Matius 11:11 - ALLAH ANE WENW KET MEKE WAROGO WOKNINAKHIKHE WENE

¹¹ Halok he, an nane eberogonat yokhisak. Akhuni tha'bokhogonat inagosa lak nen itaginabik wagoukha mekeat he, inetaga dek anek o. Mekeat he, at Yohanes ima usa'isekherek meke iti anek, etaga werek o. Itithogon mekeat he, nopase pogot oba meke apma 'bisekherekma etoma, at Yohanes etnogo etaga dek negen mekeat he, it akhuni aperek inetaga dek meke iti, inetaga werek negenat o.

Matius 11:11 ပူးပေါင်းရင်းမြစ်များ

Matius 11:10

At Allah nen men isikhe, Hat yabokane lanogoluk ap ageikhe hat hagolak ya'agekhe dogoagaluk, ayoko 'biluk alebageik la'igima o, iluk isikhemo holal waganogo 'bisukha iti ebe at Yohanes hasigat isikhe.

Matius 11:12

At Yohanes ima usa'isekhe laga iti hurli nen yogotak ya hurli, it inobabut weak inakla aga weak meke nen, nopase pogot oba meke apma 'bisekherek etnogo ina'it nen erlok degetduogoluk inobatnerogo walhiliogei.

Matius 3:1

Itithogon hagakhukhasik oba nen, at Yohanes ima usa'isekhe lageikhe meke etnogo, o Yudea limo akhuni dekma etoma wageikhesik wene yakulisekhe dogolik, yigithogon ekhe lageikhe,

Matius 3:11

Itithogon yogeisasikhesik ageikhe men yogeisasikhe, “Hit weak hagakhe lagap meke here'isalok hinobabut eberogonat hebelaga iluk, an nebe yekerek nobatne dek meke nen ima usa'inagakhe lagei. Meke re, at kok obatneak meke yabokane wisigin o. At ebe kok obatneak iti nen, an nebe yekerek meke nen isok agot ugu meke wolok lausak erlok dek o. At nen ima usa'inagu hak, Allah Agoreke inom, hetu inom, hinoba usa'isigin o.

Matius 5:19

Halok he, tha nen Allah nen isikhe meke herlekha'bugat meke opakiat thebelogo 'biluk, it aperek nen itithogon hagakhe dogoagaluk yakulisekhe halok, kok pogot oba meke apma 'bisekherekma etoma, at iti etaga yekerugi negen inakla meanetdekhe dogogun o. Meke re, tha nen Allah ane iti mothogon hagakhe dogolik, it akhuni aperek nen itithogonat hagakhe dogoagaluk yakulisekhe dogogin halok, kok pogot oba meke apma 'bisekherekma etoma, at etaga pogorat werekma kogotdekhe dogogin o.

Lukas 7:28

Halok he, an nen wene ageikhe yi yokhisak. Akhuni tha'bokhogonat inagosa lak nen itaginabik wagoukha mekeat he, inetaga dek anek. Mekeat he, Yohanes iti anek etaga werek o. Meke re, Allah apma 'biskherekma etoma, at Yohanes etaga dek negen werek mekeat he, it akhuni aperek inetaga dek meke iti inetaga werek negenat o,” iluk yogeisasikhe.

Lukas 9:48

it emenogo wene men yogeisasikhe, “Hit hinakerlekla yoma at etaga dek erlok dek meke itiat ebe kok etagapogot asigin iti nen, tha nen yekerek yi an nobasik waganhe halok he, an nebe woknabigin o. Nen, tha nen an woknakho halok he, at la'ani ageikhe meke etnogoat waganigin o,” iluk yogeisasikhe.

Yohanes 1:15

Wene at ebe hasik Yohanes nen men yogeisasikhe, “An noporlik yabokane ap ageikhe wisigin, iluk abok yokhisekhe lagei etnogo, ebe yiat o. At yi yabokane an noporlik waga meke re, ebe an aban itaklagidek werek korlek, at alebat welagaikhe iti nen, an nebe erlok dek o. Kok he, arat o,” iluk, ane kokhogon yogeisasikhe.

Yohanes 1:27

Ap iti ebe an noporlik yabokane wisigin meke re, at ebe motok kok. An nebe yekerek iti nen, at isok agot herle warek meke iti, an nen hisalusak erlok dek o,” iluk yogeisasikhe.

Yohanes 10:41

Etoma werekma, akhuni doalegat at oba wagoukhasik nen, men isukha, “At Yohanes nen elalin meke ageikhe hagakhe lageikhe motok dek mekeat he, at nen ap yi abok ekhe lageikhe etnogo ane ebeat ageikhe,” iluk isukhasik

Yohanes 3:30

Ap iti etaga kok asusak obaat etaga kogat ageik, an netaga dek asusak obaat, netaga dek ageik, hagasigin o,” iluk yogeisasikhe.

Yohanes 5:35

At Yohanes iti ebe re, isagal yibarlogo 'bisinem yakherek hak werekma, hit nen, Isagal yago ninoba 'bekhe dogoak iluk, elanma hasigat hinakla arleken akhekhe lagagip iti,

Yohanes 7:39

wene itithogon yogeisasikhe iti, akhuni inetaiken at oba hakotdegarek meke inebe dopok Allah Agoreke wogeisagein, iluk abok isikhe mekeat he, itinem, at Yesus ebe hogorakho korlek dageisikhe etnogo aban dageigidek nogo nen, Allah Agoreke aban usa'i ageidek werek korlek isikhe.

1 Korintus 15:9

Nit Yesus nen ninayoko 'biluk la'inanhikhe meke aperek inetaga werek mekeat he, an anek he, netaga dek o. An nen Allah a'buri natogokharek meke yi aik ti aik hagarinakhe lagagi iti nen, an nen, “Nebe Yesus nen nayoko 'biluk la'ani ageikhe meke,” iluk usak he, erlok dek o.

1 Korintus 6:4

Wene itithogon meke hinoba aga halok, pilinetdiluk wene hinoba 'bigik, kokhik, hagasuagaluk thani inayoko 'bekhe lagap. Nit Allah a'buri nen, “It iti inobabut weak,” iluk ogorek meke iti inayoko 'bekhe lagap a?

Efesus 2:3

Alebageik nit tha'bokhogonat nen it hagariogei hakeneat hagakhe lagagu. Ninobabut akhuni inobabut inikhogat dogolik hagakharek hagat, hagakhe dogolik, ninoba agaken dageisinem weak hagakhik, ninakla apalok weak hagakhik, hagakhe lagagu. Etanem he, akhuni inobabut inikhogat dogolik hagakharek meke ninom tak-tagat werekma, Allah akla aga dageiluk, weagatninabigiluk welageikhe.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

2 Timotius 1:10

Itithogon apasikhe meke limago werekma, yabokane Kristus Yesus tilninakherek meke ebe thelekma ageikhe iti baga ekagat ageikhe iti. At ane hano wene iti baga, watlariogei erlo iti erlok degetdigik, watlageidek niniluk motok dogogun meke iti, winametdigik, hagakhikhe.

1 Petrus 1:10

Ninebe tilninabigin wene iti, it alebat ap Allah ane yogeisekhe lagoukha meke emenogo nen wene iti hasigat herakhik, hinok waganhik, hagakhe lagoukha. Itithogon herakhe dogolik, Allah obabut hano etnogo nen, “Hano hagarinakhe dogogin,” iluk ebe hit hano hagathinabiogo iti hasigat aban werek korlek yogeisekhe lagoukha iti.