Matius 10:16 - ALLAH ANE WENW KET MEKE WAROGO WOKNINAKHIKHE WENE

¹⁶ Itithogon yogeisasikhesik ageikhe men yogeisasikhe, “An nen he, hit yi re, hinobabut domba obabut hakene meke, it akhuni inobabut yeke helo yeke obabut weak meke hakene meke inakerlekla hiakhogo la'inagaginmo iti, hit hinobabut warlo obabut hagakharek iti hak hinobabut hinomarlik-hinomarlokhogon hagakhik, thue yogeik hagakherek hakene, hinobabut enago welageik, hagakhe dogono.

Matius 10:16 ပူးပေါင်းရင်းမြစ်များ

Matius 24:25

Wene iti aban hagatlageidek werek korlek husupi tak yokhhisigi iti hanorogon hutdekhe dogono o.

Matius 24:45

At Yesus nen itithogon yogeisasikhesik, yabokane ageikhe men yogeisasikhe, “Ap kok meke ageikhe atuaneke therisik dogolik inapiri wogeisausak tak-tagat wogeisekhe dogoagaluk, at atuaneke meke ageikhe ayoko 'bisinem, at akla kagalek dogolik obabut oe ane igin meke tak-tagat hagakherek iti tha apegep. At iti oe iti nen meldiluk lagarek o.

Matius 25:2

Elokhoma lagoukha meke re, inebe 5 ebetlake nen, inetaiken werek. Nen, inebe 5 ebetlake nen, inetaiken dek meke welagoukha.

Matius 25:4

Nen, it inetaiken werek meke eranogo anek nen, lampu inom, isoak ageikhe minyak henago inom, wolok lagoukha.

Matius 25:9

it homagarlugi inetaiken werek meke emenogo nen he, Dek o. Ato kelelogo hit wokhisigik, aperek nit horligik, hagasumo, dek asigin o. Halok he, oko paliogeima etoma hit nen aperek oko pala lani o, iluk yogeisasukhama,

Lukas 10:3

Itithogon yogeisasikhesik nen, “Hit lani o. An nen hit hinobabut domba obabut hakene meke it akhuni inobabut yeke helo yeke obabut weak meke hakene meke inakerlekla hiakhogon la'inagekhe lagei o.

La'isasikhe 20:29

Meke re, yeke helo yeke anini weak meke nen domba here'isigidek motok nekerek iti hak, an nebe lalokma nen, it aperek nen Allah a'buri hit nen therisik welagap meke iti weagarinabi ukisugun meke werek o, iluk an nilu.

1 Korintus 14:20

Nagarlak lak nerugi. Wene hinakla ebekhe lagap iti, yekerugi inakla ebekharek hak ebekhe dogogup. Keritago meke nen weak hagakho inokodek welageikharek hak dogolik, hinetaiken inarlue inetaiken hakene horlerogon dogono.

2 Korintus 1:12

Nit hogorakhekhe lago iti, ebe yigithogon nen. Nit it akhuni agat oba meke aperek inaklake inaklake dogolik, it inobasik hagakhe lago, herlekha'bugat negen. Meke re, hit hinobasik anek kokhogon hagakhe lago. Iti akhuni agat oba meke inakla kagalek meke hagakharek hak hagakhidek. At Allah obabut hano etnogo nen, ninetaiken hano opakiat dogolik hagakhe dogoagaluk ninobabut woknisasikhemo hagakhorek meke iti ninakla ebekhe dogolik, “Nit hano hagakhe lagoma,” iluk hogorakhekhe lago iti o.

2 Korintus 11:14

It hagariogei iti elalinat hagariogei 'buk. Inopase Iblis ekaerek ekalat nen, malaikat lia wene wolok wageikharek hak hagarogo wagarek hak hagariogei o.

2 Korintus 11:3

Itithogon meke re, alebat at Warlo etnogo obabut kaukmo, he Hawa nukhetdisikhe hak, hit hinetaiken opakiat Kristus oba hakotdiluk at hasik karelek welagap meke nukhetdinagousak iti, nayuk ariogo.

2 Korintus 8:20

Doalegat 'bisiliogei meke iti, nit nen natogorlogo waganik lagunem, it akhuni aperek nen ninabok weak palinogo iluk, ninetai ekerlogo motok hagakhe lago.

Kolose 1:9

Hinabok itithogon isinem ninasuk holhosik, nit nen hit hinobasik sembayan igik, Allah ayoko 'bigik, thogotdigidek isi motogat welago. Itithogon isinem Allah Agoreke nen hinakla kagalhunem, hinakla motok kagalogo wene hutdiluk nen, at Allah akla warlok apekherek meke iti hit nen, hutukhogon hinilurogon dogobageik iluk ayoko 'bekhe lagoat o.

Kolose 4:5

It akhuni Allah ane inokodek meke hasik he, hit hinakla motok kagalek dogolik, “Nit Allah a'buri hagasusak meke hano asuak nen ya bagaat hagakhe dogouok,” iluk iti mekeat hagakhe dogono.

1 Tesalonika 2:10

Nit hit wene eberogonat iluk waganhigip meke ninom dogolik, akhuni nen, “It weak hagakha,” iluk, wene ninoba 'busak degat karelek dogolik, mothogon anek hagakhe lagagu etnogo, hit Allah hinomat hinilumo re, “Iti eberogonat,” iluk usak iti.

1 Tesalonika 5:22

weak meke yi weak ti weak hagariogei halok, tha'bokhogonat hagakhidek walekhogonat dogono.