Matius 13:21 - ALLAH ANE WENW KET MEKE WAROGO WOKNINAKHIKHE WENE

²¹ wene iti inetaikenma omaken yakhidek nenat, iniki pererlagat welageikharethek nen, akhuni aperek nen Allah ane iti hasik yi aik ti aik inoba 'bigik, weagarinakhik, hagakhunem, inakla ibat puk ageikharethek nen, wene iti here'isalok dukhegarek itiat o.

Matius 13:21 ပူးပေါင်းရင်းမြစ်များ

Matius 10:22

Nen, akhuni tha'bokhogonat nen an netaga ilik, Hit at agarumi, iluk ina'it motok hisagun o. Mekeat he, tha nen etaiken thebekhogon obakhanini hapugutdiluk dogogin halok he, o ilugun hurli baga, Allah nen tiligin o.

Matius 11:6

Yogotluk tha nen etaiken pere atluk here'anhidek dogogin halok he, akla arleken akhekhe dogogin o, iluk yogosi lano,” iluk la'isasikhe.

Matius 13:20

Nen, ai hilik ageikhe helekit oba usa'isikhe iti ebe, it akhuni aperek Allah ane iti inasuk holharethek nen, inakla arleken akhekhe dogolik ibat waganharethek nenat,

Matius 13:57

Meanetdiluk kolelogo thogotdisukhama, at Yesus nen, men yogeisasikhe, “It ap Allah ane yogeisegarek meke iti, o yi ai ti ai lagunem, akhuni aperek nen motok inalon halinakharek mekeat he, inekaerek inaila erloma lagunem inougi inagarumi inom opakimo welageikharek meke nen anek inalon halinakharek dek yoma re!” iluk yogeisasikhe.

Matius 13:6

Mekeat he, o mo wageikhemo, omaken yakhidek nen, tha'bet ageikhesik puk ageikhe.

Matius 24:13

Mekeat he, tha nen etaiken thebekhogon obakhanini hapugutdiluk motok dogogin halok he, o ilugun hurli baga Allah nen tiligin o.

Matius 26:31

Tom Zaitun oba dageisukhasik, at Yesus nen, “At Allah nen, At ap domba therisik welagarek meke iti ebe an nen wakhunem, domba opakimo natogorlek welagarek meke iti, lo lugun o, iluk isikhemo, holal waganogo 'bisukhama werek iti nen, yogotak hibako yi, hit tha'bokhogonat an thogotdaniluk lo lugun o.

Matius 26:33

at Petrus nen he, “It tha'bokhogonat thogotdageiluk lo lugun halok he, an anek thogotdageiluk lo dukhigin motok dek o,” iluk yogokhikhemo,

Markus 4:17

Itithogon ibat waganharek mekeat he, wene iti inetaikenma omaken yakhidek nen, iniki pererlagat welageikharethek nen, akhuni aperek nen Allah ane iti hasik, yi aik ti aik inoba 'bigik, weagarinakhik, hagakhunem, inakla ibat puk ageikharethek nen, wene iti here'isalok dukhegarek itiat o.

Lukas 8:13

Nen, helekit oba usa'isikhe iti ebe, it akhuni aperek Allah ane iti inasuk holharethek nen, inakla arleken akhekhe dogolik waganharethek nen, inetaikenma omaken yakhidek nen eberogonat iluk iniki pererlagat anek inakla apalok werekma, weak hagasuagaluk inakla kagali agunem, arat kobokhogon thogotdisalok dukhegarek itiat o.

Yohanes 6:26

at Yesus nen, men yogeisasikhe, “An wene ageikhe yokhisak. An nebe hutdanubageik iluk elalinat hagakhunem hinileken neegep etnogo nen heraknabik wagap 'buk. Dek o. Hipiri roti meke supusogon wokhisigima hina'ithogon nekep etnogo nenat heraknabik wagap hisigi o, iluk, eberogonat yokhisigi.

Roma 2:7

At Allah nen, it akhuni aperek nen inebe hogorinakharek meke men, inalon halinakharek meke men, hirli agarek dek meke men, ite asuogoluk ina'it ageidek dogolik inobabut mot hagakharek meke, inebe iniluk motok dogoagaluk hagarinabigin.

Galatia 5:6

Iti nen, nit Kristus Yesus ninom hunik dogolik, ninoado aperlagap palek meke dek, it aperek palek dek meke dek, ipisak tak-tak welago. Halok he, iti hasik penasusak dek. Kok he, ninetaiken Kristus oba hakotdiluk dogolik, akhuni ninakmurinakhorek iti baga ekagat ariogo.

Galatia 6:12

It akhuni aperek nen, “Hinaperlagap palini o,” iluk, inobatnerogon yokhisiliogei meke iti, it akhuni aperek nen inileken hisalok, “Hano hagariogei,” iluk apoagaluk hagariogei iti. Yesus ebe o baga meldiluk wakhukha wene etnogo yogeisugunem nen, akhuni Yahudi meke nen weagarinabunogo iluk, wene ninat meke inobatnerogon yokhisiliogei iti.

Galatia 6:15

Ninoado aperlagap palek halok inom, palhidek halok inom, ebe iti meke kok 'buk. At he, Allah nen ninebe ket ninat hagatninabiogo itiat kogat o.

Efesus 3:17

Hinetaiken at Kristus oba hakotdumo, at ebe hinakla ai halogo werekma, yi meke ti meke ai yakhunem omaken yakhik, o herlaga obatnerogon 'bigik, hagakharek hak, hinobabut akhuni aperek inebe inakmurogon welageikharek iti meke baga hinomaken ya'iluk a'bethogon dogobageik iluk, Allah ayoko 'bekhe lageiat o.

Filipi 1:6

At Allah nen hit hano hagathinabigiluk, alebageik iki hakhinakhikhesik hano hagathinakhe motok dogoluk nen, hurli at Yesus Kristus wisigin itinemat, o arat halharek hak, hano hagathinabi isigin iti eberogonat iluk, netaiken hapukhogon welagei.

2 Timotius 1:15

It akhuni o propinsi Asia yi ai ti ai meke emenogo inebe tha'bokhogonat an here'aniluk lo dukhisi dogolik, at Figelus inom, Hermogenes inom, inomat dukhi lageikha iti, hat hiluat welagan o.

Yakobus 3:2

Nit akhuni tha'bokhogonat hano hagakhe lago thalek yi meke ti meke hasik, weagat hagakhorek iti. Mekeat he, tha nen ane baga nen wene weak meke ageikhe igidek hanorogo anek ekherek haok he, iki isok ebe tha'bokhogonat dopokhogon herogo dogolik etaiken 'bogokhogon horleat werek o.

1 Petrus 1:5

Hinetaiken at Allah oba hakotdiluk welagap iti nen, at obatne baga hakhisik dogoluk nen, yabokane hinebe hanothinabigin meke ilugun hurli baga winametdigin iti.

A'bikaka 2:13

Hit he, Iblis ebe kok dogolik, akhuni aperek apma hagasik welagarekma welagathep me iti an nilu o. Itithogonat Iblis ailaat dogolik, an na'but Antipas nen nabok a'it ageidek, obabut hupukhogon dogolik yogeisilik nukhunem, it aperek nen ebe hinakla nen wakhunem, hit nen, Nit ninetaiken Yesus oba hakotdiluk welagorek iti dek, nina'it, iluk kolelogo here'anhidek, ninom hunik motok welagathep iti, hinobabut an nilu o.