Matius 10:2 - ALLAH ANE WENW KET MEKE WAROGO WOKNINAKHIKHE WENE

² Ap inebe 12 oba iti, inetaga yi: ebekeram, Simon etaga ageikhe Petrus ekhe lagoukha etnogo agot Andreas ipisak inom, Zebedeus a'but Yakobus etnogo agot Yohanes ipisak inom,

Matius 10:2 ပူးပေါင်းရင်းမြစ်များ

Matius 17:1

At Yesus nen itithogon yogeisasikhesik nen, noge iniki 6 iluk nen, Petrus men, Yakobus men, agot Yohanes ipisak men, inarligat wogosik tom uan ageikhe baga dageisikhe.

Matius 20:20

At Yesus nen itithogon yogeisasikhesik werekma, at Zebedeus age nen eagei wogosik Yesus oba wageikhesik itibagal yukukhogon heagei wakhe dogolik, “Nit ageikhe kino yokhisuogoluk hoba wago,” iluk yogokhukhama

Matius 26:37

Itithogon yogeisasikhesik nen, Petrus men, Zebedeus a'buri inebe pere eranogo men, wogosik lageikhesik nen, akla weak atluk etaiken thebelu'buk ageikhemo men yogeisasikhe,

Matius 4:18

At Yesus i Galilea yekelekma aik obake laga dogolik, ap inebe pere, Simon etaga ageikhe Petrus ekhe lago etnogo agot Andreas ipisak hibiku-yogoku ikanat waganharethekma nogo nen, itinem ikan waganuogoluk, su yoge meke ima usakhunem ileken lageisasikhe.

Matius 4:21

Lagoukhama, at Yesus ileken lageisasikhe meke, ap inebe pere Zebedeus a'buri Yakobus agot Yohanes ipisak inopase inom, ku akla dogolik, su yoge ikan waganhe lagoukha meke etnogo 'bugukakhunem lageisalok nen, waisasikhe.

Markus 1:29

At Yesus inom, Yakobus Yohanes ipisak inom, agarumi aperek inom, o akhuni Yahudi meke sembayan egarekma nen dukhi agoukhasik piokhogon Simon dok, Andreas dok, inaila lagoukha.

Markus 13:3

Wene itithogon yogeisekhe lageikhesik nen, at Yesus lak Allah ai halek i aik yi bagake thogotdiluk i aik ilibaganke italhukhasik, tom Zaitun ukul oba dageiluk inebe hurek lagoukha. Hurek lagoukhasik, Petrus men, Yakobus men, Yohanes men, Andreas men, Yesus inom inarligat dogolik, at oba wene ageikhe hinok waganhukha.

Markus 6:30

It ap Yesus nen inayoko 'biluk la'isasikhe meke emenogo inapuke at oba natogosi agoukhasik nen, men yogokhukha, “Nit nen yigithogon hagakho, tigithogon hagakho. Wene yigithogon yakulisogo, tigithogon yakulisogo,” iluk motok pilinogo yogokhukha.

Lukas 11:49

Itithogon hagakhethep iti nen, at Allah akla kagalek motok etnogo nen ekhe dogolik, An nen it ap an nane yogeisegarek meke men, inayoko 'biluk la'isa agarek meke men, it akhuni aperek inoba la'isa agunem, it nen inebe ebetlake inakhik, ebetlake yi aik ti aik hagarinakhik, hagasugun o, iluk isikhe tak-tagat,

Lukas 22:14

Nausak oba arat asi ageikhemo nen, at Yesus nen agarumi la'isagaluk inayoko 'bisikhe meke ebetlake aperek inom lagoukhasik, inom nuogoluk hurek lagoukha.

Lukas 22:8

Arat asi ageikhemo, at Yesus nen Petrus Yohanes ipisak la'isekhe dogolik, men yogeisasikhe, “Nit pesta Paskah hasik domba ninom nuok nen, lalok werago tugurogo 'biluk dogono,” iluk itithogon yogeisasikhemo,

Lukas 5:10

Iti hak, at Simon agarlak lak inom hunik meke Zebedeus a'buri Yakobus Yohanes ipisak, itithogonat inayuk ageikhemo, at Yesus nen Simon men yogokhikhe, “Hayuk agun o. Ikan waganhe lagan iti hak, hurli yogotak nen, akhuni woginabik nekhe dogogin o,” iluk yogokhikhe.

Lukas 9:10

It ap Yesus nen inayoko 'biluk la'isasikhe meke emenogo lagoukhasik inapuke wagoukhasik, hagarik nekhe lagoukha meke emenogo pilin-palinhogo Yesus yogosi agoukha. Itithogon yogosi agoukhama re, at nen it wogosik inasokneat tekhogon o ukul etaga Betsaida etoma lageikhe.

Yohanes 12:22

at Filipus nen wene isukha meke iti, at Andreas yogosi lageikhesik ipisak nen yabokane Yesus yogosi lagoukha.

Yohanes 13:23

Itithogon inileken lak-lak hagakhe korlek, it at Yesus ane waganhe lagoukha meke ageikhe at etaiken hunik meke alilu horok-horok hurek welageikhe.

