Matius 11:21 - ALLAH ANE WENW KET MEKE WAROGO WOKNINAKHIKHE WENE

²¹ “Hit akhuni o Korasim meke men, o Betsaida meke men, eiye! Nakmu lak o. Akhuni nen hagasusak dek meke an nen elalinat hit ninom dogolik hagakhe lagei etnogo, o Tirus Sidon etoma hagakhe dogolema, it akhuni o etoma meke hean 'biluk hagakharek hak, inasu pelabi ikhigik, 'bisi yugulharek hakene wul dabulhik, hagakhe dogolik, weak hagakhe lagoukha meke iti thogotdisalok inobabut haganeat hebelatlep mekeat, hit he, itithogon hagasusak hina'it iti nen weagathinabigin o!

Matius 11:21 ပူးပေါင်းရင်းမြစ်များ

Matius 11:22

Mekeat he, an nane eberogonat yokhisak. Yabokane o ilugun hurli baga Allah nen ukum hinoba 'bigik, kokhik, hagasigin itinem he, it akhuni o Tirus Sidon etoma inom, ukum inoba 'biluk alhe negen inasigin mekeat he, hit anek he, motok akinhogo negen hinasigin o, iluk yokhisigi.

Matius 15:21

At Yesus nen wene itithogon yogeisasikhesik nen, o etoma thogotdiluk o Tirus Sidon etoma dagei ageikhe.

Matius 18:7

It akhuni agat oba meke yoma, it ageikhe nen an kolelogo here'anuagaluk inakla kagalumo motok weak asugun iti nen, eiye, nakmu lak o. An kolelogo here'anuagaluk inakla kagalhe dogogun mekeat he, it inakla kagalugun werek iti Allah nen motok weagarinabigin werek o.

Matius 26:24

An abat itaklasi agagi etnogo, hagasigin meke holal waganek werek tak-tagat hagasigin mekeat he, at ap nebe nasuagaluk yoko ligin meke iti anek he, eiye. Motok weagat asigin o. At ap iti itaklatlep dekma, hanoat dogolep meke,” iluk yogeisasikhemo,

Markus 6:45

Itithogon arat nasukhama eranogo nen, at Yesus nen, agarumi ane waganhe lagoukha meke emenogo men yogeisasikhe, “An akhuni doalegat yoma la'isak nen, hit tak ku akla ukiluk, o Betsaida aik ilibaganke etoma itali lani o,” iluk ane obatnerogonat yogeisasikhe.

Markus 7:24

At Yesus nen wene itithogon yogeisasikhesik o etoma nen, o Tirus dagei ageikhesik uma ukisikhesik, akhuni men yogeisasikhe, “Akhuni inokodek dogoak nen, At wagasik, ebe o etoma werek, iluk yogeisugup o. An na'it,” iluk isikhe meke re, ebe nikithogon limago dogou heat hagatlageikhe.

Markus 7:31

Itithogon hagakhikhesik nen, yabokane at Yesus o Tirus etoma nen dagakhogon o Sidon ke wageikhesik o etoma nen o etaga 10 kota halek ilike lakhigik, yike lakhigik, turlem horlokhogon i Galilea yekelekma usasikhe.

Markus 8:22

Yesus agarumi inom wene itithogon ilik ilik o Betsaida italhukha. Italhukhama it akhuni o etoma meke nen, ap ageikhe ileken puk meke Yesus nen iki hakhoagaluk oba wolok wagoukhasik nen, inane ina'buarek inane yogokhukha.

Lukas 4:26

humi thoge meke etoma ageikhe 'birisa loagaluk Allah nen Elia la'isikhe 'buk. Dek o. At he, he thoge meke opakiat ageikhe o werlekma Sidon ukul etaga Sarfat etoma werekma oba la'isikhe.

Lukas 6:17

At Yesus itithogon agarumi inayoko 'bisalok, inom tom oba nen usa'agoukhasik nen, agat enagoma etoma huk agoukhasik werekma, at agarumi ane waganhe lagoukha meke emenogo aperek inebe doalegat men, akhuni motok doalegat o Yudea ya ta meke men, o kota Yerusalem meke men, o Tirus Sidon i laut aik oba welageikharek meke men,

Lukas 9:10

It ap Yesus nen inayoko 'biluk la'isasikhe meke emenogo lagoukhasik inapuke wagoukhasik, hagarik nekhe lagoukha meke emenogo pilin-palinhogo Yesus yogosi agoukha. Itithogon yogosi agoukhama re, at nen it wogosik inasokneat tekhogon o ukul etaga Betsaida etoma lageikhe.

Yohanes 1:44

At Filipus iti, Andreas Petrus ipisak inom inai ukul o Betsaida opakimo meke.

Yohanes 12:21

It ap iti wagoukhasik nen, ap Filipus ai o Galilea eloke ukul etaga Betsaida meke usa'ageikhesik werekma, oba wagoukhasik men yogeisasikhe, “Noe. Nit Yesus oba wisusak warlok nen wago o,” iluk isukhama,

La'isasikhe 12:20

O etoma dogolik, it akhuni o tirus men, Sidon men, inobasik at Herodes etnogo akla aga apigat dageisikhe. Akla aga apigat dageisikhemo, it tha'bokhogonat inebe dapukhogon nen, “O nit werekma yoma, hipiri ap kok Herodes werekma nen oko palogo hano waganhorethekma,” iluk ap etaga Blastus, Herodes atuaneke dogolik yi meke ti meke at ai meke iki baga welageikhe meke iti oba lagoukhasik, it werekmake asuagaluk, at tak akla kagalhukha. At tak akla kagalhukhasik nen, yabokane Herodes inom dapuluogoluk oba ukisukhasik yogokhukha.

La'isasikhe 27:3

Ukisugusik waga dogolik, hubenke o Sidon wagagu. Wagagusik, at Yulius etnogo nen, Paulus ebe akmutdisikhesik men yogokhikhe, “Hat yi meke ti meke aperek dek halok he, hagarlak lak nen wokhesuagaluk inoba ukilik lan o,” iluk yogokhikhemo lageikhe.

Yudas 1:11

It iti Allah nen weagarinabigin o! Alebat at Kain hagakhikhe iti hak oporlik liliogei iti. At Bileam korlo hagakhikhe iti hak, inekaerek nen uang thaburogo horlauwogoluk, itithogonat hagariogei. At Korah nen Allah hasik, “Anat hagakhe dogogin,” iluk it aperek usa'isagaluk hagakhikhe iti hak hagariogei iti baga, inebe nuk akhiliogei iti.

A'bikaka 6:12

Itithogon lageisigirik oba nen, oporlik lakhigi meke, thuesika uanat meke baga sirlo 'begarek iti hak, apusu tetnekhogon 'bisukha meke etnogo meke Domba Eak etnogo nen 5 baga arat 'bukalhesik oba nen, ageikhe 'bukalhunem, dugul kokhogonat aborlok luk-lagathigik, o mulikin elokhoken karung mirli hakene hagatlageik, thut elokhoken morla mep akhuni inamep hakene ageik,