Matius 11:25 - ALLAH ANE WENW KET MEKE WAROGO WOKNINAKHIKHE WENE

^25-26 Itithogon yogeisasikhesik, o itinem, at Yesus nen Allah ebe yogokhe dogolik, “Allah nopase! Pogot agat iteerek harat o! Wene tha'bokhogonat iti, it akhuni inakla kagalek meke men, yi wene ti wene inilu meke men, inilu asunogo iluk lima'iluk nen, it inobabut yekerugi ket itago meke hakene anek, pakhogon yogeisegen iti hakla warlok apegetik nenat yogeisegen iti nen heagei wathakhe lagei, nopase,” iluk yogokhikhe.

Matius 11:25 ပူးပေါင်းရင်းမြစ်များ

Matius 16:17

Itithogon yogokhikhemo, at Yesus nen he, “Simon Yona a'but nagot o. Akhuni nen yokhekhama egen dek o. An nopase pogot oba meke nen yokhekhemo egen higi o. Halok he, hakla arleken akhekhe dogono o.

Matius 21:16

Yesus men yogokhukha, “It yekerugi iliogei iti hasuk holhe lagan a?” iluk yogokhukhama, at nen, “I o. Holhe lagei o. Nen, wene men iluk holal waganek werek etnogo hit nen etaga thalhidek welagap nogo? It nen Allah hogorakhe dogolik, Hat hebe hanorogon hogothakhe dogoagaluk, yekerugi ket itago meke men, irlak aban niliogei meke men, motok yakulisegenma higi, iluk isukhama, holal waganek iti hit nen etaga thalhidek welagap nogo?” iluk yogeisasikhesik,

Lukas 22:42

men isikhe, “Nopase o! Hat nen hano apegen halok he, an weagatnabugun meke iti tilnabino,” iluk u hak, “Eken apusu henago noagaluk woknesugun iti, hat nen an noba nen wokhano. Meke re, an nakla apekhe lagei meke iti dek o. Hat hakla apegen meke itiat hagatnabino o,” iluk yogokhikhemo, [

Lukas 23:34

Itithogon o baga meldisasukhama dogolik, at Yesus nen Allah men yogokhikhe, “Nopase o! It yi inokodek dogolik hagatnabiogei yi, wene inoba 'bigidek thagalogo here'isan o,” iluk yogokhikhe. Nen, it ap tentara meke emenogo nen, itithogon meldisalok, “At Yesus asu nokorlek etnogo tha hak horlagein,” iluk omatok thekerlogo walhegarek hak, helekit hupurlekentek meke walhasukhasik nen mikirlogo horlasukha.

Yohanes 11:41

it nen helekit etnogo dekalogo la'isukhama, Yesus ileken pogot oba liakhalok nen, men isikhe, “Allah nopase. An nane hasuk holhen iti nen, heagei wathakhe lagei o.

Yohanes 12:27

At Yesus nen wene itithogon yogeisasikhesik sembayan ageikhe men isikhe, “Nopase. Yogotakne netaiken weak motok murleliogo welagei yi nikithogon ik he? An nen yigithogon ik. Nopase. An yi aik ti aik higin iti, hat nen nebe tilnabin o, iluk yokhesusak meke re, itithogon hagatnabuagalugat wagagisikmo nogo nen, itithogon igin dek o, nopase.

Yohanes 12:28

Halok he, nopase, hat hetaga hekaerek nen kogotdakhan o,” iluk isinem pogot oba nen ane ekhe dogolik, men isikhe, “Arat kogotdakhigirik, yabokane kogotdakhageinat o,” iluk ane isinem,

La'isasikhe 17:24

Allah nen, o agat yoma walhigik, yi meke ti meke tha'bokhogonat walhigik, hagakhikhesik nen, pogot agat iteerek kok welagarek iti. Itithogon halok, at ai akhuni iniki nen halharek meke etoma akla at Allah dogosak erlok dek o.

1 Korintus 2:10

'Binanhe meke iti, at Allah Agoreke nen yi meke ti meke penakherek iti nen, Allah akla limago welagarek meke iti inomat penakhe dogolik, pakhogon yoknisasikhe o.

2 Korintus 3:14

Meke re, it iti inetaiken abiretdisikhemo welagoukha. Yogotak meneke Allah nen, “Itithogon hagathinabigin,” iluk wene inom wakhukha meke holal waganek meke iti, it nen etaga thalhunem, inetaiken kagalasusak dek abisake ageikhesik sapumeke laberek werek. Itithogon laberek meke iti, at Kristus inom hunekhunem anek he, inetaiken sapumeke laberek meke iti erlok 'bukalagarek iti.