Matius 11:28 - ALLAH ANE WENW KET MEKE WAROGO WOKNINAKHIKHE WENE

²⁸ Hit hinoba akin-pakinhogo thet weak hagakhe lagap meke iti, an nen hinoba thet korogo 'binagumo thet walubageik nen, noba witni o.

Matius 11:28 ပူးပေါင်းရင်းမြစ်များ

Matius 11:29

An nasuke ukharlek su ade al warek hano ukharlogo wokhisaumo alheat hugun iti nen, hinomorlo baga waganiluk, an nobabut enago dogolik inapma negen welagarek etnogo hutukhogon yakulilik nekhe dogono o. Itithogon nekhe dogogun halok, hinetaiken hapuk igin o,” iluk yogeisasikhe.

Matius 23:4

Suke akin meke herle yilogo inekaerek iniki hakhigidek dogolik akhuni aperek inomorlo baga waganuagaluk yogeisegarek iti hak, it iti nen inekaerek hagakhidek dogoligat, it aperek nen hagasuagaluk wene akin meke inoba 'biliogei iti.

Yohanes 6:37

Meke re, an pogot oba nen usa'agagi iti, an nekaerek nakla nen kagalogo hagasigiluk usa'agagi 'buk. At la'ani ageikhe meke akla apekherek meke itiat mothogon hagasigiluk usa'agagi iti nen he, akhuni an nopase nen woknekherek meke inebe tomok noba wagunem, an nen, Hit an noba wisusak dek, iluk wenageisagein motok dek o.

Yohanes 7:37

Wene itithogon isukhasik oba nen, pesta etnogo ilugun kobokhogon arat agunem, hari kok iti baga Yesus ebe melageikhesik nen, ane kokhogonat men yogeisasikhe, “Tha nen i abu halok, an noba nasusak o.

La'isasikhe 15:10

Allah nen itithogon hagakhe korlegat he, hit nen Allah obabut paluogoluk hagakhe lagap iti nenaluk. Wene iti akin weak nen, ninopa lak waganusak erlok dek welagoukha. Nen, nit nen waganusak erlok dek dogoligat, yabokane it Yesus ane waganha meke iti waganuagaluk ekhe lagap iti nenaluk.

La'isasikhe 20:35

Wene ninoe Etagapogot Yesus ekaerek nen men yoknisasikhe iti, It akhuni aperek nen wokhisugunem horlalok hinakla arleken akhausak erlok dek o. At he, hit hinekaerek nen it aperek wogeisekhe dogolik hinakla arleken akhausak o, iluk yoknisasikhe iti ninakla eberek dogolik, an nen it aperek inobatne dek meke yomageisekhe lagei iti, hit nen hutdaniluk an nobabut waganogo hiniki obatnerogon yomageisekhe dogobageik iluk yakulogo hagakhe lagei iti,” iluk yogeisasikhe.

Galatia 5:1

Nit Kristus nen ninasokneat 'binanhikhemo yogotak ninasokneat welago. Iti nen, yi meke ti meke akin weak meke it akhuni inatuaneke meke nen o perlago wolok loagaluk inomorlo baga 'begarek hak, akin meke iti yabokane hinoba 'binogo iluk, hinobatnerogon metek dogono.

Ibrani 4:1

Iti halok he, Allah ne a'buri thet waloagaluk abok yogeisasikhe meke iti dek ageidek werek meke iti, nit yabokane thet waloagaluk woknisageinmo etoma hit aperek ukigidek hagasunogo iluk hinayukhogon dogolik mothogon hagakhe dogono o.

A'bikaka 22:17

Itithogon yoknekhesikmo nen, yabokane, men yoknekhe, “Tha nen i abu nen nausak warlok halok he, i inilugurinakherek meke okorlek werlegat horlalok noagaluk, Allah Agoreke inom, Domba Eak age negen waganhe meke etnogo inom, ipisak nen ekhe dogolik, Naetni o, iluk yogeisugunem, it aperek inebe tomok it ipisak inane inasuk holiogei meke nen, Naetni o, iluk ekhe dogosagat o,” iluk isinem holhi.