Yohanes 20:2

Itithogon werekma ileken halok nen, pirlirli motok ap Simon Petrus etnogo inom, Yesus agarumi ane waganhe lagoukha meke ageikhe at etaiken hunik meke etnogo inom, inoba lageikhesik men yogeisasikhe, “Ninoe Etagapogot ebe warek akhuni oila nen wolok dukhegasik koma 'bi lageikha heat, nit ninobakha palaga o, nerugi,” iluk yogeisasikhemo,

Yohanes 21:2

Iniki ageikhe itinem, at Simon Petrus etnogo men, Tomas etaga ageikhe Hulupmio Meke etnogo men, Natanael ai o Galilea eloke o ukul etaga Kana meke men, Zebedeus a'buri men, Yesus agarumi inebe pere meke men, natogokhukha.

Yohanes 21:20

At Yesus nen wene itithogon yogokhikhemo, at Petrus elokhe hebenokhogon ileken apuke lakhasikhe meke, Yesus agot ageikhe etaiken hunik meke etnogo inoporlik wagunem lakhasikhe. At iti ebe alebat hipiri neke dogolik Yesus alilu horokhogon hurek dogolik, at nen, “Yesus noe. Tha nen noe Hetagapogot hasuagaluk yoko ligin,” iluk oba hinok wokhasikhe meke etnogo.

Yohanes 21:24

Wene Yesus agot ageikhe hasik isikhe iti, nebe anat o. An nileken hasigi meke nenat pakhogon yokhisau hak, holal waganogo 'bigi yi o. Wene iti an nileken hasigi meke nenat pakhogon yokhisigi eberogonat, iluk, nit tha'bokhogonat ninilu.

Yohanes 6:67

Akhuni aperek itithogon oporlik lageidek huk agoukhama, at Yesus nen agarumi 12 emenogo men yogeisasikhe, “Hit meneke, itithogonat here'aniluk dukhuogoluk apekhe lagap a?” iluk yogeisasikhe.

Yohanes 6:70

at Yesus nen men yogeisasikhe, “An nen hit hinebe 12 oba yi wenakhinakhigi dek nogo? An nenat wenakhinakhigi mekeat, hat opakiat ageikhe Iblis mekeat welagan o,” iluk yogeisasikhe.

Yohanes 6:71

Wene itithogon isikhe iti, ap Yudas, Simon Iskariot a'but hasigat isikhe. At ap iti ebe Yesus agarumi inebe 12 emenogo mekeat he, yabokane Yesus ebe wasuagaluk yoko lageikhe iti meke hasik isikhe iti.

Yohanes 6:8

at Yesus nen agarumi ane waganhe lagoukha meke ageikhe etaga Andreas, Simon Petrus etnogo agot nen, men yogokhikhe,

La'isasikhe 1:13

Uki agoukhasik, uma etoma ukisukhasik nen, o henaipu welagoukhama etomaat dageisukhasik welagoukha. It iti inebe Petrus men, Yohanes men, Yakobus men, Andreas men, Filipus Tomas ipisak men, Bartolomeus Matius ipisak men, Alfeus a'but Yakobus iti men, Simon, “O yoma ninaierek meke anek dogogun,” iluk ekhe lageikhe meke iti men, Yakobus a'but Yudas iti men, inom welagoukha.

La'isasikhe 1:26

Itithogon yogokhukhasik, “Ap yi melduok a? Yi melduok a,” iluk omatok tha oba mot-mot asigin inetaga thalogo walhasukhama, Matias etnogo baga mot-mot ageikhe. Mot-mot ageikhemo, it ap Yesus nen inebe inayoko 'biluk la'isasikhe meke emenogo inebe 12 meke 11 ageikhemo nen, suguluk 12 asuagaluk Matias inom dogoagaluk meldisukha.

La'isasikhe 12:2

Itithogon hagakhikhesik, at Yohanes oe Yakobus wasuagaluk agarumi yogeisasikhemo karok oba ebe motok wakhukha.

La'isasikhe 3:1

Iniki ageikhe, jam 3 baga, mulikin korok i lagaluk hagakhe korlek, Petrus Yohanes ipisak, akhuni Allah ai halekma sembayan ekhe lagoukha hak uogoluk hagakhunem, inoba dageisukha.

1 Korintus 15:7

Arat wisam atluk nen yabokane Yakobus ileken hoagaluk elokhoma wisam ageikheat. Yabokane, at nen inayoko 'biluk la'isasikhe meke emenogo inebe tha'bokhogonat nen inileken hoagaluk inelokhoma wisam ageikheat.

Efesus 4:11

Nen, supusogo usa'isa ageikhe iti ebe, nit Allah a'buri ninebe tha'bokhogonat Kristus ebe hakene werekma, o halharek hak halogo 'binanhunem, ninebe tha'bokhogonat Allah hasik hagakhe dogoagaluk, ninebe tomok ninayoko 'biluk meldinanik lageikhe iti o. It aperek Allah ane wolok loagaluk inayoko 'bigik, it aperek Allah ane yogeisekhe dogoagaluk inayoko 'bigik, it aperek hano wene akhuni itikmanke hasik yogeisilik loagaluk inayoko 'bigik, it aperek Allah a'buri therisik dogolik wene yakulisekhe dogoagaluk inayoko 'bigik, ninebe tomogat itithogon ninayoko 'bisikhe iti o.

