Matius 1:21 - ALLAH ANE WENW KET MEKE WAROGO WOKNINAKHIKHE WENE

²¹ Eak iti ebe abat itasigin o. Itasumo re, at nen oe agot weak hagariogei meke korogo waganiluk tilinabigin o, iluk etaga Yesus thalino” iluk yogokhikhe.

Matius 1:21 ပူးပေါင်းရင်းမြစ်များ

Matius 1:25

ipisak noge igidek welagoukhasik nen, eak abat itakhikhemo, etaga Yesus thalhikhe.

Lukas 1:13

at malaikat etnogo nen, “Zakharia! Hayuk agun o. Hat sembayan ekhe lagan etnogo, Allah arat asuk holhe o. Hage Elisabet iti eak abat itasigin o. Itasumo nen etaga Yohanes thalino.

Lukas 1:31

Lakhan, hat heak hakma atluk abat itasigin. Itatluk nen, etaga Yesus thalino.

Lukas 2:11

Yogotak tilhinabigin meke kok Etagapogot Kristus etnogo o ap Daud ai welageikhemo etnogo itaklagasik werek o.

Lukas 2:21

Itithogon wagoukhama welagoukhasik nen, iniki 7 baga noge iluk hubuluke, elege etnogo oado aperlagap palusak obaat palhukhasik nen, ebe aban agosa akla ageidek werek korlek malaikat nen isukha tak-tagat, etaga Yesus thalhukha.

Yohanes 1:29

Wene itithogon isukhasik nen, noge iluk, hubuluke, at Yesus Yohanes oba wagunem ileken lakhalok nen, wene men yogeisasikhe, “Allah adomba eak meke nit akhuni agat oba yoma weak hagakhorek meke korogo thogotdisagein meke etnogo waga ili hinileken lakhani o.

Yohanes 4:42

he etnogo men yogokhukha, “Yogotak nit ninetaiken at oba hakotdogo yi, wene hat nen yoknisegen iti baga anek ninetaiken at oba hakotdogo 'buk. Dek o. At he, at ebe nen wene yoknisugunem ninekaerek nen ninasuk tomok holhik, Akhuni agat oba meke tha'bokhogonat tilinakherek meke ebe yiat o, iluk hutdiluk ninilu ageik, hagakho iti baga nen ninetaiken at oba hakotdogoat o,” iluk yogokhukha.

La'isasikhe 13:23

Nen ageikhe, alebat at Allah nen, Hit akhuni Israel meke tilhinabuagaluk, at Daud nen itago meke ageikhe wokhisagein, iluk abok yogeisasikhe iti hagat, ebe Yesus meldiluk wogeisasikhe iti.

La'isasikhe 3:26

Allah nen, wene iti warikhikhe hak, hit weak hagakhe lagap meke hinebe tomok hinoporlike here'isoagaluk a'but ebe hanothinabigin meke hit tak hinoba usa'i ageikhe iti,” iluk inasuk wakhikhe.

La'isasikhe 4:12

At Allah nen, nit akhuni agat oba yoma meke at ageikhe nen tilninabuagaluk etaga yakulnisigidek iti nen, ap werlek meke nen tilninabusak erlok dek o. At Yesus nen tilninabuagaluk, at arligat etaga yakulnisasikhe iti,” iluk yogeisasikhe.

La'isasikhe 5:31

Ilugutdekhemo werek iti, akhuni Israel meke weak hagariogei meke iti here'isalok inobabut hebelasumo, Allah nen it weak hagakharek meke iti thagalogo degetdisagaluk, Yesus ebe ilugutdekhesik nen, at ebe ninoe Etagapogot dogolik tilninakhe dogoagaluk alilu meldisikhemo werek iti.

Titus 2:14

Nit alep Allah ane here'isalok yi weak ti weak hagakhe lagagu iti nen niniki herle warogo negen haknisik werekma, at Yesus Kristus nen he, “It inebe an nekaerek na'buri atluk nen, inobabut hano meke akilukhogon hagakhe dogoak nen, inebe herle hisalogo inoko paligiluk, an nebe watlasigin,” iluk isikhe.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

1 Yohanes 1:7

Itithogon mekeat he, Allah ebe lia baga welagarek iti hak, nit meneke, lia baga dogolik, hano hagakhe lago halok he, nit-nit nagarlak-hagarlak ninom hunik werekma, nit weak hagakhunem at a'but Yesus amep oba hotninakho motok welagarek o.

1 Yohanes 3:5

At Kristus ekaerek weak hagakhidek dogolik, nit weak hagakhorek meke thagalogo degetdisagaluk ebe thelekmaat wageikhe iti hinilu o.

A'bikaka 7:14

Nitema itithogon waganhunem nen, an nen he, “Noe, an nokodek. Hat anek hilu welagan o,” iluk yogokhunem, at nen he, men yoknekhe, “It akhuni yoma agat oba werekma akhuni aperek nen yi aik ti aik doalegat hagarinakhunem, Allah nen tilinakhikhemo, inasu Domba Eak amep oba arat kut motok thobalega meke o.