Matius 13:11 - ALLAH ANE WENW KET MEKE WAROGO WOKNINAKHIKHE WENE

¹¹ at Yesus nen, “Nopase pogot oba apma 'bisekherek wene iti, at akla limago welageikhe meke, hit anek hinilu asubageik nen iluk, akla pakhogon yokhisausak apasikhe mekeat he, it akhuni aperek iti anek pakhogon yogeisausak dek akla nen apasikhe.

Matius 13:11 ပူးပေါင်းရင်းမြစ်များ

Matius 13:10

At Yesus nen itithogon yogeisasikhemo at agarumi at ane waganhe lagoukha meke emenogo oba wagoukhasik nen, men yogokhukha, “Hat nen akhuni yoma wene yi baga likhik, ti baga likhik, yogeisegen iti nenaluk,” iluk yogokhukhama,

Matius 16:17

Itithogon yogokhikhemo, at Yesus nen he, “Simon Yona a'but nagot o. Akhuni nen yokhekhama egen dek o. An nopase pogot oba meke nen yokhekhemo egen higi o. Halok he, hakla arleken akhekhe dogono o.

Matius 19:11

at nen, “Itithogon meke re, wene igin yi, akhuni tha'bokhogonat inobasik erlok dek o. It Allah nen inobabut itithogon wogeisasikhe meke anek he, hutdugun o.

Matius 20:23

Itithogon yogokhukhama, at Yesus nen, “An yi aik ti aik hagatnabugun iti hak, hit itithogonat hagathinabugun mekeat he, hat ageikhe an niki ebeke, nen ageikhe niki paike ninom kok dogouogoluk iti anek he, an nen meldinagusak, erlok dek o. An nopase nen haganeat nen dogoagaluk witaberogo 'bisasikhe mekeat 'bisagein o,” iluk yogeisasikhe.

Markus 10:40

Mekeat he, hat ageikhe an niki ebeke, nen, hat ageikhe niki paike ninom kok dogouogoluk, an nen meldinagusak erlok dek o. Haganeat Allah akla nen, It meldisagein, iluk apasikhe meke werek o,” iluk yogeisasikhe.

Markus 4:11

Hinok waganhunem at nen he, men yogeisasikhe, “Allah nen apma 'bisekherek wene iti, at akla limago welageikhe meke, wene hit anek he, hinilu asubageik iluk pakhogon yokhisausak akla apasikhe mekeat he, it akhuni itikmanke meke iti anek he, at Allah nen, It iti weak hagariogei meke iti here'isalok inobabut hebelasumo an nen thagalogo degetdisaunogo iluk, it inileken hekhe dogogun mekeat he, hutukhogon hekhe dogogun dek o. Nen, inasuk holhe dogogun mekeat he, hutukhogon hutdekhe dogogun degat o, iluk isikhe iti tak-tak asuagaluk, wene yi meke ti meke baga likhik, yogeisekhe lagei iti o,” iluk yogeisasikhe.

Lukas 8:10

at Yesus nen, men yogeisasikhe, “Allah nen apma 'bisekherek wene iti, at akla limago welageikhe meke iti, hit anek wene iti hinilu asubageik iluk pakhogon yokhisausak iluk, akla apasikhe mekeat he, it akhuni ebetlake iti, at Allah nen, Inileken hekhe dogogun meke re, hutukhogon hekhe dogogun dek o. Nen, inasuk holhe dogogun mekeat he, hutukhogon hutdekhe dogogun degat o, iluk isikhe iti tak-tak asuagaluk wene iti oba lisogonat yogeisekhe lagei o,” iluk yogeisasikhe.

Yohanes 6:65

Itithogon yogeisasikhesik nen, wene ageikhe men yogeisasikhe, “Itithogon iluk, an nen, Akhuni Allah nen inakla kagalhidek halok, an noba wisusak erlok dek iti nen, wene itithogon yokhisigi o,” iluk yogeisasikhe.

Yohanes 7:17

Tha nen Allah akla apekherek meke mothogon hagasusak warlok halok, an nen wene yakulisekhe lagei iti, Allah nen yakulekhe korlek iliogo, igik, Ekaerek akla nen kagalogo iliogo, igik, ekagat halok ilu asiginat o.

La'isasikhe 16:14

Humi wene yogeisasugu meke iti, he ageikhe ai o Tiatira meke. Su kain elokhoken yuayuken warek hakene meke it akhuni inoba oko kogat waganhe lageikhe meke, etaga Lidia iti nen Allah ane waganhikhesik Yahudi meke negen werekma, wene Paulus nen isinem hano waganuagaluk, ninoe Etagapogot nen akla kagalhikhemo, waganhikhe.

Roma 11:25

Nagarlak lak nerugi. Wene Allah akla wene yi hinokodek dogosak iti, an na'it. Hit hinekaerek nen, “Nit wene ninilu o,” iluk hogorakhaunogo iluk, wene yi yokhisak. It akhuni Israel meke inetaiken a'bet iti, we elanma hasigat werek o. Nen, yabokane it akhuni itikmanke meke ukisugun meke hurli erlok uki ageikha halok he,

Roma 16:25

Allah hogorakhe dogouok o! An nen hano wene Yesus Kristus hagakhikhe wene yokhisasigi hak, at Allah obatneak etnogo nen hinetaiken horlethinakhe dogosak erlok o. Wene Allah akla wene iti, muk haganeat nen limago welageikhe meke re, yogotak Allah nen thelekmatdisikhemo werek o.

