Matius 12:18 - ALLAH ANE WENW KET MEKE WAROGO WOKNINAKHIKHE WENE

¹⁸ At Allah nen, “'Bikhani! At iti re, an natuaneke dogoagaluk nekaerek nen witaberogo meldigi. Netaiken hunik noba hotokthek meke, at itiat o. An Nagoreke at oba 'bumo, an nen akhuni wene inoba 'bigik, kokhik, mothogon 'bigin iti hasik, at nen it akhuni itikmanke meke wene pakhogon yogeisekhe dogoginat o.

Matius 12:18 ပူးပေါင်းရင်းမြစ်များ

Matius 12:17

Itithogon hagakhikhe iti, at Yesaya Allah ane yogeisekhe lageikhe meke etnogo nen isikhe tak-tagat hagatlasuagaluk hagakhikhe iti.

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Markus 1:11

Ileken hasinem, Allah ane pogot oba nen men isikhe, “Hat hebe an na'but netaiken hunik meke o. Hat hobasik noba hotok ekhe o,” iluk ane usa'i ageikhe.

Markus 9:7

Itithogon isinem oisa thebelinabi ageikhesik, at Allah ane oisa etnogo akla nen, men yogeisasikhe, “An na'but netaiken hunik meke ebe ithiat o. Halok he, at ane holek dogono o,” iluk yogeisasikhemo,

Lukas 23:35

It akhuni emenogo eta metek dogolik inileken 'birogo werek korlek, it ap Yahudi meke inougi koktek emenogo inagouak sikin ilik, Yesus inane sagun yogokhe dogolik, men isukha, “At yi Allah nen Kristus meldiluk la'isigin isikhe etnogo ebe arat halok he, it akhuni erlok tilinakhe laga etnogo hak, ekaerek nen itithogon tilanek he,” iluk isukha.

Lukas 3:22

Allah Agoreke thue merpati yogeik negen hitluk oba duk i usa'ageikhe. Itithogon hagakhikhemo, pogot oba nen ane men isikhe, “Hat hebe an na'but netaiken hunik meke. Hat hobasik noba hotok ekhe o,” iluk isikhe.

Lukas 4:18

“It akhuni inameke motok dek inerlageik meke iti hano wene yi yakulisekhe dogoagaluk meldanhikhemo nogo nen, nopase Etagapogot Agoreke usa'i agama an noba dukthek werek o. Nen, nayoko 'bekhe dogolik men yoknikhikhe, It akhuni iniki herle warek werek meke herle hisalinabigin wene inom, inileken puk meke inileken 'bekelasuagaluk hanorinabigin wene inom, yogeisigik, it akhuni inapma negen thebelogo 'bisiliogei make tilogo inasokneat 'bisigik,

Lukas 9:35

Itithogon inayuk weak agoukhama oisa etnogo akla nen Allah ane men yogeisasikhe, “An na'but wenago meldisigi meke ebe ithiat o. Halok he, at ane holhe dogono,” iluk yogeisasikhe.

Yohanes 3:34

At Allah nen la'i ageikhe meke iti, Allah Agoreke hurli yi baga anek waganin o, igidek motogat wogokhikhe iti nen, Allah aneat yoknisekherek o.

La'isasikhe 11:18

At Petrus nen itithogon yogeisasikhemo, it nen wenagakhe lagoukha etnogo, yabokane thogotdiluk men isukha, “Halok he, Allah obabut hano nen, nit hagatninakherek hagat, it akhuni itikmanke meke inobabut hebelagunem iniluk motok dogoagaluk erlok hagarinabusagat higi,” iluk Allah hogorakhukha.

La'isasikhe 14:27

O Antiokhia lalok, Allah a'buri natogorinakhikhesik nen, men yogeisasukha, “Nit Allah ninom nen yigithogon hagakho, tigithogon hagakho,” iluk wene pilinogo yogeisekhe dogolik men yogeisasukha, “It akhuni itikmanke meke wene iti eberogonat iluk waganuagaluk, Allah nen thu hualdekhemo erlok waganusak werek o,” iluk yogeisasukha.

Efesus 1:6

At obabut hano nen a'but etaiken hunik meke akmu ageidegat woknisasikhe iti hasik, nit nen, “Eiye. Allah nayuk o,” iluk, hogorakhe dogouok o.

Kolose 1:1

Hit Allah a'buri o Kolose natogokhethep meke Kristus hinom hunik dogolik, at hasik hinobabut hupukhogon hagakhe lagap meke, nagarlak lak nerugi. An Paulus Allah akla apasikhe baga, Kristus Yesus nen nayoko 'biluk la'ani ageikhemo wagagi eke etnogo, ninagot Timotius nipisak nen wene yi holal waganogo hinoba la'i ago iti o. Ninopase Allah obabut hano etnogo nen, hano meke wokhisigik, hinetaiken hapugutdinagagik, hagakhe dogoak o.

Kolose 1:13

Nit alep o mummo weak meke nen apma herle warogo haknisik werekma, Allah nen herle hisalogo wokninakhikhesik nen, a'but etaiken hunik meke etnogo haknisik dogoagaluk apma 'binanhemo welago.

1 Petrus 2:4

At ebe helekit hakene iluk welagarek meke iluk he, oba wetno. Akhuni nen, “Helekit iti weak,” iluk here'isasukha mekeat he, Allah nen, “Helekit yi motok hano mekeat,” iluk wenago 'bisikhe.

2 Petrus 1:17

Nit o etoma werekma, ninopase Allah nen, at Yesus ebe hogorakhik, heagei wakhik, hagakhunem nit ninasuk holhugu. At Allah ebe kogat hogorakho motok welageikharek meke etnogo nen, “An na'but netaiken hunik meke noba hotok egerek ebe itiat,”