Matius 11:17 - ALLAH ANE WENW KET MEKE WAROGO WOKNINAKHIKHE WENE

¹⁷ Nit etai watdinaguogoluk isa ula'ogo mekeat he, hit nen ekaka igidegat. Nen, de asuogoluk, de wene erlo ula'ogo mekeat he, hit nen de ageidegat, iluk egarek etnogo hagat, hagariogei o.

Matius 11:17 ပူးပေါင်းရင်းမြစ်များ

Matius 11:16

Akhuni o yogotak werek ya baga re, nena meke oba lisogo yokhisak. Yi meke oba lisogo ik. It iti yekerugi pasar oba oko waganharekma etoma hurek dogolik, inagarlak lak inom wene la'igik-wa'igik ekhe dogolik,

Matius 11:18

At Yohanes iti hipiri inom, anggur eken apusu inom, nikidek here'isalok welaga iti hasik, it akhuni nen he, At iti mokat obabut weak meke akla ukekhesik werek o, iluk iliogei.

Matius 9:15

Yogokhukhama, at Yesus nen men yogeisasikhe, “Ap ageikhe age waganhe dogolik, at agarlak lak erugi inomat dogolik, it inakla wiik-weakhogo dogosak nogo? Dek o. Itithogon mekeat he, agarlak lak erugi 'bisalok, ap iti wolok lugun oba weregat o. Itithogon wolok laumo anek, it iti iniki ageikhe hipiri nikidek sembayanat isi dogogunat o,” iluk yogeisasikhe.

Matius 9:23

Itithogon hagarik hagarik nen, at ap kok Yesus ayoko wageikhe meke etnogo aila lagoukha hak, akhuni de aga dogolik pikon wakharek meke wakhik, de naik-waik ageik, ugunem ileken 'birisalok,

Lukas 15:25

Itithogon hagakhe korlek eranogoat, at oe etnogo yabumo welageikhesik wageikhe hak, gitar wakhe dogolik etai wakhunem inane asuk holhikhe.

Lukas 23:27

Yesus ebe wolok wagunem akhuni doalegat inoporlik waga dogolik, humi aperek at uak de aga dogolik, inetaiken iniki nen huselilik wagoukha.

Lukas 7:32

It inebe yi inom tak-tak. Yekerugi pasar oba oko waganharekma hurek dogolik, inagarlak lak inom inane la'igik-wa'igik ekhe dogolik, Nit nen etai hit wasuogoluk isa ula'ogo mekeat he, hit ekaka igidegat. Nen de asuogoluk de wene erlo ula'ogo meke re, hit nen de ageidegat, iluk egarek iti hakene hagariogei o.

Lukas 8:52

Ukisukha hak, akhuni motok doalegat horlak etnogo warekma dogolik, uak de ageik, inetaiken warigik, hagakhunem ukisikhesik at Yesus nen, men yogeisasikhe, “De agup o. Horlak yi watlageidek noge iliogo,” iluk yogeisasikhemo,