Lukas 9:56 - ALLAH ANE WENW KET MEKE WAROGO WOKNINAKHIKHE WENE

⁵⁶ Itithogon wenageisalok nen, o nekalokma ageikhe lagoukha.

Lukas 9:56 ပူးပေါင်းရင်းမြစ်များ

Matius 18:10

Itithogon yogeisasikhesik ageikhe men yogeisasikhe, “It malaikat Allah nen pogot oba nen yoko usa'isa agarek meke nen yekerugi yi hakene therisik dogolik nopase il oba motok welageikharek iti nen, yekerugi iti hinakla meanetdisugup o. [

Matius 18:11

An abat itaklasi agagi etnogo akhuni nuk ariogei meke iti herago tilinabigiluk wagagi o.]

Matius 5:39

Itithogon mekeat he, an nen wene ageikhe yi yokhisak. Weagathinakha halok oko 'bugup o. Hinelokhoken ebeke dapukhogon hinakho halok he, paike inomat hasuagaluk wogosusagat o.

Lukas 19:10

Tilhinakhemo meke iti, an abat itaklasi agagi etnogo, it akhuni nuk ariogei meke heago tilinabigiluk wagagiat o,” iluk yogeisasikhe.

Lukas 22:51

Itithogon tha'bokhogon la'isikhe mekeat he, at Yesus nen, “Huk huk! Arat o,” iluk, ap etnogo asuk iki hakhalok nen, hunetdisikhe.

Lukas 23:34

Itithogon o baga meldisasukhama dogolik, at Yesus nen Allah men yogokhikhe, “Nopase o! It yi inokodek dogolik hagatnabiogei yi, wene inoba 'bigidek thagalogo here'isan o,” iluk yogokhikhe. Nen, it ap tentara meke emenogo nen, itithogon meldisalok, “At Yesus asu nokorlek etnogo tha hak horlagein,” iluk omatok thekerlogo walhegarek hak, helekit hupurlekentek meke walhasukhasik nen mikirlogo horlasukha.

Lukas 9:55

Itithogon isukhama at Yesus elokhe hebenokhogon wogeisalok nen, “Itithogon hagasusak dek o,” iluk wenageisasikhe.

Lukas 9:57

At Yesus agarumi inom holak oba lagunem, at ap ageikhe nen Yesus yogokhe dogolik, men yogokhikhe, “Noe! Hat komake lagan halok he, an hoporlik motok nekhe dogogin o,” iluk yogokhikhe.

Yohanes 10:10

Nen, it ap inilarlurlu waganharek meke wageikharek iti, domba inilarlurlu waganhik, inakhik, inebe motok degetdisigik, hagasuogoluk wageikharek mekeat he, an wagagi iti anek, it akhuni yi meke ti meke doalegat oba hiakhogon welageikharek iti hak, inebe iniluk motok dogoagaluk inilugurinabilukmo nen ebe meke oba hiakhogon dogoagaluk wagagi o.

Yohanes 12:47

An agat oba yoma usa'agagi it, akhuni wene inoba 'bigiluk usa'agagi 'buk. At he, inebe tilinabigiluk usa'agagi iti nen, at tha nen an nane asuk holiluk nen, nane hologo hagakhidek halok he, an nenat wene oba 'bigin 'buk. Dek o.

Yohanes 3:17

Nen, an Allah a'but agat oba yoma la'ani ageikhe iti, yi akhuni ti akhuni wene inoba 'biluk weagarinabuagaluk la'ani ageikhe 'buk. Meke re, inebe tilinabuagaluk la'ani ageikhe o.

Roma 12:21

Weak hagakharek meke iti obatne atluk hit erlok degetdinageinogo iluk, hit hano hagakhe dogolik, hinobatne atluk nen, weak hagakharek meke iti erlok degetdisekhe dogono o.

1 Timotius 1:15

Akhuni weak hagakho werekma Kristus Yesus nen ninebe tilninabigiluk agat oba yoma usa'ageikhe iluk igi iti, akhuni nen he, “Wene iti eberogonat,” iluk hutukhogon waganusak meke. Akhuni aperek weak herlekha'bugat negen hagakharek mekeat he, an anek he, weak kok motok hagakhe lagagi iti o.