Matius 10:1 - ALLAH ANE WENW KET MEKE WAROGO WOKNINAKHIKHE WENE

¹ Iniki ageikhe baga, at Yesus nen at agarumi ane waganhe lagoukha meke inebe 12 oba emenogo natogosi isuagaluk waisasikhesikmo wagoukhama, it nen akhuni aperek mokat inobabut weak meke inakla ukisukhasik werekma mukhogo ula'isigik, yi u ti u inoba werek meke hano hagarinakhik, inobatne dek erlok dek meke inobatnerinakhik, hagarik loagaluk, inobatne wogeisasikhe.

Matius 10:1 ပူးပေါင်းရင်းမြစ်များ

Matius 19:28

at Yesus nen, “At nen eberogonat yokhisak. Hit an noporlik nekhe lagap meke yi, yi meke ti meke Allah nen yabokane ket ninat hagatlatlukmo nen, an abat itaklasi agagi etnogo yabokane witluk, hogotnakhe korlek, nobolukmo etoma nebe kok hurek werekma, hit nalilu etoma hinoboluk 12 perlago baga hinebe kogat hurek dogolik, akhuni Israel meke inukuloak etaga 12 oba emenogo hit nen ukum inoba 'bigik, kokhik, hagakhe dogogun o.

Matius 26:20

O arat hi ageikhemo, at Yesus agarumi ane waganhe lagoukha meke aperek inom lagoukhasik nen, inebe 12 emenogo inom hurek latluk

Matius 26:47

Yesus nen, “Horogat waga ithi,” iluk ekhe korlek, eranogoat, at Yudas, ebe Yesus agarumi inebe 12 emenogo meke yoko lageikhemo, it ap Allah iteerek meke inougi koktek emenogo inom, it ap inarluetek emenogo inom nen, it ap inebe doalegat inayoko 'biluk la'isa agoukhama, karok men, payuk men, wolok inebe motok doaldiluk inom wagoukha.

Matius 4:23

Lagoukhama, at Yesus o Galilea eloke o tomok etoma nekhe dogolik, akhuni Yahudi meke sembayan egarekma ukisikhesik, wene hano wene yabokane ninopase Etagapogot apma 'binanigin etnogo wene yogeisigik, yi u ti u hano hagarinakhik, hagakhe lageikhe.

Matius 6:13

Weak hagasuagaluk ninakla kagaliginmo etoma thogotdinanhidek piokthegat woknisik laga dogono. Obabut weak meke iti nen iki hakninakhunem, hat nen tilninakhe dogono. [Ninopase Hetagapogot harat dogolik, yi meke ti meke hagasusak anekma, harat hogothakho motok dogogun o. Ebeat asuak u hak, Amin,] iluk sembayan itithogon ekhe dogono.

Matius 9:35

At Yesus o ukul kokmake, herlekha'bukmoke, ya ukigik, ta ukigik, nekhe dogolik, o it akhuni Yahudi meke sembayan egarekma ukiluk, hano wene ninopase Allah nen apma 'binanherek wene etnogo yakulisigik, yi u ti u inoba werek meke inom, inobatne dek erlok dek meke inom, hano hagarinakhik, hagarik nekhe lageikhe.

Matius 9:38

Iti nen he, ap ayabu Iteerek meke etnaga nen akhuni eken palusak meke aperek la'isoak nen, at ayoko 'bekhe dogono,” iluk yogeisasikhe.

Lukas 10:19

Halok he, lakhani! Pelal anini weak meke men, warlo aik palinakharek meke men, hinisok nen al debelogo 'bisigik, Iblis ninom wim palek meke etnogo obatne degetdisigik, hagakhe dogobageik iluk, an nobatne wokhisigirik iteerek hagathinakhi o. Iteerek hagathinakhirikmo yi meke ti meke aperek nen weagathinabigin motok dek o.

Lukas 24:49

Nen, an nopase nen hit wokhisagein, iluk abok yokhisasikhe etnogo, yogo. An nenat hinoba usa'isasigin o. Meke re, Allah obatne pogot oba nen hinoba aban usa'i ageidek werek korlek ya re, hinebe o kota yomaat dogono,” iluk wene warisasikhe.

Lukas 6:13

O wi ageikhemo nen, at agarumi ane waganhe lagoukha meke emenogo waisasikhemo wagoukhama nen, it meke inebe 12 wenago 'bisasikhesik nen, “Hinebe la'inagagin,” iluk meldisasikhe.

Yohanes 3:27

Itithogon yogokhukhama, at nen, men yogeisasikhe, “Warligi yi. Nagarumi. Ap ageikhe Allah nen yogokhidekma, at ekaerek akla nen kagalogo erlok hagasusak erlok dek o.

Yohanes 3:35

At opase nen a'but ebe etaiken hunik dogolik, yi meke ti meke tha'bokhogonat at iteerek dogoagaluk wogokhikhe.

Yohanes 6:70

at Yesus nen men yogeisasikhe, “An nen hit hinebe 12 oba yi wenakhinakhigi dek nogo? An nenat wenakhinakhigi mekeat, hat opakiat ageikhe Iblis mekeat welagan o,” iluk yogeisasikhe.

La'isasikhe 1:8

Itithogon mekeat he, Allah Agoreke hinoba usa'aga halok, hinobatne asigin. Hinobatne atluk nen, o kota Yerusalem nen, o propinsi Yudea nen, o Samaria nen, hurli o yi ai ti ai o ilugun ilugun elomaat laga dogolik, an yi meke ti meke hagarik nukhunem hinileken neegep meke etnogo, an nobasik yogeisilik laga dogono o,” iluk yogeisasikhe.

La'isasikhe 19:15

Walhasinem, at mokat obabut weak meke nen, “Yesus iti ebe, an nilu. Nen, Paulus iti ebe, abok nasuk holhi mekeat. Meke re, hit yi hinebe thani he. An nokodek,” iluk yogeisasikhesik nen,

A'bikaka 12:1

Itithogon higirik oba nen, yabokane lakhigi meke, akhuni nen hutduagaluk pogot oba elalinat hagasusak dek meke kokhogon hagakhunem yigithogon lakhigi. He meke ageikhe thut oba isok 'biluk asu negen mulikin meke ugu, nen husagal 12 meke ukuloak oba kare-kare negen ugu meke lakhigi.