Matius 11:29 - ALLAH ANE WENW KET MEKE WAROGO WOKNINAKHIKHE WENE

^29-30 An nasuke ukharlek su ade al warek hano ukharlogo wokhisaumo alheat hugun iti nen, hinomorlo baga waganiluk, an nobabut enago dogolik inapma negen welagarek etnogo hutukhogon yakulilik nekhe dogono o. Itithogon nekhe dogogun halok, hinetaiken hapuk igin o,” iluk yogeisasikhe.

Matius 11:29 ပူးပေါင်းရင်းမြစ်များ

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Matius 21:5

“Akhuni o Sion meke yogeisekhe dogolik, Hinoe Etagapogot hinoba wiriogo o. Obabut enago dogolik, wam keledai apot oba yasukhogo dogolik wageik, wam keledai eak meke apot oba yasukhogo dogolik wageik, wiriogo, iluk yogeisan o,” iluk isikhe iti tak-tagat hagatlasuagaluk, at Yesus nen itithogon la'isasikhe iti.

Matius 7:24

Itithogon yogeisasikhesik nen, ageikhe men yogeisasikhe, “Halok he, tha nen, an nane iti asuk holiluk mothogon hagakhe halok, at nen yi hakene hagasigin o. Ap ageikhe etaiken werek meke nen o helekit oba dukhogon halhikhemo,

Lukas 8:35

Itithogon yogeisa lagoukhama nen, it akhuni nen, “Nikithogon hagatlagunem nen ega,” iluk, inileken huogoluk Yesus oba wagoukha meke, ap mokat inobabut weak meke akla nen dukhisikhe meke etnogo obabut hebelageikhesik asu ugu Yesus apma hurek werekma inileken hasukhasik, inayuk agoukha.

Yohanes 13:15

Nen, an nen hit hagathinakhi iti hak, hit nen an nobabut waganogo itithogonat hagakhe dogobageik nen iluk yakulhisigi o.

Yohanes 13:17

An nen wene yokhisigi iti hinilu atluk hagakhe dogogun halok he, hinakla arleken akhekhe dogogun o.

La'isasikhe 7:37

Nen, akhuni Israel meke yogeisekhe dogolik, Allah nen ap at ane yokhisekhe dogoagaluk, ap hit meke ageikhe an meldanhikhe iti hak, yabokane meldigin etnaga o, iluk yogeisasikhe iti, at Musa nenat o.

1 Korintus 9:21

Nen, it aperek wene Allah nen ninasuk wakhikhe wene at Musa nen yogeisasikhe meke iti, inasuk holharek dek meke aperek Kristus hasik woginabigiluk, an nobabut wene iti holhidek thalek welageiat o. Iti an wene Kristus nen ninasuk wakhikhe wene iti holek motok dogolik, wene Allah nen ninasuk wakhikhe wene iti an holhidek welagarek 'buk. Holek welagaregat o.

2 Korintus 10:1

An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.

2 Korintus 10:5

It akhuni aperek inakla nen, “Allah iti ebe nina'it o. It akhuni aperek at ebe inilu asusak degat o,” iluk inekaerek nen hogorakhegarek meke iti, nit nen sikhe thege iti baga erlok thebeldisausagat o. Nen, akhuni inetaiken weat meke baga eberiogei meke iti, nit nen sikhe thege iti baga Kristus ane hologo hagasuagaluk apma erlok 'bisasusagat o.

Filipi 2:5

Hinobabut he, at Kristus Yesus nen akla ebekhe lageikhe hagat, ebekhe dogono o.

Ibrani 5:9

Itithogon yakulhe dogolik, ilugun arat kobokhogon hagakhikhemo, nit at ane hologo dogogun meke ninebe tha'bokhogonat niniluk motok-motok dogoagaluk at ebe tilninakhikhe meke erlo arat hagarogo 'bisikhe iti.

1 Yohanes 2:6

Nen tha nen, “An Allah nipisak hunik welagei,” iluk ekherek halok he, obabut at Kristus hagakhe lageikhe iti hagat, hagakhe dogosak o.