Matius 10:22 - ALLAH ANE WENW KET MEKE WAROGO WOKNINAKHIKHE WENE

²² Nen, akhuni tha'bokhogonat nen an netaga ilik, Hit at agarumi, iluk ina'it motok hisagun o. Mekeat he, tha nen etaiken thebekhogon obakhanini hapugutdiluk dogogin halok he, o ilugun hurli baga, Allah nen tiligin o.

Matius 10:22 ပူးပေါင်းရင်းမြစ်များ

Matius 10:39

Tha nen ekaerek ebe irlirli horlagein halok he, ebe watlatluk nuk akhagein o. Meke re, tha nen an nobasik watlasigin halok he, ebe irlirli horlagein o,” iluk yogeisasikhe.

Matius 24:13

Mekeat he, tha nen etaiken thebekhogon obakhanini hapugutdiluk motok dogogin halok he, o ilugun hurli baga Allah nen tiligin o.

Matius 24:9

Itinem he, it akhuni inukuloak etaga tomok nen, an netaga ilik, Hit he, at agarumi, iluk hinebe ina'it motok hagathinakhik hinebe hakhinabiluk, it aperek nen tugi hinakhik, hinebe motok hinakhik, hagasuagaluk inoba wokhisik laga dogogun o.

Matius 5:11

Hit aban werek korlek, haganeat it ap Allah ane yogeisekhe lagoukha meke weagarinakhe lagoukha hagat, hit an nebe hasik, it akhuni aperek nen wenakhisigik, weagathinakhik, inekalat nenat hinabok palhe dogolik, yi weak ti weak hinoba 'bigik, hagakho halok he, hinakla arleken akhekhe dogosagat o. Yabokane ninopase pogot ona meke nen oko kok meke woknisagein iluk, hinakla hano ageik, hinakla arleken akhigik, kokhogon hagakhe dogono,” iluk yogeisasikhe.

Markus 13:13

Nen, akhuni tha'bokhogonat nen an netaga ilik, Hit he, at agarumi, iluk hinebe ina'it motok hisagun o. Mekeat he, tha nen etaiken thebekhogon obakhanini hapugutdiluk dogogin halok he, o ilugun hurli baga Allah nen tiligin o,” iluk yogeisasikhe.

Lukas 21:17

Nen, it akhuni tha'bokhogonat nen, an netaga ilik, Hit at agarumi, iluk hinebe ina'it motok hisagun.

Lukas 21:19

Halok he, hinetaiken hapugutdakhalok nen, hinakla pukhogonat dogogun iti baga hinoado tilhinabigin o,” iluk yogeisasikhe.

Lukas 6:22

Nen, it ap yoma inopa lak nen, it ap alep Allah ane yogeisekhe lagoukha meke hagarinakhe lagoukha hagat, hit yogotak an abat itaklasi agagi etnogo nane waganhep iti nen ina'it motok hisekhe dogolik, hit anek kolelogo 'binagagik, inane puk weak wenageisigik, Ap yi weak, iluk hinetaga ekhe dogolik hinabok weak palhik, itithogon hagathinakho halok, oko wokhisagein meke pogot oba doalegat werek iti nen, hinakla arleken akhekhe dogolik hologot hilik hilik etai warekhe dogono.

Lukas 8:15

Nen, agat hanoma usa'isikhe iti ebe re, it akhuni aperek hano wene iti inasuk holharethek nen, inetaikenma motok hutukhogon horlegarethek here'isigidek hago motok dogolik, eken motok doalegat ikherek itiat o,” iluk yogeisasikhe.

Yohanes 17:14

Hat hane etnogo it arat yogeisigi o. Nen, an nebe akhuni agat oba meke yoma inagot dek iti hak, it itithogonat inebe akhuni agat oba meke inagarumi dek iti nen, it akhuni agat oba meke nen ina'it motok hagarinabiogei o.

Yohanes 7:7

It akhuni agat oba meke nen hit halok he, ina'it motok, hagathinabiogei dek mekeat he, an nen, It hagakharek iti weak motok, iluk egerek iti nen, anat ina'it motok hagatnabiogei o,” iluk yogeisasikhesik,

La'isasikhe 9:16

Itithogon ayoko 'bigirikmo at nen netaga itithogon yogeisilik nukhunem, at yi aik ti aik hekhe dogosak obaat hekhe dogogin meke, an nen yogosigin werek o,” iluk yogokhikhe.

Roma 2:7

At Allah nen, it akhuni aperek nen inebe hogorinakharek meke men, inalon halinakharek meke men, hirli agarek dek meke men, ite asuogoluk ina'it ageidek dogolik inobabut mot hagakharek meke, inebe iniluk motok dogoagaluk hagarinabigin.

