Matius 12:28 - ALLAH ANE WENW KET MEKE WAROGO WOKNINAKHIKHE WENE

²⁸ Mekeat he, an nen mokat inobabut weak meke iti akhuni inakla ukiluk werekma an nopase Agoreke obatne baga ula'isekhe lagei halok he, Allah nen at apma 'bisagein etnogo arat hit hinoba horok asi aga o.

Matius 12:28 ပူးပေါင်းရင်းမြစ်များ

Matius 12:18

At Allah nen, “'Bikhani! At iti re, an natuaneke dogoagaluk nekaerek nen witaberogo meldigi. Netaiken hunik noba hotokthek meke, at itiat o. An Nagoreke at oba 'bumo, an nen akhuni wene inoba 'bigik, kokhik, mothogon 'bigin iti hasik, at nen it akhuni itikmanke meke wene pakhogon yogeisekhe dogoginat o.

Matius 12:29

Ap ageikhe obatneak meke iki herle warogo 'bigidegat, aila at ameke iniki abusak wagani ukusak, erlok apegep? Erlok dek. Iki herle warogo 'biluk anek he, ameke iti iniki abusak erlok wagani ukusak o.

Matius 21:31

Halok he, hit hinakla nen he, it ap inebe pere eta tha hak nen inopase akla apasikhe tak-tagat hagakhikhe apegep,” iluk, yogeisasikhemo it nen he, “Iti a'but magea meke iti nen hagakhikhe,” iluk yogokhukhama, at Yesus nen, “Halok he, an nen wene ageikhe eberogonat yokhisak. Hit aban werek korlek, it ap uang pemerintah hasik kino iluk natogokharek meke inom, humi yugunat hagarik nekharek meke inom, it iti tak Allah apma 'bisekherekma etoma ukugun o.

Matius 21:43

Hit he, Allah nen apma 'binagousak welagagip mekeat he, apma 'binagagin dek o. Hit hinobolukmo, o eken hano meke isu hak, it akhuni inukuloak etaga ninat meke nen, Allah akla apekherek meke mothogon hagakhe dogogun meke halok 'bisagein o. [

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Matius 6:33

Halok he, hinopase Allah nen apma dogolik hagakhe dogosak iti hasik men, nen, at nen, Yigithogon tigithogon hagatno, iluk yokhisugunem hagakhe dogosak iti hasik men, kogotdekhe dogogun halok, yi meke ti meke iti oba dukhogon wokhisageinat o.

Markus 1:15

Yogeisilik nekhe dogolik, men ekhe lageikhe, “O Allah apma 'binagagin etnogo arat 'binagagin o. Halok he, hit weak hagakhe lagap meke here'isalok hinobabut hebelogo hano wene yi eberogonat iluk hutdini o,” iluk yogeisilik nekhe lageikhe.

Markus 11:10

Haganeat ninopa Daud apma welagoukha hak, Allah nen ninoe yi apma 'binaniluk hanotninabuak o. Allah kok pogot oba welagarek meke, nopase wa!” u hak, “Hosana!” iluk amitmit luk-luk ilik ilik,

Markus 16:17

It akhuni aperek nen wene iti eberogonat iluk apoagaluk, it wene eberogonat iluk waganugun meke nen, yigithogon hagakhe dogogun. Mokat obabut weak meke it aperek inakla ukiluk werekma an netaga palogo mukhogo ula'isigik, inane it akhuni ninat meke inane inokodek meke elalinat igik, hagakhe dogogun.

Lukas 10:11

Nit hit hinaila dogolik agat abubuleke ninisok oba dekelogo meke yi, hit weak iluk hiniloba horogo podisogo yi. Hinakla nen, Allah apma 'binanigin etnogo yogotak arat 'binanigin, iluk, hanorogon hutdekhe dogono, iluk yogeisano.

Lukas 11:20

Meke re, an nen Allah obatne iti baga mokat obabut weak meke iti mukhogo ula'isikhe lagei halok he, Allah apma 'bisagein iti arat hinoba hakok asi agama o.

Lukas 16:16

At Yohanes ima usa'isekhe lageikhe meke etnogo aban wageidek werek korlek, wene Allah nen ninasuk wakhikhe meke etnogo men, it Allah ane yogeisekhe lagoukha wene etnogo men, wene itiat kok welageikhe. Meke re, at Yohanes wageikhe iti hurli nen, hano wene Allah nen apma 'bisekherek wene etnogo yogeisilik lagunem, akhuni tha'bokhogonat nen wene waganuogoluk inobatnerogon hathani motok ukiriogei.

Lukas 9:2

Itithogon hagarinakhikhesik, it nen Allah apma 'bisagein wene etnogo yogeisigik, u warek meke hano hagarinakhik, hagarinabik loagaluk la'isasikhe.

Kolose 1:13

Nit alep o mummo weak meke nen apma herle warogo haknisik werekma, Allah nen herle hisalogo wokninakhikhesik nen, a'but etaiken hunik meke etnogo haknisik dogoagaluk apma 'binanhemo welago.

Ibrani 12:28

Itithogon aborlogothagein mekeat he, nit anek he, Allah apma 'binanherekma aborlok igin motok dek meke woknisasikhemo ite agosik welago iti nen, “Allah nopase,” iluk heagei wakhe dogouok o. Nen, at Allah ebe, yi meke ti meke hetu nen nekerek iti hagatma, nit itithogon weagatninabinogo iluk, at ebe ninayukhogon hagakhik, alon halogo hagakhik, hagakhe dogolik, at ane hologo akla warlok meke hagakhe dogolik, hogorakhe dogouok o.

1 Yohanes 3:8

Nen, at ageikhe nen obabut weak hagakho motok welagarek halok he, at Iblis obabut erlo baga nenat weak hagakherethekma nogo nen, at iti ebe Iblis a'but werek o. Meke re, at Allah a'but thelekmaat wageikhe iti, at Iblis obabut hagakherek meke iti, motok degetdisagaluk wageikhe o.