Matius 12:27 - ALLAH ANE WENW KET MEKE WAROGO WOKNINAKHIKHE WENE

²⁷ An nen Beelzebul iti obatne baga, at agarumi inobabut weak meke akhuni inakla ukiluk werekma mukhogo ula'isekhe lagei halok he, hit hinagarumi nen mokat inobabut weak meke it aperek inakla ukiluk werekma mukhogo ula'isiliogei iti, tha obatne baga mukhogo ula'isiliogei apegep. Hinagarumi nen itithogon hagariogei iti baga, it nen, Wene at Yesus hasik egep iti, korlo egep o, iluk wene hinoba 'bu hak hagariogei o.

Matius 12:27 ပူးပေါင်းရင်းမြစ်များ

Matius 10:25

Meke re, it yekerugi iti inopase guru iti inom tak-tak hagatlageik, nen, it inatuaneke meke iti inopase lak inom tak-tak hagatlageik, hagatlasumo, erlogat o. It akhuni inoe o iteerek meke iti weak iluk etaga Beelzebul isi halok, it at agarumi inom opakimo meke iti, itithogonat inetaga weak kogat ekhe dogogun o,” iluk yogeisasikhe.

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Matius 9:34

Itithogon hogorakhukhama mekeat he, it ap Farisi meke emenogo nen, men isukha, “At Yesus nen Iblis agarumi inoe kok etnogo obatne baga mokat obabut weak meke iti akhuni inakla ukiluk werekma mukhogo ula'isiliogo,” iluk isukha.

Lukas 11:19

Iti hak, an nen mokat inobabut weak meke inoe etaga Beelzebul iti obatne baga mokat inobabut weak meke ageikhe akhuni aperek inakla ukiluk werekma mukhogo ula'isekhe lagei halok he, hit hinagarumi nen tha obatne baga mokat mukhogo ula'isiliogei apegep. Hinagarumi nen itithogon hagariogei iti baga, it nen, Wene at Yesus hasik egep iti, korlo egep o, iluk wene hinoba 'bu hak hagariogei o.

Lukas 19:22

Itithogon yogokhikhemo, at ap kok etnogo nen, Nagot. Hat hobabut weak motogat hagakhen o. Hat hane egen iti bagaat wene hoba 'biluk weagathabigin o. An nobabut a'bet weak dogolik, an nen 'bigidek meke horligik, ai an nen yakhidek mekeat, eken palhigik, hagakherekma, nobabut hat hilu halok he,

Roma 3:19

It akhuni aperek wene Allah nen ninasuk wakhikhe wene iti, holek welageikharek meke anek yogeisasikhe, iluk nit ninilu. Allah arligat nen akhuni o yi ai ti ai tha'bokhogonat wene inoba 'bigik, kokhik, hagakhunem, at ageikhe nen wene oba korogo wokhausak erlok dek asuagaluk ninasuk wakhikhe iti.