Markus 13:5 - ALLAH ANE WENW KET MEKE WAROGO WOKNINAKHIKHE WENE

⁵ Hinok waganhukhama, at Yesus nen men yogeisasikhe, “Akhuni nen nukhetdinageinogo iluk, hinobabut hebelogo dogono o.

Markus 13:5 ပူးပေါင်းရင်းမြစ်များ

Markus 13:4

Hinok waganhe dogolik, men yogokhukha, “Noe. Wene yoknisegen etnogo, mera nen hagatlasigin. Ebe hagatlasigiluk hagakhe korlek, ki meke tak hagatlagunem nit ninetaiken eketlasugun. Wene hutukhogon yoknisan o,” iluk hinok waganhukha.

Markus 13:6

Akhuni inebe doalegat nen inetaga an netaga meke thalogo nen men ilik wisugun, At wisigin isukha etnogo an nebe wagei yiat o, iluk inane eberogonat thalek akhuni doalegat nukherinabisugun.

Lukas 21:8

at Yesus nen, men yogeisasikhe, “Akhuni nen nukhetdinageinogo nen, hinobabut hebelogo dogono o. It akhuni inebe doalegat nen, inetaga an netaga meke thalogo nen men ilik wisugun, At wisigin isukha etnogo an nebe wagei yiat o, igik, Hagatlasigin etnogo arat hakok i aga, igik, ilik wisugun etnaga, it iti inane hinasuk holiluk inoporlik lagup o.

1 Korintus 15:33

Akhuni nen ekhe dogolik, “It aperek inobabut weak meke hinom hunisugun halok he, hit hinobabut hano meke weak asigin o,” iluk egarek iti eberogonat iluk hinekaerek nen hinebe dalugup o.

Efesus 5:6

It akhuni Allah ane mothogon hagasu'buk meke nen, wene igi itithogon hagakharekma, Allah akla aga dageiluk weagarinabigin iti nen, it aperek nen inane we yugunat ekhe dogolik, “Weak meke itithogon hagasumo hanoat,” iluk nukhetdinagunogo.

Kolose 2:8

Itithogon isi werekma, akhuni aperek inakla kagalek meke thalek, wene we meke inekalat yokhisekhe dogolik, nukhetdinaginogo iluk, hinobabut hebelogo dogono. Wene iti, Kristus nen isikhe meke tak-tak iliogei 'buk. Weat, akhuni itaklarik waga korlek, inopa lak nen, “O yoma yi meke ti meke herlaga, mokat inobabut weak meke itiat o,” iluk ekhe lagoukha meke tak-tagat nukhetdinagaliogei iti.

2 Tesalonika 2:3

Akhuni aperek nen, “Allah nina'it,” iluk, here'isalok dukhigik, at obabut motok weak meke yabokane Allah nen hetu aik weakma la'isagein meke etnogo thelekma ageik, itithogon tak hagasugun iti nen, it aperek nen yigithogon igik, tigithogon igik, ekhe dogolik, nukhetdinagunogo. Na'it.

1 Yohanes 4:1

Nagarlak lak nerugi. Nakmu lak o. Akhuni inebe doalegat nen, “Nit nen Allah ane yokhisekhe lago,” iluk inekalat iliogei meke inebe arat thelekma ageikhasik, o yi ai ti ai liliogei iti nen he, aperek hinoba witluk, wene yokhisugunem, hit nen he, “Allah Agoreke akla dogolik yoknisiliogo,” iluk hinetaiken inoba ebekhup o. At he, “Eberogonat Allah Agoreke akla dogolik iliogo a? Ninat meke akla dogolik yoknisiliogo a,” iluk inobabut tak paliluk nen, inebe hutdisekhe dogono o.