Matius 10:17 - ALLAH ANE WENW KET MEKE WAROGO WOKNINAKHIKHE WENE

¹⁷ Akhuni nen it ap wene erlo pilinekharekma inoba wokhisik lageik, akhuni Yahudi meke o sembayan egarekma etoma nen tugi hinakhik, hagasugun etnaga re, hinobabut hebelogo dogono o.

Matius 10:17 ပူးပေါင်းရင်းမြစ်များ

Matius 10:18

Itithogon hagathinabugun iti, erlo an nebe hasigat, ap inetagapogot meke inom, ap koktek meke inom, inoba wokhisik lagunem, hit nen it ap iti inil oba an hagakhunem hinileken neekhe lagap meke etnogo pakhogon it yogeisigik, akhuni itikmanke meke yogeisigik, yogeisoagaluk hano iluk iti bagaat hinitema waganugun etnaga o.

Matius 20:19

Ukum noba 'biluk nen, it ap itikmanke meke nen inane aik dagok yoknikhik, tugi la'bisoko tugi nakhik, hagatluk nen nebe o baga meldaniluk nasuagaluk wogeisagun o. Nen, arat nakhunem, niki pere warek dogoluk nen, niki ageikhe baga yi Allah nen nilugutnabigin o,” iluk yogeisasikhe.

Matius 23:34

Halok he, hinasuk hanorogo holini. An nen ap Allah ane yogeisegarek meke inom, inakla kagalek meke inom, Allah ane holal waganek iteerek meke inom, la'isasigin meke iti, hit nen ebetlake o baga meldisalok inakhik, ebetlake o hit sembayan egethepma ukiluk tugi wiik-weakhogon inakhik, ebetlake sikhogo-mukhogo o kota ageikhe nen o kota ageikhe la'isigik, hagarinabugun o.

Matius 26:59

Hurek werek korlek, it ap Allah iteerek inougi koktek men, wene Allah hasik erlo pilinekharek meke tha'bokhogonat men, at Yesus wasuogoluk, men isukha, “Akhuni at weak hagakhunem inileken hega meke uak nen herageinabini,” iluk inekalat wene oba 'buagaluk herageinakhukha meke re,

Matius 5:22

Meke re, an nen wene ageikhe yi yokhisak. Hat tha nen hagarlak hasik hakla aga dageikhe halok he, wene ageikhe hoba 'bigin werek o. Nen, hat tha nen hagarlak ageikhe yogokhe dogolik, Hat he, hebe kepu yi re! iluk isi halok he, it ap wene erlo pilinekharekma etoma wokharek lalok, ukum hoba 'bugunat o. Nen, hat tha nen, Hat he, hebe uo motok yi re! iluk isi halok he, wene hoba 'biluk weakma hetu aikmo la'agagin o.

Markus 13:12

Nen, agarlak ageikhe nen, ekaerek agarlak wasuagaluk wolok lageik, opase nen, a'but wasuagaluk wolok lageik, ina'buri nen, inagosa inopase inasuagaluk inabok palhik, hagasugunat o.

Markus 13:9

Itithogon hekhe dogolik, hit he, hinobabut hebelogo dogono. Akhuni aperek nen, hiniki herle warogo ap koktek nen hinitema waganuagaluk inoba wokhisik lageik, o akhuni Yahudi meke sembayan egarekma nen tugi hinakhik, hagasugun o. Itithogon hagakhe dogolik, It yi Yesus agarumi, iluk, it ap pemerintah meke koktek inom, inetagapogot inom, ukum hinoba 'buagaluk inelokhoma meldinagumo, itinem hano iluk, an hagakhunem hinileken neekhe lagap meke pakhogon yogeisagun.

Lukas 12:11

Hit hinitema waganuagaluk akhuni nen it akhuni Yahudi meke sembayan egarekma etoma men, it ap pemerintah meke inelokhoma etoma men, it ap inetagapogot inelokhoma men, wokhisik 'binagei lugun halok he, hinakla nen, Nit ninoado tilogo wene oko ki meke ugun, iluk hinelabut hikhup o.

Yohanes 11:47

Itithogon yogeisa lagoukhama nen, it ap Allah iteerek inougi koktek men, it ap Farisi meke men, it ap wene Allah hasik erlo pilinekharek meke waisasukhama wagoukhama nen, men yogeisasukha, “At ap iti ebe hutduagaluk elalin meke doalegat hagariogo iti re, nit nen nikithogon hagasuok apegep?

Yohanes 16:2

Akhuni nen o sembayan egarekma nen hit hiniki korlo lisogo ula'inagagunat o. Nen, yabokane it akhuni hit hinasugun meke inebe dopok inakla nen he, Allah hasik hano inakho, iluk, ugun meke weregat o.

La'isasikhe 17:14

Itithogon hagakhunem, Silas Timotius ipisak, o etoma huk aga korlek, it Allah a'buri emenogo nen, Paulus anek, “Ibat lano,” iluk wolok i laut kok yekelek aliluke wagoukha.

La'isasikhe 22:19

Itithogon yoknikhikhemo, an nen, Noe. An o sembayan egarekmake ya ukigik, ta ukigik, laga dogolik, akhuni inetaiken hat hoba hakotdiluk welagoukha meke, iniki herle wakhik, tugi inakhik, hagarik nekhe lagagi etnogo, it motok inilu o.

La'isasikhe 26:11

Itithogon ekhe dogolik, an o akhuni Yahudi meke sembayan egarekma dopok ukiluk, it inetaiken Yesus oba hakotdiluk welagoukha meke here'isoagaluk nane obatnerogon yogeisigik, yi aik ti aik hagarinakhik, hagakhe dogolik, nakla aga apik dageikhe dogolik, it aperek o walegat ilugun-ilugun etoma meke mugusik laga lagagiat,” iluk yogokhikhe.

La'isasikhe 9:2

“Noe. An o Damsyik dageiluk nen, it akhuni aperek Yesus ane waganhe dogolik oporlik liliogei meke aperek werek halok, humi dek, ap dek, heageinabiluk nen, iniki herle warogo wogosik Yerusalem yoma 'bisasik nen, it akhuni Yahudi meke o kota Damsyik etoma o sembayan egarekma tomok natogorliogei meke inobasik surat ageikhe waganogo woknom o,” iluk yogokhikhe.

Filipi 3:2

It akhuni aperek inobabut yeke helo yeke obabut hakene iti nen, yi meke ti meke hasik weak hagakhe dogolik, “Hinoado aperlagap meke palogo la'isano,” iluk hinakla kagalisunogo nen hinobabut hebelogo dogono.

2 Timotius 4:15

At iti ebe wene nit nen yakulisekhe lago meke ninane thagalogo here'isalok hagakhe lagama iti nen, hat hobabut hebelogo dogono.

Ibrani 11:36

Nen, ageikhe, akhuni inane sagun yogeisigik, tugi inakhik, iniki herle warogo kola'isigik,