Markus 2:2 - ALLAH ANE WENW KET MEKE WAROGO WOKNINAKHIKHE WENE

² Inasuk holiluk nen, akhuni inebe doalegat natogosi agoukha. Wagoukhama uma kerlekhogonat, nen, miso hulakma inom kerlekhogonat natogosi agoukhama, wene hano wene etnogo yogeisasikhe.

Markus 2:2 ပူးပေါင်းရင်းမြစ်များ

Matius 5:2

Wagoukhama, wene yakulisekhe dogolik,

Markus 1:14

Yabokane Yohanes etnogo iki herle wakhukhasikmo, at Yesus o Galilea eloke dagei ageikhesik nen, Allah ane hano wene etnogo yogeisilik nekhe lageikhe.

Markus 1:33

Waga korlek akhuni aperek o etoma meke tha'bokhogonat silimo natogosi agoukha.

Markus 1:37

Hearik lagoukha meke, Yesus ebe werekma lagoukhasik, it nen, men isukha, “Akhuni tha'bokhogonat nen herakhabiogei o,” iluk yogokhukha.

Markus 1:45

Itithogon yogeisugun iluk asuk warogo la'isikhe mekeat he, at etnogo nen akhuni yugunat yogeisekhe dogolik he, “Yigithogon hano hagatnakhe o,” iluk abok ya ta yogeisilik lageikhe iti nen, at Yesus nen o ukul kokmake etoma thelekma lausak erlok dek nen, itikmanke o limo akhuni dekma lageikhesik welageikhe. Itithogon welageikhe mekeat he, akhuni o yi ai ti ai etoma nen oba natogosi aga lagoukha.

Markus 2:1

At Yesus iki pere negen o etoma welageikhesik nen, yabokane o Kapernaum uki ageikhe. Uki ageikhesik nen, uma ukisikhemo, akhuni nen he, “At ebe uma werek o,” iluk isinem inasuk holhukha.

Markus 2:13

Itithogon hagatdiluk yabokane, at Yesus i yekelek etnogo aik obake lageikhe. Lagunem he, akhuni doalegat at oba natogosi agoukhama, wene yakulisasikhesik lageikhe.

Markus 6:34

Italhukhasik, at Yesus ku akla nen dukhekhe dogolik, akhuni doalegat emenogo ileken lageisalok nen akmurinakhikhesik men isikhe, “Domba hagasik welageikharek hak, it yoma hagasik dogou meke inebe dek nen werek yi. Nakmu lak o,” iluk yi wene ti wene doalegat yakulisekhe lageikhe.

Lukas 12:1

Wene itithogon isi korlek, akhuni motok doalek-harluadek natogosi agoukhama, inebe motok kirlik-kerlekhogon nen, it aperek nen it aperek inisok ukut nen al debelogo 'bilik lagoukha. Itithogon hagakhe lagoukhama, at Yesus nen at agarumi ane waganhe lagoukha meke emenogo wene men tak yogeisasikhe, “Ap Farisi meke inobabut he, eken roti hisuagaluk, akla usakharek meke iti hakene dogolik, inoado baga anek hano thalek, inetaiken pere iti nen, weagathinabinogo iluk, hinobabut hebelogo dogono.

Lukas 5:17

Iniki ageikhe baga, at Yesus wene yakulisekho werekma, it ap Farisi meke inom, ap Allah ane holal waganek meke yakulisekhe lagoukha meke inom, inai o Galilea eloke nen, Yudea nen, kota Yerusalem nen, oba wagoukhasik inasuk holek hurek werekma, ninopase Etagapogot nen akhuni u weak meke Yesus nen hagarinakhe dogoagaluk obatne wogokhe korlek hano hagarinakhe lageikhe.

Lukas 8:1

At Yesus itithogon hagakhikhesik nen, welageidegat, yabokane hano wene Allah apma 'bisekherek wene etnogo, o ukul kok inom, o 'bugurlagat meke inom, yogeisilik nehke lageikhe. Yogeisilik nekhe dogolik, at agarumi inebe 12 emenogo inom,

Lukas 8:11

Itithogon yogeisasikhesik, yabokane ageikhe men yogeisasikhe, “Wene oba lisogon yokhisigi etnogo ebe yi. Ai hilogo la'ilik lageikhe igi etnogo, ebe Allah ane itiat o.

La'isasikhe 11:19

At Stefanus etnogo ebe wakhukhasik nen, Allah a'buri yi aik ti aik hagarinakhe dogolik, sigisik-mugisik hagakhe lagoukhama, lo o propinsi Fenisia men, Siprus men, kota Antiokhia men, wagoukhasik, wene it akhuni Yahudi meke anek yogeisekhe lagoukha.

La'isasikhe 14:25

Usagoukhasik, o Pamfilia etoma o kota Perga wene yogeisalok nen, o kota Atalia usa lagoukha.

La'isasikhe 16:6

Itithogon hagatlaga korlek Allah Agoreke nen, “Wene o propinsi Asia etoma yogeisausak dek,” iluk inakla kagalhikhemo, it o Frigia Galatia ke etoma turlem heisogo waga lagoukhasik,

La'isasikhe 8:25

Itithogon yogeisasikhemo, it Petrus Yohanes ipisak nen, wene inilu meke pakhogon yogeisekhe dogolik, ninoe Etagapogot ane yogeisekhe lagoukhasik, o etoma nen, hano wene iti, o Samaria ukul doalegat ya yogeisigik, ta yogeisigik, inapuke o kota Yerusalem lagoukha.

Roma 10:8

Halok he, wene iti men apalok isikhe, “Allah ane iti ebe horogat werek o. Iti hape baga men, hetaikenma men, werek o,” iluk isikhe iti, akhuni nen inetaiken Allah oba hakotdusak wene nit nen yokhisekhe lago iti hasigat isikhe o.