Matius 10:7 - ALLAH ANE WENW KET MEKE WAROGO WOKNINAKHIKHE WENE

⁷ 'Birisa laga dogolik, men yogeisilik lano o, Ninopase Allah pogot oba meke apma 'binanigin etnogo yogotak arat 'binanigin o, iluk, yogeisilik lano o.

Matius 10:7 ပူးပေါင်းရင်းမြစ်များ

Matius 10:8

It akhuni u warek halok hanorinakhik, watlageikha halok inilugurinakhik, u henako hakene inayuk meke inoba werek halok hanorinakhik, mokat inobabut weak meke inakla ukiluk werek meke mukhogo ula'isigik, hano hagarinabik nekhe dogono. An nen oko dek wokhisigi iti hagat, hit nen itithogonat oko dek wogeisilik lano.

Matius 11:1

It ap Yesus ane waganhe lagoukha meke inebe 12 emenogo inasuk itithogon warogo 'bisalok nen, akhuni inai ukul dopok horogat meke wene hano wene etnogo yakulisigik, inasuk wakhik, hagasigiluk, o ukul etoma nenat nekhe lageikhe.

Matius 21:31

Halok he, hit hinakla nen he, it ap inebe pere eta tha hak nen inopase akla apasikhe tak-tagat hagakhikhe apegep,” iluk, yogeisasikhemo it nen he, “Iti a'but magea meke iti nen hagakhikhe,” iluk yogokhukhama, at Yesus nen, “Halok he, an nen wene ageikhe eberogonat yokhisak. Hit aban werek korlek, it ap uang pemerintah hasik kino iluk natogokharek meke inom, humi yugunat hagarik nekharek meke inom, it iti tak Allah apma 'bisekherekma etoma ukugun o.

Matius 21:43

Hit he, Allah nen apma 'binagousak welagagip mekeat he, apma 'binagagin dek o. Hit hinobolukmo, o eken hano meke isu hak, it akhuni inukuloak etaga ninat meke nen, Allah akla apekherek meke mothogon hagakhe dogogun meke halok 'bisagein o. [

Matius 23:13

Itithogon yogeisasikhesik, it Allah ane holal waganek iteerek meke men, Farisi meke men, men yogeisasikhe, “Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit iti akhuni nopase pogot oba apma ukunogo iluk, hit nenat thu lakhe lagap yoma re! Hit hinekaerek ukigidek dogolik, it aperek ukuogoluk hagakhunem, hit nen, Ukusak dek o, iluk wene palhe lagap yoma re!

Matius 3:2

“At kok pogot oba meke apma 'bisagein etnogo yogotak arat 'binanigin. Halok he, yi weak ti weak hagakhe lagap meke here'isalok hinobabut hebelatni o,” iluk yogeisekhe lageikhe.

Matius 4:17

Dagei ageikhesik dogolik, hurli iti hurli nen, akhuni etoma yogeisekhe dogolik, “At kok pogot oba meke nen apma 'bisagein etnogo yogotak arat apma 'bisagein o. Halok he, weak hagakhe lagap meke here'isalok hinobabut hebelatni o,” iluk yogeisilik nekhe lageikhe.

Markus 6:12

It emenogo itithogon la'isasikhemo laga dogolik, akhuni men yogeisilik lagoukha, “Hit weak hagakhe lagap meke iti here'isalok hinobabut hebelatni o,” iluk yogeisilik nekhe dogolik,

Lukas 16:16

At Yohanes ima usa'isekhe lageikhe meke etnogo aban wageidek werek korlek, wene Allah nen ninasuk wakhikhe meke etnogo men, it Allah ane yogeisekhe lagoukha wene etnogo men, wene itiat kok welageikhe. Meke re, at Yohanes wageikhe iti hurli nen, hano wene Allah nen apma 'bisekherek wene etnogo yogeisilik lagunem, akhuni tha'bokhogonat nen wene waganuogoluk inobatnerogon hathani motok ukiriogei.

Lukas 9:2

Itithogon hagarinakhikhesik, it nen Allah apma 'bisagein wene etnogo yogeisigik, u warek meke hano hagarinakhik, hagarinabik loagaluk la'isasikhe.

Lukas 9:6

it agarumi emenogo lagoukha. Laga dogolik nen, o etoma o ukul dopok hano wene etnogo yogeisigik, o ya ta u hano hagarinakhik, hagarik lagoukha.

Lukas 9:60

Itithogon yogokhikhemo, at Yesus nen, men yogokhikhe, “It akhuni warek meke halok, it akhuni inebe warek meke hakene werek iti nenat thalinakhe dogoak nen, hat Allah apma 'bisekherek wene iti, o yi ai ti ai yogeisilik nekhe dogono o,” iluk yogokhikhe.

Yohanes 3:2

Nen, ap iti o hibako iniki ageikhe baga Yesus oba wageikhesik nen, men yogokhikhe, “Noe. Ap ageikhe Allah ipisak hunik dek halok he, hat nen elalin meke hagarik nekhe lagan iti hak, hagasusak motok erlok dek. Iti nen, hat nen wene yakulnisoagaluk Allah nen la'agei agama wagan iluk ninilu aga,” iluk yogokhikhe.

La'isasikhe 10:25

Wagoukhasik nen, at Petrus ebe uma ukigiluk hagakhunem, at Kornelius nen at ebe waganhikhesik itibagal yukukhogon Petrus apma thoma iluk hogorakhikhe.

La'isasikhe 28:31

Itithogon woginakhunem, it aperek nen wenagakhidek werek korlek, at ayuk dek pakhogonat wene Allah nen apma 'bisekherek wene etnogo yogeisigik, ninoe Etagapogot Yesus Kristus hagakhe lageikhe wene etnogo yakulisigik, ekhe lageikhe.

La'isasikhe 4:2

Wagoukhasikmo, it Petrus Yohanes ipisak nen wene akhuni yakulisekhe dogolik, “Yesus watlagasik iluk aga iti, akhuni watlageikharek meke inilugurinabiginat o,” iluk yogeisekhe lagoukha iti nen, it ap emenogo inakla aga dageisikhe.