nen gandum eken tamelek tepung wul hakene etnogo meke 40 kilo walhalok 'biluk, eken roti hisuagaluk akla usakharek meke iti akla usa'iluk abel dagalogo hagakhikhemo, ebe motok hikhikhe iti hagat o,” iluk yogeisasikhe.

Yohanes 15:2

O ikilo'bak ebe tomok, an noba hunik dogolik eken ikhidek halok, 'bogokhogon la'igin mekeat he, ikilo'bak ebe tomok eken ikhe halok, aperek inom doalegat ikhe dogoagaluk oboseka palogo yorla yebeligin o.

Galatia 5:9

Roti hisuagaluk eken hikherek meke hemurlugat akla 'bisinem tha'bokhogonat hisik dukhekherek hak, wene korlo meke iti nen hinebe tha'bokhogonat weagathinabik launogo iluk igi.

Filipi 1:6

At Allah nen hit hano hagathinabigiluk, alebageik iki hakhinakhikhesik hano hagathinakhe motok dogoluk nen, hurli at Yesus Kristus wisigin itinemat, o arat halharek hak, hano hagathinabi isigin iti eberogonat iluk, netaiken hapukhogon welagei.

Filipi 1:9

An nen sembayan hit hinobasik ekhe dogolik, men ekhe lagei, “Yi meke ti meke ai yakhunem erlo kok atluk dukhekherek hak, hit ebe wene hutukhogon hinilu ageik, hutdigik, hagakhe dogolik, akhuni inebe hinakmurogon welagap iti meke kokhogonat hinakmurinakhe dogobageik nen,” iluk, sembayan ekhe lageiat o.

2 Petrus 3:18

Ninoe Etagapogot tilninakherek meke obabut hano etnogo nen woknisekherek meke iti waganhik, ebe hinilu ageik, hagakhe dogolik, hinetaiken horle atluk dogono. Yogotak ya men, yabokane men, at Yesus Kristus arligat hogorakho motok dogouok o, iluk, “Amin,” igi iti.