Matius 11:23 - ALLAH ANE WENW KET MEKE WAROGO WOKNINAKHIKHE WENE

²³ Nen, hit akhuni o Kapernaum meke yi hinakla nen, Allah nen pogot oba lia'inaniluk kogotdinanigin, iluk hogorakeke lagap a? Motok dek o. Akhuni watlatluk lageikharekma etoma motok usa'inagagin o. Akhuni nen hagasusak dek meke an nen elalinat hit ninom dogolik hagakhe lagei etnogo, o Sodom etoma hagakhe dogolema, it etoma inebe dek ageidek yogotak ya motok hunigat dogolep o.

Matius 11:23 ပူးပေါင်းရင်းမြစ်များ

Matius 10:15

Yogotak an nane eberogonat yokhisak. Yabokane ninopase Allah pogot oba meke nen ukum inoba 'bigik, kokhik, hagasigin itinem, it akhuni o Sodom Gomora meke etoma, ukum inoma 'biluk weagarinabigin mekeat he, alhe negenat o. Meke re, it akhuni o ukul hit wokhinakhidek thogotdinagagun meke iti anek he, ukum akin meke inoba 'biluk motok weagarinabigin o,” iluk yogeisasikhe.

Matius 16:18

Nen, ageikhe inom yokhesik. Hat hetaga helekit u hak, Petrus o. Nen, helekit isa yi baga hipikhogon, an nagarumi natogorlogo 'bisalok o negen halogo 'bisigi halok he, at wema baga iteerek etnogo nen obatnerogo erlok degetdisagein dek o.

Matius 17:24

Itithogon hagatluk, o Kapernaum wagoukhama, it Allah ai halek hasik oko uang kino iluk waganhe lagoukha meke nen, at Petrus oba wagoukhasik nen, men yogokhukha, “Hinoe Allah ane yakulhisekherek meke iti nen Allah ai halek hasik oko uang 'begarek etnogo meke ageikhe 'bekherek a? Dek a,” iluk yogokhukhama,

Matius 4:13

Dagei ageikhesik, o ukul Nazaret etnogo thogotdiluk nen, o ukul Kapernaum i Galilea yekelek aik obake etoma, it ap inukuloak etaga Zebulon meke inom, Naftali meke inom, inaila etoma dogeigiluk dagei ageikhe.

Matius 8:5

Itithogon yogokhikhesik nen, o Kapernaum ukisinem, ap tentara meke inoe kok ageikhe Yesus oba wageikhesik nen, men yogokhikhe,

Lukas 10:15

Nen, hit akhuni o Kapernaum meke yi hinakla nen, Allah nen pogot oba lia'inaniluk kogotninabigin, iluk hinekaerek hogorakeke lagap a? Motok dek o. Akhuni watlatluk lageikharekma etoma motok usa'inagagin o,” iluk yogeisasikhe.

Lukas 16:23

Nen, ebe watlatluk lageikharekma eloma lageikhesik motok weagat dogolik, he, elokhoken hebenokhogon liakhasikhe meke, Lazarus Abraham alilu werekma ileken liagisasikhe.

Lukas 4:23

Itithogon hogorakhukhama, at Yesus nen, men yogeisasikhe, “Akhuni nen hibiku-yogokuat ekhe dogolik, Hat hebe ap dokter hakene ethoma re, hoba u iti hekaerek nen hagaran o, iluk egarek meke, hit nen dagakhogon an yoknesugun higi. Itithogon yoknetluk, O Kapernaum hagakhe lagan meke holhe lago iti hak, yogotak hekaerek hai yoma itithogonat ageikhe hagasin o, iluk, yoknesuogoluk ekhe lagap higi,” iluk itithogon yogeisasikhesik nen, ageikhe men yogeisasikhe,

La'isasikhe 2:27

Itithogon dogogin iti, an nebe akhuni watlatluk lageikharekma etoma motok dogoagaluk, hat nen here'anhik, An hat ha'but hekaerek meke nebe yi hirli asuagaluk kolelogo thogotdanhik, hagasigin dek iti nenat o.

La'isasikhe 2:31

Itithogon abok yogokhikhe meke iti ebe aban meldigidek werek korlek, at Daud Allah nen hagasigin meke ilu dogolik nen, Kristus watlasumo, Allah nen ilugutdigin o, iluk wene at nen men isikhe, Allah nen at ebe akhuni watlatluk lageikharekma etoma motok dogoagaluk thogotdigin dek o. Nen, at ebe hirli atluk, dek asuagaluk thogotdigin degat o, iluk isikhe iti.

Yudas 1:7

It hagakhukha tak-tagat, it akhuni o Sodom meke men, Gomora meke men, o ukul inaliluke meke inomat nen, param hagarinakhik, ap-ap, humi-humi hagasusak dek meke hagakhik, hagakhukha baga, ukum he, hetu nasi motok welagarekma motok dogoagaluk, la'isasikhemo etoma werek, iluk, nit akhuni tha'bokhogonat hutdekhe dogosak.

A'bikaka 1:18

niluk motok welagarek, anat o. An nebe arat watlagagi mekeat he, lakhan! Niluk agagisik, niluk motogat dogogin o. Watlageikharek iti inom, watlatluk lageikharekma iti inom, thu kunci an nikimo werek o.

A'bikaka 11:8

Itithogon warogo 'bisalok, inebe warek, o kota holagarlemke ninoe o meldiluk wakhukhama etoma 'bisagun o. O kota iti, o Sodom inom, Mesir inom, oba likharek etnogoat o.

A'bikaka 20:13

Iti hagat, akhuni ebetlake watlagoukhasik, i laut yekelekma welageikharek meke, i laut nen hokologo ula'isa ageik, akhuni watlatluk wema baga usagoukha meke, at watlariogei erlo inom, wema baga inom, iteerek welagarek meke etnogo nen lia'isa ageik, hagakhunem, at Allah nen it inebe tomok inobabut hagakhe lagoukha tak-tagat wene inoba 'bigik, kokhik, hagakhe laga higi.

A'bikaka 6:8

Holhirik, lakhigi meke, kuda isi akhuni watlasuogoluk inelokhoken kut atluk abel dageikherek iti hak meke lagunem lakhigi o. Nen, inebe watlageikharek iti, akhuni hakene atluk nen, kuda iti apot oba yasukhogon nekhe laga. Itithogon nukhunem, at oporlik, akhuni wema baga usegarek iti, akhuni hakene atluk nen, ipisak nukhunem lageisigi. Itithogon nekhe dogolik, akhuni agat oba meke tha'bokhogonat inebe 4 oba mikirlogo 'bisalok, 3 baga inakhidek here'isalok, ageikhe anek akhuni aperek nen karok oba inakhunem watlageik, hipiri abu nen watlageik, u erlo kok meke baga watlageik, wam helo inom, yeke helo inom nen, aik nen li'bilinakhunem watlageik, hagakhe dogoagaluk iteerek 'bisegama nukhunem lageisigi o.