Markus 2:9 - ALLAH ANE WENW KET MEKE WAROGO WOKNINAKHIKHE WENE

⁹ An nen ap iki isok aborlok dek meke yi, wene yogosusak he, alhe hakene ki apegep. Hat weak hagakhe lagan meke iti arat thagalogo degetdigi, iluk yogokhi iti alhe hakene meke yogokhi apegep a? E a, at he, Hebe melatluk nen, harlit eka talogo noge ekhe lagan meke yi horlalok lan o, iluk yogosusak alhe hakene apegep a? Dek o. Hebe melatluk lan, iluk yogosumo akinat o.

Markus 2:9 ပူးပေါင်းရင်းမြစ်များ

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Matius 9:2

ap ageikhe iki isok aborlok dek welageikhe meke thabuleka dit talogo noge ekherekma witik werek korlek yerogo wolok oba wagoukhama, at Yesus nen he, “It iti inetaiken an noba hakotdegasik nen wolok wageikha higi,” iluk, ileken ekagat hisalok nen, ap iki isok aborlok dek meke etnogo men yogokhikhe, “Na'but o. Hakla arleken akhan. Hat weak hagakhe lagan meke re, an nen thagalogo degetdigi o,” iluk yogokhikhe.

Matius 9:5

An nen ap yi wene yogosusak alhe hakene ki apegep. Hat weak hagakhe lagan meke iti arat thagalogo degetdigi, iluk yogokhi iti alhe hakene meke yogokhi apegep a? E a, at he, Hebe melatluk lan o, iluk yogosusak alhe hakene apegep a. Dek o. Hebe melatluk lan, iluk yogosumo akinat o.

Markus 2:10

Akin mekeat he, an abat itaklasi agagi etnogo agat oba yoma dogolik, akhuni yi weak ti weak hagakharek meke an nenat thagalogo degetdekhe dogoagaluk, Allah nen iteerek danhikhe meke iti hutdanubageik nen, yogosik,” iluk yogeisasikhesik, ap iki isok aborlok dek meke etnogo men yogokhikhe,

Markus 2:8

Itithogon inakla apasinem, at Yesus akla nen, “It inakla itithogon apiliogei,” iluk eranogoat hutdisasikhesik men yogeisasikhe, “Hit hinakla itithogon apekhe lagap iti, nenaluk apekhe lagap.

Lukas 7:48

at he etnogo men yogokhikhe, “Weak hagakhe lagan meke iti, arat thagalogo degetdigi o,” iluk yogokhikhe.