Matius 11:8 - ALLAH ANE WENW KET MEKE WAROGO WOKNINAKHIKHE WENE

⁸ E a, at he, nena meke ha luogoluk laga lagasip. Ap ageikhe asu hano motok meke ugu werekma ha luogoluk laga lagasip a? Lakhani! Inasu hano meke ikhegarek iti, koktek inetagapogot meke inaila dogolik halogat ikharek.

Matius 11:8 ပူးပေါင်းရင်းမြစ်များ

Matius 11:7

Itithogon isikhemo, it Yohanes agarumi emenogo lagoukhama, at Yesus nen akhuni doalegat emenogo Yohanes abok men yogeisasikhe, “Hit he, o limo akhuni dekma etoma nena meke hinileken huogoluk laga lagasip nogo? Hiteka yagareka hisakne nen huphogon lageik-wageik hagakho werekma 'bikha luogoluk laga lagasip a?

Matius 11:9

Halok he, nena meke 'bikha luogoluk laga lagasip? E a, at he, ap Allah ane yogeisekherek meke ageikhe werekma hinileken 'bikha luogoluk laga lagasip a? Eberogonat, itiat o. An nen yokhisak. It ap Allah ane yogeisekhe lagoukha meke aperek welagoukha mekeat he, it iti erlok dek negen. Mekeat he, at Yohanes iti anek he, etagapogot isiken negenat o.

Matius 3:4

Wageikhesik, limo akhuni dekma etoma dogolik wam unta isi meke karogo, asu ikhigik, oado meke karogo, therlok hagarogo ikhigik, ikhe dogolik hipiri nau hak, yibirla nikik, themuk apusu okama meke nikik, hagakhe lageikhe.

Lukas 7:25

E a, at he, nena meke hinileken huogoluk laga lagasip. Ap ageikhe asu hano motok meke ugu werekma 'bikhauwogoluk laga lagasip a? Lakhani! Ap koktek inaila dogolik halogat inasu hano meke ikhigik, inameke yi meke ti meke doalegat hago welageik, hagakharek apigi!

1 Korintus 4:11

Nit o haganeat eloma nen yogotak hurli, hipiri inom, i inom, abuat welagorek. Itithogon dogolik, ninasu degat werekma tugi ninakhe korlek, ninaila dekma, yi ai ti ai lagorek.

2 Korintus 11:27

Yi yabu ti yabu hasik thet wiik-weakhogon hagakhik, hibiku-yogoku noge niluk noge igik, hipiri inom, i inom, dek nen abuat welageik, hibiku-yogokuat hipiri nikidek hapugutdigik, nasu dek nen thogei nakhik, o koma noge u heat ageik, hagakhe lagagisigat.