2 Korintus 4:11

At Yesus watlageikhesik iluk ageikhesik nit ninebe watlagorek meke yi ninakla iluk welagarek iti ekagat asuagaluk, nit yogotak niniluk werek korlek, at Yesus hasik hibiku-yogoku ninasuogoluk hagakhunem tilninakherek iti.

Galatia 6:9

Halok he, ninobatne dek ageidek hano meke hagakhe dogogun halok he, yi meke ti meke ya'iluk morat asi lagunem, ebe palharek hak, yabokane ilugun oba ebe hano meke horlagun iti nen, nina'it ageidegat hagakhe dogouok o.

Ibrani 3:14

Itithogon hagakhe dogolik, ebekeram ninetaiken at oba hakotdisugu meke itiat, niniki nomokhogon herogo werekma, hurli ilugun oba hago dogogun halok he, nit Kristus agarlak lak erugi agosik welago o.

Ibrani 6:11

Nagarlak lak nerugi. Nit ninakla warlok he, hit hinakla nen, “Allah nen nit hanotninabigin,” iluk hinakla arleken akhekhe lagap meke itiat akhekhe dogoluk, hurli ilugun oba iteerek asubageik nen, hagakhe lagap iti hagat, hinebe tomok hinobatnerogon hagakho motok dogosak warlok apekhe lago o.

Yakobus 1:12

Hit aperek yi akin ti akin hinoba aga korlek, hinobakhanini hapugutdiluk dogogun halok, hinakla arleken akhekhe dogono o. Itithogon hinobakhanini hapugutdiluk dogogun halok, Allah nen he, “An nebe hinakmu meke hiniluk motok dogogun meke wokhisagein o,” iluk, abok yoknisasikhe etnogo hit hinobabut palogo nenat wokhisagein o.

1 Yohanes 3:13

Halok he, nagarlak lak nerugi o. Akhuni agat oba meke nen, hit ina'it motok hagathinakho halok he, “Nayuk o,” iluk hinelabut hikhup o.

A'bikaka 2:10

At Iblis nen hit hinakla kagaluagaluk, ap hit meke ebetlake iniki herle warogo 'bisamo, iniki 10 baga nen yi aik ti aik hekhe dogogun iti re, hinayuk agup o. Yi aik ti aik itithogon hagathinakho korlek, hinetaiken an noba hakotdiluk, an ninom hunik werekma watlasugun halok he, tha nen ae a'busuk weak tha nen ae a'busuk weak lagunem, it inobatne ageikharek meke oko kare-kare mitago wogeisegarek iti hak, oko naburlal-haburlal hagathinabigin o.

A'bikaka 2:17

Nen, wene yogeisigi iti, Allah Agoreke nen it Allah a'buri o yi ai ti ai natogokharek meke yogeisiliogo iti, hinasuk holusak halok he, hanorogon holino o. Tha nen obatne asigin meke halok he, hipri etaga manna aburarek meke melagakhik, etaga ket meke thalogo helekit kut meke baga holal waganogo wogokhik, hagasigin o. Etaga waganek iti it aperek inokodek. At etaga holal waganek horlagein meke iti anek ilu asigin meke wogosigin, iluk tha'bokhogonat yogeisigi meke iti, holal waganogo inoba la'ino,” iluk yoknekhe.

A'bikaka 2:26

Tha nen an warlok meke hagakho motogat hurli o ilugun oba obatne asi ligin halok he, an nopase nen akhuni inukuloak etaga dopok, an nen hagasik dogoagaluk meldaniluk ite danhikhe iti hak, at obatne asi ligin meke iti itithogonat hagasik dogoagaluk meldiluk iteerek 'bumo, akhuni nen thegerluk pisue omaken meke baga isoak agat a'bet weak meke tamuk-tamakhogon hagakharek iti hak, at ane obatne baga yogeisekhe dogolik, hagasik dogogin o.

A'bikaka 2:3

Nen, akhuni nen an nobasik yi aik ti aik hagathinakho korlegat, hit nen, At nina'it, iluk, here'anhidek hinobakhanini hapugutdiluk hagakhethep iti an nilu o.

A'bikaka 2:7

Nen, wene igi meke iti, at Allah Agoreke nen Allah a'buri o yi ai ti ai natogokharek meke yogeisiliogo iti, hinasuk holusak halok he, hanorogo holino o. At tha nen obatne asigin halok he, Allah ayabumo o eken inilugurinakherek meke iti noagaluk melageisigin o, iluk wene tha'bokhogonat yogeisigi meke iti, holal waganogo inoba la'ino,” iluk yoknekhe.

A'bikaka 3:21

An arat nobatne agagimo, nopase kok welagarekma obolukmo nipisak welago yi hak, tha nen obatne asigin halok, an kok welagarekma nobolukmo nipisak dogouogoluk meldigin o,