Matius 10:3 - ALLAH ANE WENW KET MEKE WAROGO WOKNINAKHIKHE WENE

³ Filipus Bartolomeus ipisak inom, Tomas Matius pemerintah hasik uang kino ilik waganhe lageikhe meke etnogo ipisak inom, Alfeus a'but Yakub Tadeus ipisak inom,

Matius 10:3 ပူးပေါင်းရင်းမြစ်များ

Matius 18:17

Laumo nen, it iti inane asuk holhidegat halok he, Allah a'buri inebe natogorlek werekma yogeisa lano. Yogeisa laumo it Allah a'buri inebe tha'bokhogonat emenogo inane asuk holhidegat halok he, at iti hinagarlak hineru mekeat he, it uang pemerintah hasik kino iluk waganharek meke ina'it meke hakene itikmanke meke arat hagatlaga o, iluk apano,” iluk yogeisasikhe.

Matius 27:56

It humi eta ageikhe Maria ai Magdala meke. Nen, ageikhe, Yakobus Yusuf ipisak inagosa Maria etnogo. Nen ageikhe, Zebedeus a'buri inagosa etnogo inom, humi aperek inomat welagoukha.

Matius 9:9

At Yesus o etoma thogotdiluk laga dogolik, ap ageikhe etaga Matius, kantor uang pemerintah hasik kino iluk waganhe lagoukhama hurek werekma, ileken halok, “Noporlik eme o,” iluk yogokhikhemo, melageikhesik oporligat lageikhe.

Markus 15:40

Itithogon hagakhe korlek, it humi aperek he Maria ai Magdala meke, ageikhe, he Maria at ap Yakobus elege meke men, Yoses men, inagosa, ageikhe he Salome, humi aperek inomat inebe walegat nen inileken lageik welagoukha.

Markus 2:14

Wene yakulisalok laga dogolik nen, ap Lewi, Alfeus a'but, kantor uang pemerintah hasik kino iluk waganhe lagoukhama hurek werekma ileken hasikhe. Ileken halok nen, “An noporlik eme o,” iluk yogokhikhemo, melatluk oporlik lageikhe.

Markus 3:18

Andreas men, Filipus men, Bartolomeus men, Matius men, Tomas men, Alfeus a'but Yakobus men, Tadeus men, Simon, “O yoma ninaierek meke anek dogouok,” iluk ekhe lageikhe meke etnogo men,

Lukas 18:10

“Ap inebe pere meke sembayan uogoluk, Allah ai halekma uki lagoukha. Ap ageikhe, Farisi meke. Nen, ap ageikhe, pemerintah hasik uang kino iluk natogokherek meke.

Lukas 18:11

Ipisak uki lagoukhasik nen, ap Farisi meke etnogo asokne hekhogon melasi lageikhesik sembayan ekhe dogolik, men isikhe, Allah nopase o! An nobabut akhuni tha'bokhogonat inobabut hakene dek o. It akhuni yugunat iniki abusak waganharek meke men, korlo hagakharek meke men, humi param hagarinabiogei meke men, ap pemerintah hasik uang kino iluk natogokharek meke yi men, inobabut iti hakene, an itithogon motok dek nogo nen he, heagei wathakhe lagei o.

Lukas 18:13

at ap pemerintah hasik uang kino iluk natogokherek meke etnogo anek he, ebe walegat metek dogolik uroak usageik ileken pogot oba liakhigidek ayukhogon dogolik, iki nen etaiken huselekhe dogolik, men isikhe, Allah nopase o! An weak hagakherek meke yi, hakmu nean o, iluk yogokhikhe.

Lukas 19:2

ap ageikhe etaga Zakeus uang pemerintah hasik kino iluk natogokhe lagoukha meke inoe kok dogolik ameke doalegat welageikhe.

Lukas 5:27

Itithogon hagatluk, at Yesus o etoma nen dukhiluk holak laga dogolik ileken lakhasikhe meke, ap ageikhe uang pemerintah hasik kino iluk waganherek meke ageikhe etaga Lewi iti, kantor uang pemerintah hasik waganharekma hurek werekma ileken hasikhe. Etoma werekma ileken halok nen, “Noporlik eme o,” iluk yogokhikhe.

Yohanes 1:48

at Natanael nen, “Eiye! Noe. An hagakherek meke nobabut nikithogon nen hilu agama o?” iluk oba hinok waganhikhemo, at Yesus nen, men yogokhikhe, “Nagot. Filipus nen hat aban wahikhidek werek korlek, hat hebe o ara erloma hurek welagan etnaga, an tak nileken hiigi o,” iluk yogokhikhemo,

Yohanes 11:16

Itithogon yogeisasikhemo, ap etaga Tomas igik, Hulupmio Meke igik, ekhe lagoukha iti nen, agarlak lak Yesus agarumi ebetlake emenogo men yogeisasikhe, “At Yesus ninomat watlasuok nen, usauwok nen witni o,” iluk yogeisasikhe.

