Markus 5:2 - ALLAH ANE WENW KET MEKE WAROGO WOKNINAKHIKHE WENE

² Italhukhasik, at Yesus ku akla nen i aik oba dukhisinem etaat, ap ageikhe oila akhuni warek 'bisegarekma nen dukhi ageikhesik, Yesus oba wageikhe. Ap iti mokat obabut weak meke akla ukiluk,

Markus 5:2 ပူးပေါင်းရင်းမြစ်များ

Markus 1:23

Itithogon hogorakhe lagoukha itinemat, ap ageikhe mokat obabut weak meke akla ukisikhesik welageikhe meke, o it akhuni Yahudi meke sembayan egarekma inoba ukisikhesik ane kokhogon men yogokhikhe,

Markus 1:26

mokat obabut weak meke etnogo ap etnogo akla nen dukhigiluk hagakhe dogolik, ap etnogo oageleke dik-dik igik, ane naik igik, hagakhe dogolik dukhisikhe.

Markus 3:30

Wene itithogon yogeisasikhe iti, it nen, “Yesus mokat obabut weak meke akla ukekhesik werek,” iluk isukhama nen, yogeisasikhe iti.

Markus 3:9

Itithogon natogosi agoukhama, inebe doalegat u hano hagarinakhunem, it u inoba werek meke tha'bokhogonat nen, akhuni aperek higirisigik-hearisigik Yesus iniki hakhauwogoluk oba ukekhe lagoukha iti nen, at Yesus nen, at agarumi ane waganhe lagoukha meke emenogo men yogeisasikhe, “Akhuni doalegatma an nalilu kirlik-kerlek asisunogo nen, ku 'bugurlagat meke ageikhe an nobasik 'baniluk dogoni o,” iluk yogeisasikhe.

Markus 4:1

Yabokane, at Yesus i Galilea yekelek etnogo aik oba dogolik wene yakulisekhe lageikhe. Yakulisugunem akhuni inebe doalegat at oba natogosi agoukhama, it inebe i aik oba 'bisalok, at ebe ima ku baga hureklasi ukisikhe.

Markus 4:36

it nen, ku Yesus welageikhe meke baga etnogo werekma oba ukisukhasik nen, akhuni doalegat emenogo etoma 'bisalok, at ebe wolok italhukha. It italhe korlek, akhuni aperek ku aperek oba inom tak-tagat italhukhaat.

Markus 5:21

Itithogon hagakhukhasik, Yesus i yekelek etnogo aik yi bagake ku warogo itali ageikhe. Itali agunem, akhuni inebe doalegat at oba i aik oba natogosi agoukha.

Markus 5:3

akhuni warek 'bisegarekma motok werekma, akhuni aperek nen hibiku-yogoku herle pisuemaken herle baga iki herle wakhik, isok herle wakhik, wakhe lagoukha mekeat he, iki herle 'bogokhogon la'igik, isok herle obakha sikiphogon la'igik, hagakhunem, yabokane yi herle ti herle pisuemaken herle inomat walhasukhasik nen, nena meke herle baga wasu heat hagatlageikhemo, ebe hakhalok obabut tha nen hebelu heat erlok dek ageikhe.

Markus 7:25

Itithogon hagatlageikhemo werekma, at he ageikhe eak mokat obabut weak meke akla ukiluk werekma, Yesus abok eranogoat asuk holiluk, oba wageikhe. He iti ebe Yunani meke ai erlo Siria Fenisia etoma meke, Yesus apma itibagal yukukhogon hureklasi ageikhesik men yogokhikhe, “An neak mokat obabut weak meke akla ukiluk werek nen, hat nen mukhogo ula'inogoluk hayoko wagei o,” iluk yogokhikhe.

Lukas 8:27

Itali agoukhasik, arlo baga itali lagoukha hak, ap ageikhe ai ukul iti meke mokat obabut weak meke akla ukisikhemo welageikhe meke, at Yesus oba wageikhe. Ap iti haganeat nen mokat obabut weak meke hibiku-yogoku akla ukisinem, it akhuni aperek nen iki isok pisue omaken oba herle warogo 'bekhe lagoukha mekeat he, herle tirlip-tarlaphogon la'isalok, mokat etnogo nen wolok o limo akhuni dekma etoma laga lageikhesik, yabokane su ugurlek alwurlugat, at aila hanorogo welageidek oila warek meke 'bisegarekma etoma motok dogolik Yesus ebe wagunem ileken lakhasikhesik nen apma hureklasi ukiluk ane kokhogonat men yogokhikhe, “Yesus. Hat Allah Etagapogot a'but yi, an nikithogon hagatnabigiluk wagan,” iluk yogokhunem, at Yesus nen mokat etnogo dukhuagaluk yogokhikhemo, at etnogo nen, “Noe. Weagatnakhun o,” iluk ane a'buarek yogokhikhe.

Lukas 9:42

Yogokhikhemo, yekerek etnogo Yesus oba aban wolok waga korlek eranogoat mokat obabut weak meke etnogo nen yekerek etnogo agat oba tunhogo usa'isinem, iki isok dik-dik hagakhikhe. Itithogon hagakhikhemo, at Yesus nen mokat obabut weak meke etnogo wenageikhikhesik, yekerek etnogo hano hagarogo opase wogokhikhe.