Matius 10:20 - ALLAH ANE WENW KET MEKE WAROGO WOKNINAKHIKHE WENE

²⁰ Wene oko yogeisagun iti, hit nen hinakla kagalogo ugun dek meke re, hinopase Allah Agoreke nen hinakla dogolik, Yigithogon ini o, iluk yokhisekhe korlek ugun o.

Matius 10:20 ပူးပေါင်းရင်းမြစ်များ

Matius 6:32

Itithogon hagakharek iti tha'bokhogonat, it akhuni itikmanke meke nen iti meke kogotdiluk herarik nekharek mekeat he, hit yi anek he, yi meke ti meke dek nen hinerlageik negen welagap iti, at hinopase Allah pogot oba meke iluk welagarek o.

Markus 12:36

At Daud Allah Agoreke akla dogolik, ekaerek nen men isikhe, Allah Etagapogot nen an noe Etagapogot yogokhe dogolik, Akhuni hat hathili meke emenogo hisok nen al debelogo 'bisanok nen, an nen aban hoba 'bisa'ageidek werek korlek, hat an nalilu niki ebeke hurek dogolik hebe kok dogonok, iluk Allah nen Kristus yogokhikhe, iluk Daud nen isikhe.

Lukas 11:13

Hit hinobabut weak hagakhethep mekeat he, ina'buri iti hano meke wogeisegarek hinilumo, hano meke wogeisegethep iti hakene, hinopase Allah pogot oba meke yogokhe dogolik, Hagoreke iti woknisan o, iluk, kino yogokhep halok, wokhisagein dek apegep? At nen wokhisageinat o,” iluk yogeisasikhe.

Lukas 12:12

Itinem he, hit nen wene oko uagaluk Allah Agoreke nen, Yigithogon ini o, iluk, hinakla kagaligin meke werek o,” iluk yogeisasikhe.

La'isasikhe 13:9

Itithogon thagaligiluk hagakhunem, at Saulus, etaga ageikhe Paulus etnogo nen, Allah Agoreke akla kerlekhogon dogolik ileken Baryesus oba tek-tek hekhe dogolik,

La'isasikhe 2:4

Inileken itithogon hekhe korlek, Allah Agoreke it tha'bokhogonat inakla kerlekhogon ukisikhe. Ukiluk, Allah Agoreke nen, “At iti ane itithogon ekhe dogoak,” iluk akla apasikhe tak-tagat, it akhuni ninat meke inane baga uagaluk yakulisekhe korlek elalinat ekhe lagoukha iti.

La'isasikhe 28:25

Itithogon hagakhukhasik, it-it inane inasokhotek tomok thagalik-thagalik kikil wasuogoluk hagakhunem nen, at Paulus nen wene opakiat ageikhe yi yogeisasikhe, “Wene Allah Agoreke nen ninopa lak Yesaya nen yogeisoagaluk yogokhikhemo, yogeisekhe lageikhe iti, mothogon yogeisasikhemo higi.

La'isasikhe 4:8

at Petrus Allah Agoreke akla kerlekhogon welageikhe meke etnogo nen wene men yogeisasikhe, “Nopase lak nougi wa.

La'isasikhe 6:10

Itithogon wenagakhukha mekeat, at Stefanus Allah Agoreke akla ukiluk dogolik, wene morat kagoukhogon isinem, it inane oko nikithogon yogosu heat hagatlageikhe.

2 Korintus 13:3

Hit nen he, “Paulus iti, Kristus akla dogolik iliogo a? Dek a,” iluk nobabut paluogoluk egep iti, nebe wagunem ekagat hutdanugunat o. At Kristus hit hagakhethep iti hasik ebe erlok dek nen obakhanini huk agarek 'buk. At hit hinom dogolik obatneat werek o.

1 Tesalonika 2:13

Nit nen wene Allah ane etnogo yokhisasugumo, hit nen, “Wene iti akhuni inane meke dek o. Allah aneat o,” iluk waganhigip iti, eberogonat Allah aneat waganhigip o. Iti nen nit huk ageidek Allah heagei wakho motok welago. At Allah nen hit hinetaiken Kristus oba hakotdisigip meke hinakla kagalho motok welagarek o.

1 Petrus 1:12

Hinok waganhunem, at Allah nen he, “Wene iti, hit hinekaerek hasik, dek o. It yabokane aban meke inobasik hagakhe lagap o,” iluk hit hinobasigat isikhe. Itithogon yogeisasikhesik welageikhesik nen, yabokane Allah Agoreke pogot oba nen usa'i ageikhemo, it ap hano wene Yesus Kristus hagakhikhe wene etnogo yokhisoagaluk inakla dogolik yogotak pakhogon yokhisiliogei ebe iti hasik ekhe lagoukha iti. Wene iti, it malaikat Allah nen yoko usa'isa agarek meke emenogo nen, “Eiye. Nit wene iti hutukhogon ninilu atlo e,” iluk apegarek.