Ibrani 3:1

Iti nen, Allah a'buri ekaerek hasik wenago 'binageikhemo welagap meke nagarlak lak nerugi. At Allah pogot oba nenat hit ninomat ninayoko 'bisikhemo wene waganhugusik pakhogon ekhe lago iti hasik, at Yesus ebe Allah iteerek ninoe kok dogoagaluk, Allah nenat la'i ageikhemo werek iti halok, hit hinetaiken oba nenat hutdekhe dogono o.

1 Petrus 1:1

Nagarlak lak nerugi. An Petrus, Yesus Kristus nen nayoko 'biluk la'ani ageikhe meke etnogo nen, wene yi holal waganogo hit ninopase Allah nen, hinebe alebat wenakhinakhikhe meke, yogotak ya elanma hasik yi ai ti ai thirlik-pirlikhogon lo lagagisip, o propinsi Pontus men, Galatia men, Kapadokia men, Asia men, Bitinia men, akhuni inaklake inaklake dopok welagathep meke etnogo, hinoba la'i agei o. Hinebe Allah nenat akla apalok wenakhinakhikhesik, Yesus Kristus ane hologo hagakhe dogoagaluk apma 'binagagik, amep oba hothinakhik, hagasigiluk nen, “An nekaerek na'buri asubageik iluk wokhinakhi o,” iluk at Agoreke nen wokhinakhikhe iti o. Allah obabut hano etnogo nen hano meke wokhisigik, hinetaiken eran-alep hapugutdinagagik, kokhogonat hagakhe dogoak o.

2 Petrus 1:1

Nagarlak lak nerugi. An Simon Petrus Yesus Kristus nen, at atuaneke dogoagaluk nayoko 'biluk la'ani ageikhemo wagagi. Iti, at ebe Allah at dogolik, obabut mothogon anek hagakherek etnogo nen, hit ninom tak-tagat ninetaiken at oba hakotdugunem tilninabiogo meke, wene yi holal waganogo hinoba la'i agei iti.

2 Yohanes 1:1

At nen, Allah a'buri therisik dogoagaluk, at nen meldanhikhe meke hinoe etnogo nen, hit Allah a'buri itakhinakhikhe meke hinebe re, he opakiat meke ebe Allah nen wenakhikhe meke eagei inom hakenema, wene yi heagei warogo holal waganogo hinoba la'i agei o. Hinebe eberogonat nakmu o. An narligat anek hinebe nakmu welagei 'buk. It inebe tha'bokhogonat ninom ebeat wene yogotak ninakla dogoluk yabokane motok-motogat dogogin meke iti waganhukhasik inilu agoukha meke nen inakmuthinakhaat o.

3 Yohanes 1:1

Gayus nagarlak o. An nen Allah a'buri therisik dogoagaluk meldanhikhe meke hinoe etnogo netaiken oba nen hebe eberogonat nakmu welagei, iluk, wene yi holal waganogo hoba la'i agei o.

A'bikaka 1:1

Wene ebe yigithogon. Yi wene ti wene limago welageikhe meke yabokane ibat-ibat hagatlasigin meke iti, Allah atuaneke meke hutukhogon yogeisoagaluk Allah nen at Yesus Kristus pakhogon yogokhikhemo, at Kristus nen malaikat la'i ageikhemo, wene iti at Allah atuaneke meke an Yohanes yoknekhe.

A'bikaka 1:9

An hinagarlak hineru Yohanes ninom ninebe Yesus a'buri opakiat meke, yi aik ti aik hagatninakho korlek, ninakla nen, “Yabokane at Allah nen apma 'binanigin,” iluk ninobakhanini hapugutdiluk welagorek iti. Werekma, Allah ane Yesus nen pakhogon yoknisasikhe wene etnogo an nen yogeisilik nekherek iti nen, niki herle warogo i eken palekma o etaga Patmos 'bani ageikhama welagei o.

A'bikaka 18:20

Itithogon ekhe korlek, at ageikhe nen, it Allah a'buri meke men yogeisekhe, “Allah nen he, hit hinokoma it o Babel meke ukum inoba 'biluk weagarinakhe iti nen, hit pogot oba meke tha'bokhogonat hinakla arleken akhigik, hit Yesus nen hinayoko 'biluk la'inageisikhe meke inom, hit at ane yogeisegethep meke inom, hit Allah a'buri hinom, hit tha'bokhogonat hinakla arleken akhigik, hagatni o,” iluk isinem holhi.

A'bikaka 22:8

Itithogon yoknekhemo, yi wene ti wene tha'bokhogonat yi, an Yohanes yoknikhunem nasuk holhik, nileken higik,hagakhi o. Itithogon nasuk holhik, nileken higik, hagakhirik nen, at malaikat wene iti an nileken lakhoagaluk yakulnekhe laga meke etnogo, nitibagal yukukhogon hogorasigiluk hagakhi.