Matius 10:41 - ALLAH ANE WENW KET MEKE WAROGO WOKNINAKHIKHE WENE

⁴¹ Nen, tha nen, Ap yi Allah ane yogeisekherek meke, iluk ebe waganigin halok he, it ap Allah ane yogeisegarek meke oko horlegarek tak-tagat horlagein o. Nen, Ap yi mothogonat hagakherek meke, iluk ebe waganigin halok he, it mothogon hagakharek meke oko horlegarek tak-tagat horlageinat o.

Matius 10:41 ပူးပေါင်းရင်းမြစ်များ

Matius 16:27

An abat itaklasi agagi etnogo re, yabokane nopase hogorakho motok welageikharek iti hagat, hagalatluk, it malaikat Allah nen pogot oba nen yoko usa'isa agarek meke emenogo ninom witluk nen, itinem, akhuni tha'bokhogonat inobabut dopok hagakharek meke tak-tagat oko wogeisasigin o.

Matius 25:44

Itithogon yogeisugunem, it nen, Eiye! Noe! Hat hipiri abu werekma, i abu werekma, ap huso werekma, hasu ugu dek werekma, u warek werekma, hiki herle warek werekma, o meranem yomakhiigidek kamotdagasugu nogo, iluk yoknisugunem,

Matius 25:45

an nen, Dek o. Hit nen akhuni ageikhe inetaga dek meke werekma hinobakhanini thogotdisekhe lagagip iti re, anat thogotdanhe lagagip o, iluk yogeisalok nen,

Matius 6:1

Itithogon yogeisasikhesik, ageikhe men yogeisasikhe, “Allah nen, Itithogon hagakhe dogono, iluk isikhemo, hit nen mothogon hagakhe lagap meke iti, akhuni nen inileken hisekhe dogoagaluk thelekma hagakhe dogogup o. Inileken hisekhe dogoagaluk hagakhep halok he, hinopase pogot oba meke nen oko wokhisagein motok dek o. Hinakla ebetni!

Matius 6:4

Limago wogeisaumo, hinopase Allah pogot oba meke akhuni limago hagakharek meke ileken hisekherek iti nen oko wokhisageinat o,” iluk yogeisasikhe.

Matius 6:6

Meke re, hit he, sembayan uogoluk halok he, hinaila thu larogo ukiluk, hinopase Allah pogot oba meke ebe inileken hegarek dek meke etnogo nen wokhisoagaluk kino yogokhe dogono. Hit nen limago kino yogosugun meke iti, at nen ileken limago meke 'bikhekherethekma nogo nen, wokhisagein o.

La'isasikhe 16:15

Wene itithogon waganhikhemo at ebe men, it akhuni at aila opakimo welagoukha meke men, ima usa'isasukha. Usa'isasukhama, at he Lidia nen, “An nobasik hit hinakla nen, At etaiken ninoe Etagapogot oba eberogonat hakotdekhe higi, iluk hinakla apegep halok he, an ninom dogouok nen, ninom luok o,” iluk ane obatnerogon yoknisasikhemo ninom lagagu.

Roma 16:23

At Gayus nen an nebe woknakhik, Allah a'buri tha'bokhogonat woginakhik, hagakhe meke iti nen heagei wathinakheat o. At Erastus o ukul kok yoma hasik uang bisinem hago welagarek meke iti nen heagei wathinakheat o. Nen, ninagarlak Kwartus nen heagei wathinakheat o. [

1 Korintus 9:17

An itithogon yogeisilik nekhe lagei iti, an nakla nen kagalogo yogeisilik nekhe dogolema, niki oko woknikhunem, waganhe dogole o. Meke re, an nakla nen kagalhidek werekma, Allah nen nayoko 'biluk iteerek 'banhikhe iti nen oko dek yogeisilik lagarek iti.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

2 Yohanes 1:8

Nen, nit nen hit hagatdinagakhe lagagu etnogo hasik, hit aperek oko waganhidek nuk asunogo iluk, tha'bokhogonat waganubageik nen he, hinobabut hebelogo dogono o. Dogolik Allah nen, “Hit oko wokhisagein,” iluk wene abok yoknisasikhe etnogo, hit aperek nuk ageidek tha'bokhogonat horlobageik nen, hinobatnerogon hagakhe dogono o.