Matius 13:3 - ALLAH ANE WENW KET MEKE WAROGO WOKNINAKHIKHE WENE

³ Hureklasi ukisikhesik, yi meke ti meke baga likhigik wene doalegat yogeisekhe lageikhe. Ageikhe men yogeisasikhe, “Ap ageikhe ai hilogo la'ekherek meke ai hilogo la'igiluk dukhisikhe.

Matius 13:3 ပူးပေါင်းရင်းမြစ်များ

Matius 13:4

Dukhisikhesik ai hilogo la'ilik lagunem, ai aperek holagarlem usa'iluk lageikhe. Usa'isinem thue wageikhesik tha'bokhogonat haumhogo nasikhe.

Matius 13:53

At Yesus nen wene oba lisogon arat yogeisalok nen, o etoma here'iluk dukhi ageikhesik

Matius 22:1

Yesus ebe hakhigidek thogotdisukhama, yabokane at nen wene ageikhe oba lisogon akhuni emenogo men yogeisasikhe,

Matius 24:32

At Yesus nen itithogon yogeisasikhesik, yabokane ageikhe men yogeisasikhe, “Wene yi o ara oba lisogon yokhisagein yi hutdisano o. O eka dabeligiluk hagakherek etnogo meke oba lisogon yokhisak. O ara iti eka lologo usekherethek yabokane asi'bat dageigik, eka dabelhik, hagakhunem, hinileken halok hinakla nen, Yogo. O arat hibi asigin higi, iluk hinakla hutdegethep iti hak, an nen,

Markus 12:1

At Yesus nen wene itithogon yogeisasikhesik yabokane wene ageikhe oba lisogon men yogeisasikhe, “Ap ageikhe ayabumo anggur ai yakhikhe. Yakhikhesik leget halhik, eken thagalogo apusu kelelhe dogogun oba agat hulelhik, inileken dogogunmo kayo perlakhik, hagakhikhe. Hagakhikhesik it ap aperek elanma hasik it inaen negen dogoagaluk 'bisalok ebe o werlekma etoma lageikhe.

Markus 12:12

Itithogon yogeisasikhemo, it nen men isukha, “Wene oba lisogon ekhe iti, nit ninobasigat yoknisekhe higi,” iluk hutdisukha. Hutdisukhasik Yesus ebe hakhauwogoluk hagakhukha mekeat he, akhuni doalegat emenogo inayuk nen thogotdisalok kikil wakhukha.

Markus 3:23

Itithogon isukhama, at Yesus nen akhuni doalegat emenogo waisasikhesik nen, wene oba lisogon men yogeisasikhe, “Iblis akhuni inakla ukiluk, ekaerek nen mukhogo erlok ula'akhausak nogo? Motok erlok dek o.

Markus 4:13

At Yesus nen itithogon yogeisasikhesik, yabokane men yogeisasikhe, “Hit he, wene oba lisogon yokhisigi etnogo hutdigidek hinokodek welagap halok he, yabokane wene yi baga likhik, ti baga likhik, yokhisugunem, nikithogon hutdiluk hinilu asigin.

Markus 4:33

It akhuni nen wene hutdusak tak-tagat hutduagaluk, yi meke ti meke doalegat oba likhik yogeisekhe lageikhe.

Lukas 12:41

At Yesus nen itithogon yogeisasikhemo at Petrus nen men yogokhikhe, “Noe! Wene oba lisogonat egen iti re, nit ninobasik anek egen a? At he, akhuni tha'bokhogonat ninom hasik egen a,” iluk yogokhikhemo,

Lukas 8:10

at Yesus nen, men yogeisasikhe, “Allah nen apma 'bisekherek wene iti, at akla limago welageikhe meke iti, hit anek wene iti hinilu asubageik iluk pakhogon yokhisausak iluk, akla apasikhe mekeat he, it akhuni ebetlake iti, at Allah nen, Inileken hekhe dogogun meke re, hutukhogon hekhe dogogun dek o. Nen, inasuk holhe dogogun mekeat he, hutukhogon hutdekhe dogogun degat o, iluk isikhe iti tak-tak asuagaluk wene iti oba lisogonat yogeisekhe lagei o,” iluk yogeisasikhe.

Yohanes 16:25

At Yesus nen wene itithogon yogeisasikhesik ageikhe men yogeisasikhe, “Wene tha'bokhogonat iti, wene oba lisogon anek yokhisekhe lagei mekeat he, yabokane nopase abok ekhe dogolik, oba lisogon yokhisagein dek o. Pakhogon anek yokhisagein oba weregat o.