Markus 7:3 - ALLAH ANE WENW KET MEKE WAROGO WOKNINAKHIKHE WENE

³ Inileken itithogon hisasukha iti, akhuni Farisi meke inomat, Yahudi meke inomat, inebe tha'bokhogonat, inopa lak inawene herogo dogolik, iniki bagake horigidek hipiri nausak motok dek iluk ekhe dogolik inileken hisasukha iti.

Markus 7:3 ပူးပေါင်းရင်းမြစ်များ

Markus 7:13

Itithogon ekhe lagap iti baga, hinopa lak hagakhe lagoukha wene waganhigisip, Allah ane thagalogo here'isekhe lagap iti. Iti hak, wene ageikhe doalegat hagakhe lagap meke weregat o,” iluk yogeisasikhe.

Markus 7:5

Itithogon hagakharek iti nen, it Farisi meke inom, Allah ane holal waganek iteerek meke inom, Yesus men yogokhukha, “Yesus. It ap hat hagarumi hane waganiogei meke yoma nen, ninopa lak hagakhe lagoukha tak-tagat hagakhidek yugunat hagakhe dogolik iniki bagake horigidek hipiri yugunat niliogei iti nenaluk,” iluk yogokhukha.

Lukas 11:38

At Yesus iki bagake horakhidegat hipiri nagaluk hurek lageikhemo nen, ap Farisi meke etnogo nen ileken halok, “Eiya! Nayuk e!” iluk akla nen wene palhikhe.

Yohanes 2:6

It akhuni Yahudi meke nen haganeat etoma nenat hagakhe dogolik, yi meke ti meke men, inoba men, thobalogo anek hagakharek meke hasik isoak helekit meke herlelek koktek meke ebe 6 oba etoma 'bisukhama welageikhe. Isoak koktek dorom hakene iti ebe dopok akla i 100 liter hakene henasusak erlok welageikhe.

Galatia 1:14

Wene nit Yahudi meke ninopa lak nen yakulnisasukha meke etnogo hago dogolik, it an nagarlak lak ninom higit meke nen inakla puk negen hagakhe korlek, an anek, nobatnerogon hagakhe lagagi iti.

Kolose 2:8

Itithogon isi werekma, akhuni aperek inakla kagalek meke thalek, wene we meke inekalat yokhisekhe dogolik, nukhetdinaginogo iluk, hinobabut hebelogo dogono. Wene iti, Kristus nen isikhe meke tak-tak iliogei 'buk. Weat, akhuni itaklarik waga korlek, inopa lak nen, “O yoma yi meke ti meke herlaga, mokat inobabut weak meke itiat o,” iluk ekhe lagoukha meke tak-tagat nukhetdinagaliogei iti.

1 Petrus 1:18

Alebageigat hinopa lak hagakhe lagoukha iti hak, it inobabut waganogo dek asigin meke hasik yugunat alomarogo hagakhe lagagip iti nen, hiniki herle warek negen werekma, Allah nen hinebe hinoko palogo tilhinakhikhe iti hiniluat o. Oko iti dek asigin meke emas oba, perak oba hinoko palhinakhikhe 'buk.