1 Korintus 13:2

Nen, Allah ane hano motok yogeisigik, wene akhuni inakla limago welagarek meke iti tha'bokhogonat nilu ageik, yi wene ti wene tha'bokhogonat niluat welageik, netaiken Allah oba motok hakotdiluk tom ageikhe obolukmo nen higikhogon werlekmake loagaluk yogosusak erlogat welageik, hagakhe dogolik mekeat he, akhuni aperek inebe nakmurogon dogogin dek halok he, we yugunat hagakhe dogosak o.

1 Korintus 15:51

Meke re, wene Allah akla meke yi yokhisak. Nit ninebe tha'bokhogonat watlasugun dek mekeat he, ninebe tomok ninat hagatninabigin o, iluk eberogonat yokhisigi.

1 Korintus 2:14

Wene Allah Agoreke nen woknisekherek wene iti, it akhuni Allah Agoreke inakla werek meke anek hutdegarek iti nen, it akhuni inobabut inikhogat dogolik, hutdegarek dek. Itithogon hutdegarek dek iti re, it nen he, “Wene iti akhuni kepu meke nen egarek hakene iliogei,” iluk egarek iti nen, wene iti hutdigidek werek o.

1 Korintus 2:7

Wene iti Allah akla kagalek wene limago welageikhe meke pakhogon yogeisogorek. Wene iti akhuni agat oba meke inokodek mekeat he, ebekeram Allah nen yi meke ti meke winametdigidek dogolik, at nenat nit hanotninakhunem ninakla arleken akoagaluk akla apasikhe meke limagoat welageikhe.

1 Korintus 4:1

Hit nen nit hasik, “It inebe Kristus atuaneke meke, wene Allah akla apekherek wene akhuni agat oba meke inokodek meke yogeisilik nekharek meke,” iluk hutdinanhe dogoni o.

1 Korintus 4:7

“It aperek iti erlok dek meke re, ageikhe iti anek he, kok motok, iluk ekhe dogono,” iluk tha nen yakulhisasikhemo. Hit hinameke yi meke ti meke horlekhe lagap iti, Allah nenat wokhisekherek dek nogo a? At nenat wokhisekherek o. Itithogon wokhisugunem horlekhe lagap mekeat he, hit nen winametdegep meke thalek hinekaerek nen hogorakhekhe lagap iti nenaluk.

Efesus 1:18

At nenat hinakla liathinakhunem, hit nen he, “Ninayoko 'bisikhe meke etnogo nen yabokane hanotninabigin,” iluk, hinakla arlekenhogon oba eberek welagap meke etnogo hinilu ageik, yi meke ti meke hano meke hogorakho motok dogogun meke at a'buri woknisagaluk kokhogon hulogo 'binanhikhe meke iti, hinilu ageik,

Efesus 1:9

At ekaerek itithogon hagatninabu warlok nen, “Itithogon hagarinabigin iti ebe at Kristus nen hagarinabuak,” iluk, wene at akla apasikhe meke limago welageikhesik thelekmaat yoknisasikhe iti o.

Efesus 5:32

Wene isikhe iti akla limago wene kok meke ageikhe werek. Wene iti an nakla nen he, at Kristus nit Allah a'buri ninom hano dapulik dogosak meke hasik isikhe apigi.

Efesus 6:19

Itithogon ayoko 'bekhe dogolik, an nen hano wene Allah akla limago welageikhe meke iti, at nen yakulnekho korlek, nane pakhogon yogeisekhe dogeik nen he, hit nen Allah ayoko 'bekhe dogonoat o.

Kolose 2:2

Hit hinetaiken ago warek dogolik, hit-hit hinom hunik nakmu-hakmurogon dogobageik iluk itithogon hagakhe lagei o. Hit itithogon dogolik he, “Wene iti eberogonat,” iluk, hutdiluk nen, wene munini hinakla ebekhidek motok 'bogokhogon dogolik, wene Allah akla limago welageikhe wene iti hutukhogon hinilu asugun o. Wene iti, Kristus ebeat o.

1 Timotius 3:16

Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.

1 Timotius 3:9

Ageikhe, wene, Allah akla limagoat welageikhesik nen thelekmatdisikhe wene etnogo, inetaikenma 'biluk, “An wene noba dek nakla thiokhogon welagei,” iluk wene iti obatnerogon herogo welageikharek meke halok meldisausak o.

Yakobus 1:5

Meke re, at Allah obabut hano nen akhuni tha'bokhogonat akmu dogolik wenageisigidek wogeisekherek iti nen, hit aperek hinakla kagalek dek halok, at kino yogosumo hinakla kagaliginat o.

1 Yohanes 2:20

Itithogon meke re, hit anek he, Yesus Kristus Allah nen ekaerek 'bakhasikhe meke etnogo nen Allah Agoreke wokhisasikhemo ebeat wene hinebe tha'bokhogonat hinilu agagisip welagap o.

1 Yohanes 2:27

At Kristus nen Allah Agoreke wokhisasikhemo hinakla dogolik, yi meke ti meke hasik, ekalat yakulhisigidek, eberogonat anek yakulhisiliogo iti nen, akhuni aperek nen wene hit yakulhisausak erlok dek o. Wene at nen yakulhisiliogo meke iti mothogonat hagakhe dogolik, Kristus hinom hunik motogat dogono o.