Yohanes 14:22

ap Yudas Iskariot etnogo 'buk. At he, Yudas ninat meke ageikhe nen, men yogokhikhe, “Noe.Hat hebe hutdaguagaluk, akhuni tha'bokhogonat yakulisigidek, nit anek yakulnisagein iti nenaluk nen,” iluk yogokhe lageikhemo,

Yohanes 14:5

at Tomas nen, men yogokhikhe, “Noe. O hat liginmo iti ninokodekma, holak iti nikithogon nen ninilu asusak o,” iluk yogokhikhemo

Yohanes 14:9

at Yesus nen, men yogokhikhe, “Filipus nagot o. An o haganeat eloma nenat ninom welago mekeat he, hat nen an nebe hutdanhidek welaganma higi, e a? At tha nen an ileken neekhe iti, an nopaseat ileken hekhe o. Itithogon mekeat he, hat nen, Hopase iti yakulnisan o, iluk egen iti nikithogon nen egen.

Yohanes 21:2

Iniki ageikhe itinem, at Simon Petrus etnogo men, Tomas etaga ageikhe Hulupmio Meke etnogo men, Natanael ai o Galilea eloke o ukul etaga Kana meke men, Zebedeus a'buri men, Yesus agarumi inebe pere meke men, natogokhukha.

La'isasikhe 1:13

Uki agoukhasik, uma etoma ukisukhasik nen, o henaipu welagoukhama etomaat dageisukhasik welagoukha. It iti inebe Petrus men, Yohanes men, Yakobus men, Andreas men, Filipus Tomas ipisak men, Bartolomeus Matius ipisak men, Alfeus a'but Yakobus iti men, Simon, “O yoma ninaierek meke anek dogogun,” iluk ekhe lageikhe meke iti men, Yakobus a'but Yudas iti men, inom welagoukha.

La'isasikhe 12:17

Hogorakhunem, at nen, “Hinane ugup o,” iluk iki lia'isikhe. Iki lia'isikhesik nen, “Niki herle warek werekma, ninoe Etagapogot nen hisalogo ula'ani agama wagei o,” iluk wene pilinerogo yogeisasikhe. Itithogon yogeisasikhesik nen, “Yakobus men, ninagarlak lak nerugi Allah a'buri aperek men, wene yi yogeisa lano,” iluk yogeisalok nen, at ebe o nekalokma lageikhe.

La'isasikhe 15:13

Wene arat 'bogokhogon yogeisasukhama, at Yakobus nen men yogeisasikhe, “Ap yirani. Nagarlak lak. An wene igin yi hinasuk holini.

La'isasikhe 21:18

Itithogon wokninakhukhama, hubenke at Paulus ninomat, at Yakobus 'bikhauwogoluk ukisugu hakene, it ap Allah a'buri therisik welagoukha meke inebe tha'bokhogonat inom werekma ukisugu.

Galatia 1:19

Dogolik, it Yesus nen inayoko 'biluk la'isasikhe meke emenogo inebe aperek ninom abuk ageidek. Ninoe Etagapogot agot Yakobus etnogo anek nipisak abuk agagu.

Galatia 2:9

Itithogon hutdinanhukhasik nen, it Yakobus men, Petrus men, Yohanes men, Allah a'buri nen, “Nit ninougi it werek,” iluk egarek meke nen, “Hit nen, wene akhuni itikmanke meke yogeisilik lano. Nen, nit nen akhuni Yahudi meke inobasik yogeisilik lugun. Ninom tak-tak hagakhe dogouok,” iluk nen, Barnabas nipisak niniki hak-hak heagei watninakhukha.

Yakobus 1:1

An Yakobus ninopase Allah ninoe Etagapogot Yesus Kristus ipisak inatuaneke etnogo nen, wene yi hit hinukuloak etaga 12 oba nen yi ai ti ai thirlik-pirlikhogon lalok welagathep meke tha'bokhogonat hinoba la'i agei. Nagarlak lak nerugi.

Yudas 1:1

An Yudas, Yakobus agot, Yesus Kristus atuaneke etnogo nen, hit wene yi holal waganogo hinoba la'i agei iti. Nagarlak lak nerugi. Allah nenat hinayoko 'bisikhesik hinebe akmu dogolik, Yesus Kristus hasik thethisik werek iti.