Matius 13:22 - ALLAH ANE WENW KET MEKE WAROGO WOKNINAKHIKHE WENE

²² Nen, ai hilik ageikhe okama arlok weakma usa'isikhe meke iti ebe, it akhuni aperek Allah ane iti inasuk holharethek nenat he, inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat negen dogolep e, iluk inakla ebekhe dogolik, inekaerek nen nukhetdakhigik, hagakharek iti nen, wene iti erlo keken atluk nen, eken ikherek dek itiat o.

Matius 13:22 ပူးပေါင်းရင်းမြစ်များ

Matius 12:32

Tha nen an abat itaklasi agagi etnogo akla meanetdaniluk netaga weagatdisi halok he, weak hagasigin meke iti Allah nen erlok thagalogo degetdisausak mekeat he, Allah Agoreke iti akla meanetdiluk etaga weagatdisi halok he, weak hagasigin meke iti, Allah nen yogotak men, o ilugun hurli baga arat hagatlatluk dogogun oba men, thagalogo degetdisausak motok dek o,” iluk yogeisasikhe.

Matius 13:39

At ap wen iteerek ipisak motok weak dogolik, ai weak meke yakhikhe iti ebe re, at Iblis itiat o. Eken palusak tak-tak iti ebe re, o ilugun oba hasigat o. Nen, it ap eken palharek meke ebe re, it malaikat Allah pogot oba nen yoko usa'isa agarek meke itiat o.

Matius 13:40

Nen, it akhuni nen oka weak meke natogorlogo 'biluk hetu hunharek iti hak, o ilugun oba itithogonat hagasigin o.

Matius 13:7

Nen ai aperek, oka arlok weakma usa'isikhe meke re, oka arlok iti meke kok aga dogolik, ai hano meke yago etnogo akurladap ageikhesik nen, keken ageikhe.

Lukas 12:15

akhuni doalegat emenogo men yogeisasikhe, “Akhuni inameke doalegat welagarek iti baga iniluk welageikharek dek o. Yi meke ti meke an meke anek dogolep, iluk inakla apekhe dogunogo iluk hinobabut hebelogo dogono o,” iluk itithogon yogeisasikhesik

Lukas 12:21

Iti hak he, it akhuni Allah il oba ebeat meke waganhidek dogolik, it inekaerek meke anek natogorlogo 'bakhiliogei iti, iti ipisak tak-tak o,” iluk yogeisasikhe.

Lukas 21:34

At Yesus nen wene itithogon yogeisasikhesik nen, ageikhe men yogeisasikhe, “Yi meke ti meke isago werago hinelabut urogo nikik, apusu hunu-hunu asuogoluk nekarek meke nikik, yi meke ti meke agat oba meke hasik wene munini uan 'bero ebekhik, itithogon hagarik nekhe dogolik hinobabut hebelek dek akhirak werekma,

Lukas 8:14

Nen, okama arlok weakma usa'isikhe iti ebe, it akhuni aperek Allah ane iti inasuk holharethek nenat, inakla nen, Eiye. Nikithogon hagasigin he, iluk, wene munini ebekhik, Ninameke doalegat dogolep e, iluk inakla ebekhik, agat oba inakla arleken akhausak meke oba ebekhik, hagakharek iti nen, inakla Allha ane iti eken horle ageidek lologo dek agarek itiat o.

La'isasikhe 8:18

Itithogon horlasukhama, at Simon ileken hisasikhesik nen, akla nen, “Akhuni it ap Yesus nen inayoko 'biluk la'isasikhe meke nen, iniki inoba thebelisugunem anek, Allah Agoreke wogeisausak higi,” iluk apasikhesik nen, Petrus Yohanes ipisak oko wogeisoagaluk, uang inoba wolok wageikhe.

Roma 12:2

Akhuni yoma hagariogei meke iti inobabut waganhup o. Hinobabut ket ninat hagatlasuagaluk, at Allah nenat hinakla ket meke hagathinakhe dogoak o. Itithogon hagathinakhe dogoumo, at akla nen, “Yigithogon hagasuak, itithogon hagasuak,” iluk apekherek iti ebe hinilu asigin o. Hano meke ebe itiat o. At Allah akla hanorogo hagakhik, inetaiken horle ageik, hagakherek iti nenat o.

1 Korintus 1:20

Akhuni agat oba yoma inakla kagalek meke iti inom, akhuni yi wene ti wene erlo inilu meke iti inom, akhuni wene oko-oko ekhe dogolik inane obatne ageikharek meke iti inom, we yugunat werek o. At Allah nen, “Akhuni inawene inakla kagoukhogon egarek meke iti, akhuni inetaiken abisake meke nen egarek hak iliogei o,” iluk isikhe dek nogo?

1 Korintus 2:6

It akhuni inetaiken horle meke halogat, wene horle meke iti inakla kagoukhogon yogeisogorek o. Itithogon yogeisogorek iti, it akhuni agat oba meke yoma, inawene meke dek. Inougi koktek inebe yabokane dek asugun meke o yogotak ya inapma werek yoma, inawene kagalek wene meke degat o.

1 Korintus 2:8

Akhuni agat oba meke inougi koktek o yogotak ya inapma werek yoma, wene iti inilu ageidek inokodegat werek o. Inilu dogolepma, ninoe Etagapogot hogorakhorek etnogo, ebe o harokhogon meldiluk watlep degat o.

1 Korintus 3:18

Hinekaerek nen hinebe dalugup o. Hat ageikhe nen, “An akhuni yoma inawene meke nakla kagalek o,” iluk apekhe lagan halok he, hakla ebe wene iti kagalasuak nen, akhuni inawene iti hakla abit asuak o.

2 Korintus 4:4

Itithogon werek iti, it akhuni agat oba meke inopase Iblis etnogo nen inetaiken Allah oba hakotdigidek meke iti, inetaiken mumerinakhikhemo werek o. At Kristus Allah hakene atma, ebe hogorakharek wene, hano wene iti nen liarinabusak mekeat he, liarinabinogo iluk, inetaiken mumerinakhikhemo werek iti o.

Galatia 1:4

Nit weak hagakhorek iti nen ninopase Allah akla nen, “Itithogon hagasuak,” iluk akla apasikhe baga, at Yesus Kristus nen nit akhuni agat oba meke yoma tilninabigiluk, etaiken nenat nit ninobabut weak motok hagakhorek meke iti ukum at ekaerek nen oba 'bakhalok watlageikhe iti.

Efesus 2:2

Etanem he, akhuni yoma inobabut inikhogat dogolik hagakharek hagat, mutluk laga lagagip. Itithogon mutluk laga dogolik, mokat inobabut weak meke inoe kok pogot abel wemake yoma iteerek dogolik, akhuni Allah ane ina'it nen inasuk holu'buk meke inakla ukisikhesik yogotak inakla kagalhoat welagarek meke etnogo ane holek welagagip iti o.

1 Timotius 6:17

Yi meke ti meke tha'bokhogonat dek asigin mekeat he, it ap koktek inetaga werek meke iti inakla nen hogorakeke dogolik, “Nameke agat oba meke yoma motok doalegat yi nen nebe hano dogogin,” iluk, apekhe dogunogo. At he, at Allah yi meke ti meke tha'bokhogonat ninakla arlekenhogon horlekhe dogoagaluk kokhogon woknisekherek etnogo nenat hanotninabigin iluk hutdekhe dogoak nen inasuk wakhe dogono.