Matius 12:19 - ALLAH ANE WENW KET MEKE WAROGO WOKNINAKHIKHE WENE

¹⁹ At nen akhuni inom wene tauk ageik, ane puk weak wenageisigik, akhuni holagarlemke lagunem ane holuagaluk kokhogon yogeisigik, hagakhe dogogin dek o.

Matius 12:19 ပူးပေါင်းရင်းမြစ်များ

Matius 11:29

An nasuke ukharlek su ade al warek hano ukharlogo wokhisaumo alheat hugun iti nen, hinomorlo baga waganiluk, an nobabut enago dogolik inapma negen welagarek etnogo hutukhogon yakulilik nekhe dogono o. Itithogon nekhe dogogun halok, hinetaiken hapuk igin o,” iluk yogeisasikhe.

Matius 12:20

O ilugun hurli baga at nen wene akhuni inoba 'bigik, kokhik, mothogonat hagakhe dogolik, at obatne asigin iti aban werek korlek, hite oak sigilik meke, at nen hukaligin dek o. Nen, isagal amulok dageigidek thode anek dageikhe halok he, at nen naguldisagein degat o.

Lukas 17:20

Itithogon la'isikhemo yabokane, it ap Farisi meke nen, men isukha, “At Allah nen, o meranem at apma 'binani isigin,” iluk hinok waganhukhama, at Yesus nen, men yogeisasikhe, “At Allah apma 'binageiluk wisigin iti re, akhuni nen ageikhe hutduagaluk elalin meke ageikhe inil oba hagakhidek werek korlegat wisigin o.

2 Korintus 10:1

An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.