Matius 12:45 - ALLAH ANE WENW KET MEKE WAROGO WOKNINAKHIKHE WENE

⁴⁵ yabokane apuke dukhi lagarethek nen, mokat aperek inobabut at obabut hakene dek. At he, inobabut motok weak meke inebe 7 nen, inayoko 'bi lagarethek nen, wogosik o etnogo uki agarethek nen, ap iti akla ukegarethek nen welageikharek o. Itithogon ukiluk werekma, ap iti alebageik, obabut hano negen welageikhe mekeat he, yabokane obabut motok weagat hagatlagarek. Iti hak, hit akhuni o yogotak ya hinobabut motok weak hagakhe lagap meke yi, itithogonat hagasugun o,” iluk yogeisasikhe.

Matius 12:45 ပူးပေါင်းရင်းမြစ်များ

Matius 12:24

Itithogon isinem, it ap Farisi meke emenogo inasuk holhukhasik, men isukha, “A! Ap yi mokat obabut weak meke inoe kok etaga Beelzebul etnogo at oba dukthek werekma nogo nen, mokat at agarumi negen inobabut weak meke akhuni inakla ukiluk werekma mukhogo ula'isiliogo,” iluk isinem,

Matius 12:44

Motok dek nen he, at nen men ekherek, An naila alebageik welagagimo meke etnogo napuke lalok uki ligin o, iluk wagarek. Wagarethek ukekherek, o etnogo inebe dek, o 'bon mekeat he, amumul ula'iluk motok karelek werekma 'bikha agarethek nen,

Matius 23:15

Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit hinane waganhe dogoagaluk akhuni herageinabik, i laut kok yekelek aik ilibagan italhik, o yi ai ti ai walegat lageik, nekhe lagap meke iti, Allah nen wene hit hinoba 'biluk weakma hetu aikmo etoma la'inagagin iti hakene, it hinane holiogei meke iti Allah nen wene itithogonat iki pere baga dagakhogon inoba 'buagaluk hagakhe lagap iti nen, eiye! Weagathinabigin o.

Matius 23:24

Akhuni inileken puk meke nen, it aperek yogeisekhe dogolik, Holak yike luok, iluk u hak, hit nen, halagase 'bugurlagat meke i henago 'bakhegethepma akla ukilukmo ekagat halok ula'isegethep mekeat he, wam unta kok meke hinaik thagalhidek haumhogon neke lagap iti nen, eiye! Allah nen weagathinabigin o.

Markus 16:9

At Yesus ebe hari Minggu baga melageikhe itinem huben siakhogon melageikhesik, at he Maria ai o Magdala meke mokat inobabut weak meke inebe 7 nen akla ukisukhasik werekma haganeat mukhogo ula'isasikhe meke etnogo nen tak, “Alebageik ileken neoak,” iluk elokhoma winam ageikhe.

Markus 5:9

Ane kokhogon isikhemo, at Yesus nen, “Hat hetaga tha,” iluk hinok oba waganhikhemo, at nen men yogokhikhe, “Ninebe doalegat welago iti nen, netaga opaki doalek u hak, netaga Legiun,” yogokhikhe.

Lukas 11:26

yabokane apuke dukhi lagarethek, mokat aperek at obabut hakene dek. At he, inobabut motok weak meke inebe 7 inayoko lagarethek wogosik witluk nen, ap iti akla ukegarethek welageikharek o. Itithogon ukiluk werekma, ap iti alebageik nen, obabut hano negen welageikhe mekeat he, yabokane obabut motok weagat hagatlagarek o,” iluk yogeisasikhe.

Efesus 6:12

Nit wim negen yakhe lago iti, akhuni meke ninom yakhe lago 'buk. Dek o. At he, kok meke, inane werek meke, o mummo agat oba yoma hagasik welageikharek meke, mokat inobabut weak meke pogot oba hogolkerlek agat oba hogolkerlek werekma ninom yakhe lago.

Ibrani 10:39

Itithogonat meke re, nit he, it akhuni aperek alomatlasuogoluk inapuke dukhugun meke iti hakene welago 'buk. Dek o. Nit he, ninebe tilninabuagaluk ninetaiken at oba hakotdiluk welago meke welago o.