Matius 11:13 - ALLAH ANE WENW KET MEKE WAROGO WOKNINAKHIKHE WENE

¹³ At Yohanes ebe aban wageidek werek korlek, wene Allah nen inasuk wakhikhe wene etnogo baga inom, Allah ane yogeisekhe lagoukha meke etnogo baga inom, yabokane hagatlasigin iti meke pakhogon yogeisekhe lagoukha etnogo

Matius 11:13 ပူးပေါင်းရင်းမြစ်များ

Matius 11:12

At Yohanes ima usa'isekhe laga iti hurli nen yogotak ya hurli, it inobabut weak inakla aga weak meke nen, nopase pogot oba meke apma 'bisekherek etnogo ina'it nen erlok degetduogoluk inobatnerogo walhiliogei.

Matius 11:14

hinetaikenma hutukhogon waganhep halok, at Elia ebe wisigin, iluk abok isukha etnogo, ebe Yohanes waga itiat o.

Lukas 24:27

Itithogon yogeisasikhesik nen, at ekaerek hasik Musa nen holal waganhikhe emenogo hurli nen logat, it ap Allah ane yogeisekhe lagoukha meke nen holal waganhukha emenogo, tha'bokhogonat hutukhogon pilinerogon yogeisasikhe.

Lukas 24:44

Nalok nen, it emenogo men yogeisasikhe, “An hit ninom dogolik yokhisekhe dogolik, An hagatnabugun meke holal Musa nen waganhik, ap Allah ane yogeisekhe lagoukha meke emenogo nen waganhik, it aperek nen buku Mazmur oba waganhik, holal waganogo 'bisukha iti tak-tagat, an arat hagatnabugun, iluk yokhisekhe lagei etnogo ebe arat hagatlaga yi o,” iluk,

La'isasikhe 13:27

Wene la'i aga meke iti, it akhuni o Yerusalem meke inougi koktek inom nenat, Yesus ebe hutdigidek. Hutdigidek dogolik, haganeat it ap Allah ane yogeisekhe lagoukha meke emenogo nen wene holal waganogo 'bisukha meke waganek werekma, sembayan hibiku-yogoku hagakhe dogolik etaga thalhunem inasuk holharek mekeat he, wene ebe hutdigidek. Itithogon hutdigidek dogolik, ukum Yesus oba 'biluk ebe wakhukha iti baga, wene haganeat isukha meke iti ebeat ageikhe iti.

Roma 3:21

Itithogon mekeat he, yogotak Allah nen, at ninom hunogo binanusak wene thelekmatdekhemo werek. Iti re, ninasuk wakhikhe wene iti hologo mothogon hagakhe lago nen, yabokane hunogo 'binageiluk isikhe 'buk. At he, nit ninetaiken Yesus Kristus oba hakotdisinem hunogo 'binageiluk isikhe o. Itithogon hunogo 'bisagein iluk abok, wene at nen ninasuk wakhikhe wene etnogo baga igik, at ane yogeisekhe lagoukha meke nen igik, isukha tak-tagat hunogo 'binageiluk isikhe. Iti re, nit akhuni tha'bokhogonat ninetaiken Yesus oba hakotdogorek meke hunogo tomok dek. Ninom tak-tagat hunogo 'binageiluk isikhe iti o.