Matius 10:23 - ALLAH ANE WENW KET MEKE WAROGO WOKNINAKHIKHE WENE

²³ O ukul ageikhe nen weagathinabuogoluk hagakho halok he, lo o ukul ageikhe lano. It akhuni Israel meke inai ukul ebetlake aban wene yogeisigidek werek korlegat, an abat itaklasi agagi etnogo yabokane wisigin o, iluk, nane eberogonat yokhisigi.

Matius 10:23 ပူးပေါင်းရင်းမြစ်များ

Matius 16:27

An abat itaklasi agagi etnogo re, yabokane nopase hogorakho motok welageikharek iti hagat, hagalatluk, it malaikat Allah nen pogot oba nen yoko usa'isa agarek meke emenogo ninom witluk nen, itinem, akhuni tha'bokhogonat inobabut dopok hagakharek meke tak-tagat oko wogeisasigin o.

Matius 16:28

Nen, hit metek welagap yoma meke hinebe aperek watlageidek dogolik, an abat itaklasi agagi etnogo kok Netagapogot dogeigiluk akhuni tha'bokhogonat napma 'bisa agunem hinileken neagunat o, iluk eberogonat yokhisigi,” iluk yogeisasikhe.

Matius 2:13

It ap husagal inileken nen wolok wagoukha meke emenogo arat lagoukhama, hibako Yusuf noge isinem malaikat Allah nen pogot oba la'i ageikhesik, a'bi baga men yogokhikhe, “Yusuf. Hat he, elege itago iti agosa ipisagat wogosik, o Mesir etoma lo lan o. Lalok nen, etomaat dogono. Etoma werekma an nen yokhikhi halogat wetno. At ap kok Herodes etnogo nen elege itago iti wasigiluk hagariogo o,” iluk yogokhikhemo a'bi hasikhe.

Matius 23:34

Halok he, hinasuk hanorogo holini. An nen ap Allah ane yogeisegarek meke inom, inakla kagalek meke inom, Allah ane holal waganek iteerek meke inom, la'isasigin meke iti, hit nen ebetlake o baga meldisalok inakhik, ebetlake o hit sembayan egethepma ukiluk tugi wiik-weakhogon inakhik, ebetlake sikhogo-mukhogo o kota ageikhe nen o kota ageikhe la'isigik, hagarinabugun o.

Matius 23:36

Hit yogotak welagap meke yi, ukum yi tha'bokhogonat hit hinoba akin dogogin o, iluk, eberogonat yokhisigi o,” iluk yogeisasikhe.

Matius 24:27

Iti re, an abat itaklasi agagi etnogo wisigin he, o yabok o mo dagei agarekma eloma nen opaki hasigat yegethasinem, o mo ukekherekma yibakha lagarek iti hak wisigin o,” iluk itithogon yogeisasikhesik,

Matius 24:30

Itithogon hagakhe korlek, an abat itaklasi agagi etnogo arat wisigin iluk, akhuni inetaiken ekerlogo hutduagaluk pogot oba ageikhe hagatlatluk oba nen, akhuni inukuloak etaga dopok deku makhe korlek nobatnerogonat oisa akla usa'agunem, inileken nealok kokhogonat hogotnabugun o.

Matius 24:34

Yigithogon hagatlasigin, itithogon hagatlasigin, iluk yokhisigi iti, akhuni o yogotak werek meke inebe aperek dek ageidek aban werek korlegat ebe tha'bokhogonat hagatlasigin o, iluk, eberogonat yokhisigi.

Matius 24:48

Mekeat he, at atuaneke meke iti, obabut weak halok he, akla nen, Noe etnogo ibat wiriogo dek. Dogoluk nen wisigin higi, iluk,

Matius 25:13

Yesus nen itithogon yogeisasikhesik nen, “Iti hak, an wisigin iti, hit nen, O itinem jam iti baga wisigin iluk, hinokodek iti nen thetnarik dogolik hinobabut hebelogo dogono o,” iluk yogeisasikhe.

Matius 26:64

at Yesus nen, “Hat nen egen itiat o. Meke re, an ageikhe yokhisak. Hurli yogotak nen, an abat itaklasi agagi etnogo, at Allah obatne horleak yi meke ti meke hagasusak anek etnogo nipisak alilu iki ebeke kogat hurek dogoluk nen, yabokane pogot oba etoma nen oisa aklake usa'agunem hinileken neagun o, iluk yokhisigi,” iluk yogokhikhemo,

Matius 4:12

“At Yohanes etnogo iki herle wakhama,” iluk isukhama, at Yesus asuk holhikhesik nen, o Galilea eloke dagei ageikhe.

Markus 13:26

Itinem an abat itaklasi agagi etnogo nobatnerogonat oisa akla usa'agunem, akhuni inileken nealok, motok hogotnabugun o.

Lukas 18:8

Dek o. Ibarat inirlirli woginabigin o, iluk eberogonat yokhisigi. Itithogon hagarinabigin mekeat he, an abat itaklasi agagi etnogo yabokane witluk nen, akhuni agat oba meke yoma aperek inetaiken noba hakotdiluk werekma hisa isigin a? Dek a,” iluk yogeisasikhe.

Lukas 21:27

Itinem an abat itaklasi agagi etnogo nobatnerogon oisa akla usa'agunem, inileken nealok motok hogotnabugun o.

Yohanes 7:1

Wene itithogon arat yogeisasikhesik nen, it ap koktek Yahudi meke nen, Yesus ebe wasuogoluk abok palhe lagoukha iti nen he, at ebe o Yudea usalok nekhe dogou a'it nen, o Galilea eloke etoma nekhe lageikhe.

La'isasikhe 17:10

Itithogon ula'isasukhama, o hi ageikhemo, it Allah a'buri nen Paulus Silas ipisak o Berea la'isa agoukha. La'isa agoukhama wagoukhasik nen, o akhuni Yahudi meke sembayan ekhe lagoukhama ukisukha.

La'isasikhe 17:14

Itithogon hagakhunem, Silas Timotius ipisak, o etoma huk aga korlek, it Allah a'buri emenogo nen, Paulus anek, “Ibat lano,” iluk wolok i laut kok yekelek aliluke wagoukha.

La'isasikhe 20:1

O kota Efesus inane kogat thagalhe lagoukha etnogo dek ageikhemo, at Paulus nen, it akhuni Yesus ane waganhukha meke waisalok nen inasuk wakhikhe. Inasuk warogo heagei warinabiluk nen, ebe o propinsi Makedonia wageikhe.

La'isasikhe 8:1

At Stefanus ebe motogat wakhukha iti, at Saulus akla nen hano apasikhe. At Stefanus ebe wakhukha itinemat, it Allah a'buri o Yerusalem natogokhe lagoukha meke inebe yi aik ti aik weakhogon hagarinakhe korlek, it ap Yesus nen inebe inayoko 'biluk la'isasikhe meke emenogo anek, o Yerusalem werek korlek, Allah a'buri aperek inebe doalegat meke emenogo tha'bokhogonat lo o propinsi Yudea Samaria ya ta etoma thirlik-pirlikhogon ula'isasukha.