Matius 10:4 - ALLAH ANE WENW KET MEKE WAROGO WOKNINAKHIKHE WENE

⁴ Simon, “O Kanaan yoma ninaierek meke anek dogouok,” iluk ekhe lageikhe etnogo inom, Yudas Iskariot Yesus wasuagaluk yabokane yoko lageikhe meke etnogo inom, inetaga eta.

Matius 10:4 ပူးပေါင်းရင်းမြစ်များ

Matius 26:14

At Yesus nen wene itithogon yogeisasikhemo, at agarumi ane waganhe lagoukha meke inebe 12 emenogo meke, ageikhe etaga Yudas Iskariot etnogo, it ap Allah iteerek meke inougi koktek emenogo inoba lageikhesik nen,

Matius 26:15

“An nen Yesus iti wokhisigi halok he, hit nen oko nena meke woknesugun apegep,” iluk yogeisasikhemo, it ap emenogo nen he, “Oko uang perak meke 30 wokhesugun o,” iluk yogokhukhasik nen, wogokhukha.

Matius 26:2

“Niniki pere dogoluk nen pesta Paskah hagasugun iti hit hiniluat o. Itithogon hagakhe korlek, an abat itaklasi agagi etnogo, ap nen yoko lalok it aperek nen o baga meldaniluk nasuagaluk inikimo 'banugun o,” iluk yogeisasikhe.

Matius 26:47

Yesus nen, “Horogat waga ithi,” iluk ekhe korlek, eranogoat, at Yudas, ebe Yesus agarumi inebe 12 emenogo meke yoko lageikhemo, it ap Allah iteerek meke inougi koktek emenogo inom, it ap inarluetek emenogo inom nen, it ap inebe doalegat inayoko 'biluk la'isa agoukhama, karok men, payuk men, wolok inebe motok doaldiluk inom wagoukha.

Matius 27:3

Yesus itithogon wene oba 'biluk eberogonat wasuogoluk hagakhe korlek, at Yudas nen wasuagaluk yoko lageikhe meke etnogo ileken hisasikhesik akla nen, “An weak hagakhi o,” iluk obabut hebelageikhe. Obabut hebelageikhesik nen, oko uang perak meke 30 wogokhukha etnogo yabokane apuke wogeisagaluk, it ap Allah iteerek meke inougi koktek meke emenogo inom, it ap inarluetek emenogo inom, werekma wogeisa ageikhesik wogeisekhe dogolik, men yogeisasikhe,

Markus 14:10

At Yesus wene itithogon yogeisasikhemo nen, at agarumi inebe 12 emenogo meke, ageikhe at Yudas Iskariot etnogo, Yesus wasuagaluk yoko it ap Allah iteerek inougi koktek emenogo inoba lageikhe.

Markus 14:43

“Horok ithi waga ithi,” iluk isi korlek eranogoat it ap Allah iteerek meke inougi koktek emenogo men, Allah ane holal waganek iteerek meke emenogo men, inarluetek emenogo men, inom nenat, ap opaki doalek la'isa agoukhama, karok wolok, payuk wolok, Yesus agarumi inebe 12 emenogo meke ageikhe at Yudas etnogo nen oporlik wogosik wageikhe.

Lukas 22:3

Itithogon abok palhe korlek, it Yesus agarumi inebe 12 oba emenogo meke, ageikhe etaga Yudas Iskariot etnogo akla Iblis ukisikhe.

Lukas 22:47

At Yesus nen itithogon isi korlek eranogoat, at agarumi inebe 12 emenogo meke ageikhe etaga Yudas etnogo, yoko lageikhesik nen ap doalegat wogosik wageikhesik nen, at tak Yesus ape tharluk heagei wasigiluk, oba wageikhe.

Yohanes 13:2

Dogolik, at agarumi emenogo inom o hibako hipiri opakimo nukunem, Yudas Simon Iskariot a'but etnogo, akla Iblis ukisikhesik nen, Yesus ebe wasuak nen, “Yoko lan o,” iluk akla kagalhikhe.

Yohanes 6:64

Wene iti baga inilugurinakherek mekeat he, hit hetnake yoma eberogonat iluk hinetaiken an noba hakotdigidek welagap higi,” iluk yogeisasikhe. Itithogon yogeisasikhe iti, it aperek inetaiken at oba hakotdigidek meke inom, at ageikhe nen Yesus ebe wasuagaluk yoko ligin meke inom, it ap iti itithogon hagasugun, iluk at keram nenat ilu welageikhesikmo nogo nen, wene itithogon yogeisasikhe iti.

Yohanes 6:71

Wene itithogon isikhe iti, ap Yudas, Simon Iskariot a'but hasigat isikhe. At ap iti ebe Yesus agarumi inebe 12 emenogo mekeat he, yabokane Yesus ebe wasuagaluk yoko lageikhe iti meke hasik isikhe iti.

La'isasikhe 1:13

Uki agoukhasik, uma etoma ukisukhasik nen, o henaipu welagoukhama etomaat dageisukhasik welagoukha. It iti inebe Petrus men, Yohanes men, Yakobus men, Andreas men, Filipus Tomas ipisak men, Bartolomeus Matius ipisak men, Alfeus a'but Yakobus iti men, Simon, “O yoma ninaierek meke anek dogogun,” iluk ekhe lageikhe meke iti men, Yakobus a'but Yudas iti men, inom welagoukha.