Matius 11:2 - ALLAH ANE WENW KET MEKE WAROGO WOKNINAKHIKHE WENE

² At Yohanes ima usa'isekhe lageikhe meke etnogo iki herle warek werekma, akhuni nen, “Kristus itithogon hagariogo,” iluk ugunem asuk holhikhesik nen, at agarumi ane waganhe lagoukha meke Yesus oba hinok waganuagaluk la'isa ageikhe.

Matius 11:2 ပူးပေါင်းရင်းမြစ်များ

Matius 1:17

Itithogon itaklarik wagoukha iti, ap Abraham itaklageikhe hurli nen, ap Daud itaklageikhe iti hurli baga inopa lak inebe 14 hurli nen itaklarik wagoukha. Nen, Daud itaklageikhe hurli nen, akhuni Yahudi meke wogosik o Babel lagoukha iti hurli baga inopa lak 14 hurli nen yabokane itaklarik wagoukhaat. Nen, ap Yahudi meke o Babel wogosik lagoukha hurli nen, Kristus itaklageikhe iti baga, inebe 14 hurli nen yabokane itaklarik wagoukhaat iti.

Matius 14:3

At kok Herodes nen agot Filipus age he Herodias iti tilogo waganhikhe iti baga Yohanes iki herle warogo iniki herle warogo 'bisegarekma kola'isikhe.

Matius 4:12

“At Yohanes etnogo iki herle wakhama,” iluk isukhama, at Yesus asuk holhikhesik nen, o Galilea eloke dagei ageikhe.

Matius 9:14

Itithogon yogeisasikhesik oba nen, it Yohanes agarumi ane waganhe lagoukha meke Yesus oba wagoukhasik nen, men yogokhukha, “Nit men, it ap Farisi meke men, sembayan uogoluk, hipiri nikidek hibiku-yogoku welagorek mekeat he, it ap hat hane waganiogei meke yoma anek he, itithogon hagariogei dek iti nenaluk,” iluk yogokhukha.

Markus 6:17

Itithogon isikhe iti, haganeat at Herodes nen agot Filipus age etaga Herodias iti waganhikhemo at Yohanes nen men yogokhe lageikhe, “Hat nen hagot age waganusak dekma waganhen iti waganek dogosak erlok dek o,” iluk eran-alep ekarli warogo yogokhe lageikhe iti nen, at nen ap inayoko 'bisikhemo Yohanes ebe hakha lagoukhasik wolok wagoukhasik iki herle warogo o iniki herle warogo 'bisegarekma kola'isukha.

Lukas 3:19

Inasuk itithogon warik nekhe dogolik, at kok etagapogot Herodes iti nen agot age etaga Herodias iti iki abusak waganhik, yi weak ti weak doalegat hagakhik, hagarik nekhe lageikhe meke hasik, at inomat asuk wakhikhemo,

Lukas 9:7

Itithogon hagarik nekhe lagoukhama, ap Herodes o Galilea eloke kok etagapogot welageikhe meke iti, wene iti tha'bokhogonat asuk holhikhe. It akhuni aperek nen, “Yohanes wakhama watlaga etnogo iluk agasik werek iti,” iluk ekhe lagoukha.

Yohanes 4:1

Itithogon yogeisekhe lagoukhama, it nen, men isukha, “It akhuni inebe pererlagat negen Yohanes agarumi asuogoluk apma wagunem ima usa'isiliogo mekeat, it inebe doalegat Yesus agarumi asuogoluk apma wagunem ima usa'isiliogo,” iluk isinem, at Yesus nen, “Wene iti, it ap Farisi meke inasuk holha higi,” iluk ilu ageikhe.