Markus 2:4 - ALLAH ANE WENW KET MEKE WAROGO WOKNINAKHIKHE WENE

⁴ Wolok wagoukhasik, Yesus oba wolok ukuogoluk hagakhukha meke re, akhuni kerlek nen, nikithogon wolok uku heat ageikhemo, o warleke baga dageisukhasik, Yesus ebe welageikhe mot-morat warleke supuk talogo nen, ap iki isok aborlok dek meke etnogo arlit eka noge ekhe lageikhe meke baga earogo usa'isukha.

Markus 2:4 ပူးပေါင်းရင်းမြစ်များ

Lukas 5:19

Itithogon hagasuogoluk hagakhukha meke re, akhuni motok kerlekhogonat nen, nikithogon wolok uku heat hagatlageikhemo, ap etnogo o warleke baga wolok dageisukhasik nen, supuk talogo dit talek noge ekhe lageikhe meke etnogo ebe talek motogat akhuni doalegat emenogo inakerlekla turlem, at Yesus werekma mot-mot elokhoma earogo usa'isukha.

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.