Matius 1:1 - ALLAH ANE WENW KET MEKE WAROGO WOKNINAKHIKHE WENE

¹ At Yesus Kristus Abraham nen, Daud nen, ina'but etnogo opa lak erlo baga nen itaklarik wagoukha meke inetaga yi o.

Matius 1:1 ပူးပေါင်းရင်းမြစ်များ

Matius 1:18

At Yesus Kristus itaklageikhe iti ebe yigithogonat itaklageikhe. Agosa Maria iti, ap Yusuf ebe waganhidek, inom huto warek werekma, Allah Agoreke nen eak akmatdisikhe.

Matius 1:2

At Abraham nen Ishak itakhik, Ishak nen Yakub itakhik, Yakub nen Yehuda agarumi inom itaginakhik,

Matius 15:22

Dagei agunem, he ageikhe o Kanaan etoma aierek meke Yesus oba wageikhesik ane kokhogon men yogokhikhe, “Daud nen itago meke noe. An neak horlak meke mokat obabut weak meke akla ukekhesik weak werek. Halok he, hakmu nean o,” iluk yogokhikhe mekeat he,

Matius 3:16

ima usa'isikhemo 'buakhogon dageisigin hak, pogot kagoukhogon Allah Agoreke thue merpati yogeik negen, at oba labi usa'agunem ileken hasikhe.

Matius 9:27

At Yesus o etoma nen lagunem ap inebe pere inileken puk meke inane kokhogon ilik oporlik laga dogolik, men yogokhukha, “Ap Daud nen itago meke noe a! Hakmu nisan o,” iluk yogokhukha.

Lukas 1:33

Yakub nen itago meke emenogo inoe Etagapogot at itiat apma ane holek motok dogogun o. Itithogon hagasik dogolik ebe huk ageidek Etagapogot motok dogogin o,” iluk itithogon isikhemo,

Yohanes 7:42

Akhuni tilninabigin meke Allah nen la'isigin isikhe meke iti, ap Daud nen itago meke, at Daud ekaerek aila erloma welageikhe baga, o Betlehem etoma itaklasigin, iluk Allah ane baga holal waganogo 'bisukha werek etnogo dek?”

La'isasikhe 2:30

At Daud ebe Allah ane yogeisekhe lageikhe meke etnogo nen, Allah nen hupuk palogo abok yogokhikhe meke iluat welageikhe, Hat kok welagatek iti hak dogoagaluk, ap hat nen itago meke ageikhe hobolukmo meldigin o, iluk abok yogokhikhe.

Roma 1:3

Wene holal waganogo 'bisukha iti, ebe re, Allah a'but ninoe Etagapogot Yesus Kristus hasigat o. Akhuni itaklageikharek hak, ebe Daud nen itago meke nen itaklageikhe. Mekeat he, ebe watlageikhesikmo nen, Allah Agoreke obatne baga ilugutdisikhe iti baga, Allah a'burat o, iluk ekagat ageikhe iti.

Roma 4:13

At Allah nen, Abraham men yogokhikhe, “Agat oba o yi ai ti ai tha'bokhogonat nen, hat men, hat nen itago meke men, hinom iteerek asugun o,” iluk abok yogeisasikhe. Itithogon yogeisasikhe iti, wene at nen ninasuk wakhikhe wene etnogo hologo mothogon hagakhe lagoukha baga yogeisasikhe 'buk. Dek o. At etaiken Allah oba hakotdisikhemo, at Allah nen, “Wene hoba meke korogo wokhigirik, hapuke nipisak hunogo 'bagagi,” iluk yogokhikhe iti baga agat abok yogeisasikhe iti.

Roma 9:5

Nit ninopa lak nen, it nen itago meke. At Kristus ebe nit akhuni itaklagorek hak itaklageikhe iti, it meke nen itakhukha meke re, ebe Allah mekeat o. Yi meke ti meke tha'bokhogonat nen, wema baga negen mekeat he, at anek, upu baga siakhogon welagarek iti nen, at anek hogorakhe dogogun iti, ebeat asuak, iluk u hak, “Amin,” ekhe dogouok.

Galatia 3:16

Wene iti hakene, at Allah nen Abraham yogokhe dogolik, “Hat itithogon wokhikhik, nen, hat nen itago meke ageikhe itithogon wogokhik, hagasigin o,” iluk abok yogokhikhe iti. Inebe doalegat inobasik u hakene, “Hat nen itago meke aperek itithogon wogeisagein,” iluk igidek. Ap ebe opakiat meke hasik, “Hat nen itago meke ageikhe itithogon wogosigin,” iluk, abok yogokhikhe iti ebe re, Kristus meke hasik isikhe.

1 Timotius 2:5

Allah ebe opakiat anek o. Nen Allah ninom nit akhuni ninom turlem heisogo dogolik dapulninabiogo meke ap ebe Yesus Kristus iti opakiat anek o.

2 Timotius 2:8

An hano wene yogeisilik nekherek iti, Yesus Kristus, at Daud opa itago mekeat ebe wakhukhama, Allah nen ilugutdisikhe wene iti, hakla eberek motok dogono.

A'bikaka 22:16

Itithogon yoknekhesik, at Yesus nenat, yabokane yoknekhe dogolik he, “Yi wene ti wene yi abok, an nagot malaikat nen hit na'buri o yi ai ti ai natogokhethep meke tha'bokhogonat yokhisoagaluk hinoba la'i agei iti, an Yesus nenat o. Nen, o aku dukhekherek iti hak, ap Daud nen itago meke etnogo, an nebeat o. Nen, husagal wap o mulikin yegelogo dagei agarekma tak-tak, lia'i agarek meke a'bi'bal weak etnogo anat o,” iluk yoknekhe.