Markus 4:2 - ALLAH ANE WENW KET MEKE WAROGO WOKNINAKHIKHE WENE

² Hureklasi ukisikhesik, wene yi meke oba likhik, ti meke oba likhik, wene doalegat yakulisasikhe. Yakulisekhe dogolik, ageikhe men yogeisasikhe,

Markus 4:2 ပူးပေါင်းရင်းမြစ်များ

Matius 13:10

At Yesus nen itithogon yogeisasikhemo at agarumi at ane waganhe lagoukha meke emenogo oba wagoukhasik nen, men yogokhukha, “Hat nen akhuni yoma wene yi baga likhik, ti baga likhik, yogeisegen iti nenaluk,” iluk yogokhukhama,

Matius 13:3

Hureklasi ukisikhesik, yi meke ti meke baga likhigik wene doalegat yogeisekhe lageikhe. Ageikhe men yogeisasikhe, “Ap ageikhe ai hilogo la'ekherek meke ai hilogo la'igiluk dukhisikhe.

Matius 7:28

Yesus nen wene itithogon ilik waga lageikhesik wene arat ilokon warogo isikhemo, it akhuni doalegat emenogo nen, “Eiya! Wene ekhe iti, it ap Allah ane holal waganek iteerek meke nen yoknisegarek hakene iliogo dek o. At nen wene ebe iteerek meke nen u hak ekhe iti, nayuk e!” iluk hogorakhukha.

Markus 10:1

At Yesus nen wene itithogon yogeisalok nen, o etoma thogotdiluk, o Yudea etoma usasikhesik nen, i Yordan aik ilibaganke italhikhe. Italhikhemo nen, akhuni doalegat yabokane at oba natogosi agoukhama, wene hibiku-yogoku yakulisekhe lageikhe hagat, yakulisasikhe.

Markus 12:1

At Yesus nen wene itithogon yogeisasikhesik yabokane wene ageikhe oba lisogon men yogeisasikhe, “Ap ageikhe ayabumo anggur ai yakhikhe. Yakhikhesik leget halhik, eken thagalogo apusu kelelhe dogogun oba agat hulelhik, inileken dogogunmo kayo perlakhik, hagakhikhe. Hagakhikhesik it ap aperek elanma hasik it inaen negen dogoagaluk 'bisalok ebe o werlekma etoma lageikhe.

Markus 12:38

Akhuni doalegat emenogo inakla arleken akhekhe korlek, at Yesus nen wene men yogeisasikhe, “It Allah ane holal waganek iteerek meke iti nen weagathinabunogo iluk, hit hinobabut hebelogo dogono o. It inakla warlok nen hagakharek yi. Inasu uanat meke ikhalok pasar oko waganharekma etoma akhuni nen inane agugurogo heagei warinabuagaluk lageik,

Markus 3:23

Itithogon isukhama, at Yesus nen akhuni doalegat emenogo waisasikhesik nen, wene oba lisogon men yogeisasikhe, “Iblis akhuni inakla ukiluk, ekaerek nen mukhogo erlok ula'akhausak nogo? Motok erlok dek o.

Markus 4:11

Hinok waganhunem at nen he, men yogeisasikhe, “Allah nen apma 'bisekherek wene iti, at akla limago welageikhe meke, wene hit anek he, hinilu asubageik iluk pakhogon yokhisausak akla apasikhe mekeat he, it akhuni itikmanke meke iti anek he, at Allah nen, It iti weak hagariogei meke iti here'isalok inobabut hebelasumo an nen thagalogo degetdisaunogo iluk, it inileken hekhe dogogun mekeat he, hutukhogon hekhe dogogun dek o. Nen, inasuk holhe dogogun mekeat he, hutukhogon hutdekhe dogogun degat o, iluk isikhe iti tak-tak asuagaluk, wene yi meke ti meke baga likhik, yogeisekhe lagei iti o,” iluk yogeisasikhe.

Markus 4:3

“Hinasuk holini. Ap ageikhe ai hilogo la'ekherek meke ai hilogo la'igiluk dukhisikhe.

Yohanes 18:19

Itithogon thogei isakhasi korlek, ap Allah iteerek meke inoe kok etnogo nen, at Yesus oba itema waganhe dogolik, men yogokhikhe, “Hat hagarumi hane waganiogei meke iti thani. Nen, hat hane yakulisekhe lagan iti, nikithogon,” iluk hinok at oba waganhikhemo,